Ishitushizya 11:8 - ULufingwi uLupwa

⁸ Ivwala vwavho viliivha mwi idala ipiti ilya nkaaya yiila impiti, ye ku miivhi yikwitwa iSodooma poosye iMiisili. Panaapo pe vhámuhomeleeye uMwene waavho uYeesu Chilisiti pa shihovhenkanyo.

Tesitamenti Umupwa 1965

⁸ Agenʼamavimba gavo ge galivanga mumagulumo ga nkayʼimpiti ye mumupepo vakuti mwe mu-Sodomu namw-Egipiti, mwe vamuhomeleye nawe Mwene wavo pashihovenkanyo.

Ishitushizya 11:8 ပူးပေါင်းရင်းမြစ်များ

Matayi 10:15

Nalyoli nkuvhavhuuzya kuuti, isiku ilya vhulonzi, avhantu avha mu nkaaya iyo vhaliposheela isunde ipiti kuluusya avhantu avha mu nkaaya iya Sodooma ni ya Gomoola!”

iMbombo izya Vhatumwa 9:4

Ahagwa pansi, ahiivwa izwi likumuvhuziilizya kuuti, “Saavhuli! Saavhuli! Shooni she ukunjimvwa?”

VaHebuli 13:12

Ye nongwa uYeesu woope áyimviliilwe nu kumugoga panzi iya shikwilo ishipiti isha nkaaya iya Yelusaleemu, inga avhazelufwe avhantu uvhutalamalandu vhwavho kwi idala ilya mavhanda gaakwe.

VaHebuli 6:6

Ileelo vhalulesile ulwitiho lwavho! Litaliipo idala lyonti ilya kuvhagalusya, inga vhatonte havhili, mwe pe vhakumuhomeela pa shihovhenkanyo ulwa vhuvhili uMwana wa Mulungu nu kumusuupizya apazelu.

2 Peteli 2:6

Havhili uMulungu ávhalonzile avhantu avha mu nkaaya iya Sodooma ni ya Gomoola, ávhalovwizye nu mwoto, ávhapezile kuvha shiholanyo isha ziila zye zilivhaaga avhantu vhe vhatakumushindiha.

uYuuda 1:7

Mukumbushe havhili avhantu avha mu nkaaya iya Sodooma ni ya Gomoola, pooka na vha mu nkaaya impalamani. Avhahaaya avha mu nkaaya izyo, vhávhomvile inza avhahavhizya ivho. Vhávhomvile uvhulugusu nu kulandata izya vhuntu uvhwa vhutalamalandu, zye zitakuvhalilana nu vhupezi. Kuli izyo, vhahapeelwa isunde ilya mwoto uwa shiima, inga livhe nsoshi ku vhantu vhonti.

Ishitushizya 11:13

Ahavhaliilizyo hanaaho kuhavha ishisumbi ishipiti, ishigavho shooka pa vigavho 10 ivwa nkaaya shihabongonkana. Avhantu 7,000 vhahafwa ku shisumbi isho, vhe vhasyaye vhahoogopa nkaani, vhahamushindiha uMulungu uwa ku mwanya.

Ishitushizya 11:9

Avhantu avha mpuga zyonti na vha nkolo zyonti na vha njango zyonti na vha nsi zyonti, vhalivilola ivwala vwavho ku nsiku zitatu ni shigavho shooka pa vigavho vivhili ivwa isiku, te vhahavheele kuvisyila.

Ishitushizya 14:20

Vhahagasuusila amampensya mu shiliilo isho she sháamile kunzi ku nkaaya. Pe amavhanda gahafuma mu shiliilo isho, uvhwivhizu vhwakwe vhwáfishiiye imiita yooka ni shigavho shooka pa vigavho vivhili ivwa miita, nu vhutali vhwakwe ikilomiita 300.

Ishitushizya 14:8

Uhavhizya uwamwavho uwa vhuvhili ahalandata, ahati, “Aguuye! UBabeeli aguuye, inkaaya yiila ye mpiti! Yeenya, avhamwensiizye avhantu avha mu nsi zyonti idivaayi inkali ye vhwe vhulugusu vhwakwe.”

Ishitushizya 16:19

UMulungu atáyiluviilwe iBabeeli, inkaaya impiti. Áyimwensiizye ulupindi ulwa divaayi inkali iya vhuhalazu vhwakwe uvhupiti. Pe inkaaya yiila impiti yihatapunkana imbazu zitatu, zyope inkaaya izya nsi zyonti zihananjinkana.

Ishitushizya 17:1

Pe wooka mu vhaala avhahavhizya 7, vhe vháali ni mbiga 7 ahambuuzya ahati, “Nzaaga, niine kwe nkulanje isunde lye alipeelwa umalaaya umupiti we nkaaya ye vhayizenzile pa luvhazu pa minzi aminji.

Ishitushizya 17:18

Umwantanda we umuvhwenyi, ye nkaaya yiila impiti ye yikuvhakonzya avhamwene avha nsi zyonti.”

Ishitushizya 17:5

Ásimviilwe pa sheeni shaakwe izina ilya vhuzigizigi ilya kuuti, ubabeeli umupiti, umaayi uwa vhamalaaya nu wa mbombo zye zikuviisya izya mu nsi.

Ishitushizya 18:10

Vhaliyimiilila ukutali, mwe pe vhakwogopa amayimba gaakwe nu kuyanga kuuti, “Washeela, washeela iwe Babeeli, inkaaya ye yikumusile ni ya maha! Ku havhaliilizyo aha isaala lyoka vhweleele isunde lyaho lyakwaga.”

Ishitushizya 18:18

Lwe vhalilola ilyosi ilya mwoto ula we wuliyinanganyaaga, vhalihoola kwi izwi ipiti kuuti, “Kutahavha naalumo inkaaya, inza inkaaya impiti ino!”

Ishitushizya 18:2

Ahahoola kwi izwi ipiti ahati, “Aguuye! UBabeeli aguuye, inkaaya yiila ye mpiti! Ishi avha vhutendamo uvhwa gaseetano ni mpepo inkandamanu, havhili avha vhutendamo uvhwa nyunyi inkandamanu zyonti zye zikuviisya.

Ishitushizya 18:21

Havhili uhavhizya wooka we ali na maha ahavhuusya ivhwe lye liholiine nu lwala, ahalisumbila mwa sumbi nu kuuti, “Vwe uBabeeli alisumbilwa, nu kuteega nziila.

Ishitushizya 18:24

UMulungu áyisunzite inkaaya iyo, mwe pe mu kwakwe mwámile amavhanda aga vhakuvhwi na ga vhafinjile na ga vhantu vhonti, vhe avhalugu avha Mulungu vhávhagozile mu nsi.”