Ishitushizya 11:17 - ULufingwi uLupwa

¹⁷ Vhahati, “Tukukusalifwa iwe, MWENE Mulungu uwa Maha Gonti, we uliipo na we wáliipo, mwe pe ulolesiizye amaha gaaho amasisya nu kutaliha kukonzya.

Tesitamenti Umupwa 1965

¹⁷ vahati: Tukukusalifwa we Mwene Mulungu uWamahagonti, wʼulipo shinishi, we walipo nalulwo, shʼusenzite amaha gaho amapiti, havili uyipezilʼukuva we mwene.

Ishitushizya 11:17 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

uLuuka 10:21

Ahavhaliilizyo hanaaho, uMupepo uMufinjile ahaamupa uYeesu kuseshela nkaani, ahati, “We Taata, MWENE wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu vhe vhakuyiisya inza avhaana avhansi. Nalyoli Taata, isho vwe usungwilwe.”

Yohani 11:41

Pe avhantu vhe vháliipo paala, vhahalyefwa ivhwe liila lye lyáli pa mulyango. UYeesu aheenya ku mwanya, ahalaavha kwa Mulungu ahati, “We Taata, nkukusalifwa, mwe pe watejeelezya impuuto zyane.

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

2 VaKolinti 9:15

Tumusalifwaje uMulungu kuzya shikunjilwa ishipiti isha kusukumizya, she atupiiye.

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 16:5

Pe nkiivwa uhavhizya umwimiilizi uwa minzi akuti, “We Mufinjile, we uliipo na we wáliipo! Iwe we mugolosu, mwe pe walonga izi.

Ishitushizya 16:7

Pe nkiivwa izwi kufuma pa shifinjilo likuti, “Mwe muumwo, MWENE Mulungu uwa Maha Gonti! Uvhulonzi vhwaho vhwa nalyoli, havhili vhugolosu!”

Ishitushizya 18:8

Kuli izyo, alipeelwa imfwa zyakwe kwi isiku lyoka, uvhuvhinu nu vhuswimiilizu ni nzala. Havhili aliilovwa ku mwoto, mwe pe uMWENE uMulungu uweene we akumulonga ali na maha.”

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.

Ishitushizya 19:6

Pe nkiivwa izwi ngati lizwi lya ivhungaana ipiti ilya vhantu, havhili ngati lya minzi aminji ge gakwiha ku maha, havhili ngati lya kujilima ukupiti lihati, “Haleluuya! Mwe pe uMWENE wiitu uMulungu uwa Maha Gonti akonzya!