Ishitushizya 12:1 - ULufingwi uLupwa

¹ Pisinda, nkalola ishilolesyo ishipiti ku mwanya: Umwantanda we ázwaye izuvha, nu mwezi wáamile pa vinama vwakwe, havhili pi itwe lyakwe ázwaye ishipambwi isha kukonzezya isha nzota 12.

Tesitamenti Umupwa 1965

¹ Pʼumumfindango umupiti wuhaloleha kumwanya, umwantanda wʼazwayʼizuva fwe mwenda, numwezi ali kunsi kuvinama ṿwakwe. Kwitwe lyakwe azwayʼishipambwi sha nzota ishumi nazivili.

Ishitushizya 12:1 ပူးပေါင်းရင်းမြစ်များ

Matayi 12:38

Pe avhasambiilizi avha ndajizyo izya Moose na Vhafalisaayi vhamo vhahamuvhuuzya uYeesu vhahati, “We Musambiilizi, tukwanza uvhombe ishilolesyo isha kuhomeshezya kuuti ufumile kwa Mulungu.”

Matayi 24:30

“Ahavhaliilizyo iho ishilolesyo isha ine ne Mwana wa Aadamu shililoleha kumwanya. Pe avhantu vhonti avha mu nkolo izya mu nsi zyonti vhalitaliha kuloosya kwi lyoga. Lwe nkwinza, avhantu vhonti vhalindola mu mavhingo na maha nu vhushindamu uvhupiti.

Maliko 13:25

zyope inzota zililagala kufuma kumwanya. Havhili ivintu ivwa kumwanya viliyingaana.

uLuuka 21:11

Havhili kuliivha ivisumbi ivipiti uku nuukwo, imbazu zimo kuliivha inzala impiti na mavhinu aga kwambushila galiivha ukwinji. Havhili, kuliivha ivintu ivwa kwogofwa ni shilolesyo ishipiti kufuma ku mwanya.

uLuuka 21:25

“Vililoleha ivilolesyo kwi izuvha na ku mwezi na ku nzota. Poope pa nsi ipa, avhasumbi vhaliivha na mavhilingwa amapiti ge gakupoma. Ilyo lilivhavhiiha avhantu avha nsi zyonti kuvha na malavha ni lyoga.

Yohani 3:29

Umulindu we akwimalwa akwanzilwa kusogola kwa mulume waakwe. Ine indi inza umumanyani uwa mulume we akumwimala umulindu uyo, nkwimiilila pa luvhazu pa we akwimala, nkuseshela lwe nkwivwa izwi lyakwe.

iMbombo izya Vhatumwa 2:19

Ndivhombaga izya kusukumizya ni vilolesyo ku mwanya na pa nsi. Ipo paliivha amavhanda nu mwoto ni lyosi ilyinji nkaani.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

VaGalati 3:27

Imwe mwenti mwe mwozeliilwe, musopenkiine nu Chilisiti, muli ngati mumuzwaye uChilisiti.

VaGalati 4:26

Ileelo ulwamwavho luholiine nu Saala we ali inza inkaaya iya Yelusaleemu iya ku mwanya. Inkaaya iyo, nsatushe, havhili ye nkaaya yiitu.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

VaEfeso 5:32

Amazwi iga gali nu vhuzigizigi uvhupiti, ileelo ine nkuyanga kuuti gakulolesya izya Chilisiti ni shivhanza.

Ishitushizya 1:20

Inzota 7 zye wazilola nzilemile ku nyoovhe yaane iya kundiilo, vhe vhahavhizya avha vivhanza viila 7. Havhili ivisajishilo ivwa sahaabu ivwa nyaale 7 vivhanza ivwo 7.”

Ishitushizya 11:19

Pe iNyumba iMfinjile iya Mulungu ye yili ku mwanya yihiiguha. Imbogooso iya Mulungu iya lufingwi yihaloleha mu Nyumba iyo. Kuhavha ulumesyo, izwi lye likujilima, ishisumbi ni mvula impiti iya mavhwe.

Ishitushizya 12:3

Havhili nkalola ishilolesyo ishamwavho ku mwanya: Páamile iyoha ipiti ishemamu. Iyoha ilyo lyámile na matwe 7 ni mpembe 10, havhili mu matwe gaakwe mwámile ivipambwi 7 ivwa vhumwene.

Ishitushizya 15:1

Pe nkalola ishilolesyo ishamwavho ku mwanya, ishipiti ni sha kusukumizya: Páamile avhahavhizya 7 vhe vhali ni mfwa 7 izya vhusililishilo. Ku mfwa 7 izyo, uvhuhalazu uvhwa Mulungu vhulunjisile.

Ishitushizya 21:14

Ulupitu ulwa nkaaya iyo lwázengwilwe mu mavhwe 12 aga lwalo. Mu mavhwe igo lyásimviilwe lyoka mu gaala amazina 12 aga vhatumwa avha Hagonzi aha MWENE uMulungu.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.