Ishitushizya 11:18 - ULufingwi uLupwa

¹⁸ Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Tesitamenti Umupwa 1965

¹⁸ Inkolo zyasambusile ukuvitwa, nuvuhalazu vwaho vuhinza. Numwaha wa kulongʼavafwe wuhinza, uwa kuvapʼamalipilo avanyamata vaho avakuvwi navafinjile, nave vakulinyilʼizina lyaho, navansi navapiti, nuwa kutupula ve vakunangʼinsi.

Ishitushizya 11:18 ပူးပေါင်းရင်းမြစ်များ

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

uLuuka 1:50

Akuvhafwila uvhwila avhantu avha manda gonti, vhonti vhe vhakumunyila.

VaHebuli 9:27

Inza vwe avhantu vhonti vhakufwa lwoka vhweleele, havhili lwe vhaafwa, uMulungu akuvhalonga,

Ishitushizya 10:7

Ileelo mu manda igo lwe uhavhizya uwa 7 apalamila kuhoma isaji lyakwe, uluvhaatiho ulwa vhuzigizigi ulwa Mulungu lulilunjiha. Lulilunjiha inza vwe ávhalumbiliiye avhavhomvi vhaakwe avhakuvhwi.”

Ishitushizya 11:2

Ileelo uluvhungaano ulwa kunzi ululeshe ishisita kulupima, mwe pe ulwenelwo vhapeliilwe vhe vhatakumwitiha uMulungu. Vhoope vhaliyihanyanjila iNkaaya iMfinjile ameezi 42.

Ishitushizya 13:10

Umuntu we akwanzilwa kugomwa, woope aliigomwa. Umuntu we akwanzilwa kuuti avhantu vhamugoje kwi ipanga, woope vhalimugoga kwi ipanga. Pe ishi, avhafinjile vhakwanzilwa vhavhe nu vhujimbiilizu nu lwitiho.

Ishitushizya 13:16

Shoope ishihanu isha vhuvhili shihavhalajizya vhonti, avhapiti na vhansi na vhadumbwe na vhapiina na vhazya na vhe te vhazya kuuti vhapelwaje ivimanyilo ku nyoovhe zyavho izya kundiilo poosye pa vweni vwavho.

Ishitushizya 14:10

uweene alimwela idivaayi inkali ye vhuhalazu uvhwa Mulungu. Idivaayi iyo, vhasuusile ishisita kusangaanya na minzi, mu lupindi ulwa mulaha waakwe. Woope uMulungu alimuyimvwa ku mwoto na ku mbaluuti pilongolela ilya vhahavhizya avhafinjile, na pilongolela ilya Hagonzi aha MWENE uMulungu.

Ishitushizya 15:1

Pe nkalola ishilolesyo ishamwavho ku mwanya, ishipiti ni sha kusukumizya: Páamile avhahavhizya 7 vhe vhali ni mfwa 7 izya vhusililishilo. Ku mfwa 7 izyo, uvhuhalazu uvhwa Mulungu vhulunjisile.

Ishitushizya 15:7

Pe shooka mu viila ivipelwa vine shihaavhapa avhahavhizya ivho 7 imbiga impiti 7 izya sahaabu zye zyizuuye uvhuhalazu uvhwa Mulungu, uweene we mulanzi shiima shiima.

Ishitushizya 18:6

Mumuvhombele inza vwe woope ávhomvile, mumulanduzye luvhili ku ziila zye ávhomvile. Mu lupindi lwakwe lwe ávhenjeeye, imwe mumwenjele luvhili.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.

Ishitushizya 19:18

Nzaaji! Mulye amavhili aga vhamwene na ga vhapiti vha vhasikaali na vhantu avha maha na ga mfwalaasi na vhe vhakuzilimbila. Nzaaji! Mulye amavhili aga vhantu vhonti, vhe vhazya na vhe te vhazya na vhapiti na vhansi.”

Ishitushizya 19:5

Pe izwi lihafuma ku shitengo isha vhumwene lihati, “Mumutiime uMulungu wiitu, mwe vhavhomvi vhwakwe vhonti, mwenti mwe mukumunyila, mwe vhapiti na mwe vhansi.”

Ishitushizya 20:12

Pe nkavhalola avhafwe, avhapiti na vhansi, vhimiliiye pilongolela ilya shitengo isha vhumwene, amakalaata gahagubulwa. Havhili ikalaata ilyamwavho ilya vhulanzi lyope lihagubulwa. Pe uMulungu ahavhalonga avhafwe kulandatana nu lujendo lwavho, inza vwe lwásimviilwe mu makalaata igo.

Ishitushizya 20:15

Umuntu wonti we izina lyakwe litálolesile mwi ikalaata ilya vhulanzi, ahasumbilwa mwa sumbi we akwaha umwoto.

Ishitushizya 22:12

UYeesu akuyanga akuti, “Yeenya, nkwinza naluvhiilo pooka na malipilo ge ndivhalipa vhonti kulandatana nu lujendo lwavho.