Ishitushizya 11:3 - ULufingwi uLupwa

³ Niine, ndiivhapa amaha avhahoome vhaane vhavhili, vhoope vhaliifumwa uvhukuvhwi insiku 1,260, she vhazwaye amenda aga magunila kulolesya uvhuswimiilizu.”

Tesitamenti Umupwa 1965

³ Pe ndivapʼamaha avahome vane vavili, ve valikuvwa kumanda 1,260 lwe vazwayʼinkusʼinyezya.

Ishitushizya 11:3 ပူးပေါင်းရင်းမြစ်များ

Matayi 11:21

Ahayanga ahati, “Mwasheela imwe mwe vhantu avha mu nkaaya iya Kolaziini ni ya Betisaayida! Yeenya, amafindango ge mbomvile kuli imwe, inga apele gavhombehaje mwe mu nkaaya iya Tiilo ni ya Siidoni, avhantu avha mu nkaaya izyo, nkandi vházwaye amagunila nu kuyipaha ilota kulolesya kutonta uvhutalamalandu vhwavho.

Matayi 18:16

Ileelo inga atakutejeelezya, usogole umunyatule umuntu uwamwavho wooka poosye vhavhili, inga muvhulandate uVhusimbe uVhufinjile vhwe vhukuti, ‘Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.’

uLuuka 10:13

Ahayanga ahati, “Mwasheela imwe mwe vhantu avha mu nkaaya iya Kolaziini ni ya Betisaayida! Yeenya, amafindango ge mbomvile kuli imwe, inga apele gavhombehaje mwe mu nkaaya iya Tiilo ni ya Siidoni, avhantu avha mu nkaaya izyo, nkandi vházwaye amagunila nu kuyipaha ilota kulolesya kutonta uvhutalamalandu vhwavho.

uLuuka 24:48

Izi zye zivhombesile, imwe mwe vhahoome, muvhavhuzyaje na vhanji.

Yohani 15:27

Havhili, niimwe mulivhahomeshezyaga avhantu avhanji, mwe pe muli pooka niine kufuma ku vhwandilo.”

Yohani 3:27

UYoohani ahavhaamula ahati, “Umuntu atangavha ni shintu, inga uMulungu atamupiiye.

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 13:31

UYeesu woope ahayilolesya insiku inyinji ku vhantu vhe ásogooye pooka navho kufuma ku Galilaaya, kusogola ku Yelusaleemu. Ivho vhe vhahoome vhaakwe ku vhantu vhiitu aVhaisilayeeli.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

1 VaKolinti 12:28

Mu shivhanza, uMulungu ávhavhiisile avhatumwa na vhakuvhwi na vhasambiilizi. Havhili ávhavhiisile vhe vhakuvhomba amafindango na vha shikunjilwa isha kuponia avhavhinu na vha shikunjilwa isha kuvhaavwa avhanji na vha shikunjilwa isha kulongozya na vha shikunjilwa isha kuyanga injango injeni.

2 VaKolinti 13:1

Ulu kwe luvhe lwa vhutatu kuli ine kwinza kuli imwe. UVhusimbe uVhufinjile vhukuti, “Uvhunanzi vhwonti vhulongwaje lwe vhaafumwa uvhwahoome avhantu vhavhili, poosye vhatatu.”

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

Ishitushizya 1:5

havhili vhwe vhukufuma kwa Yeesu Chilisiti. Uweene we wu hoome uwa nalyoli, we mutanzi kuzyuha, havhili we mupiti uwa vhamwene vhonti avha mu nsi. UYeesu Chilisiti we atukunzite, havhili atusatuuye mu vhutalamalandu vhwitu, kutuushila mu mavhanda gaakwe.

Ishitushizya 11:2

Ileelo uluvhungaano ulwa kunzi ululeshe ishisita kulupima, mwe pe ulwenelwo vhapeliilwe vhe vhatakumwitiha uMulungu. Vhoope vhaliyihanyanjila iNkaaya iMfinjile ameezi 42.

Ishitushizya 11:6

Ivha vhali na maha aga kudindila kumwanya, kuuti imvula yitahatoonye ku nsiku zyonti zye vhakufumwa uvhukuvhwi vhwavho. Havhili vhali na maha aga kugagalulanya aminzi gonti gavhe mavhanda nu kuleeta imfwa izya mavhiila mu mavhiila mu nsi yonti inza vwe vhasungwa.

Ishitushizya 12:6

Umwantanda ula ahashimbiilila kwi ilaala kwe uMulungu ámusenganiziinye, kuuti amusunje kunuukwo ku havhaliilizyo aha nsiku 1,260.

Ishitushizya 13:5

Ishihanu isho shihitishilwa kuyanga amazwi aga kuyitumvwa, nu kumusaamula uMulungu. Shihapeelwa amaha ku havhaliilizyo aha meezi 42.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.