Ishitushizya 10:7 - ULufingwi uLupwa

⁷ Ileelo mu manda igo lwe uhavhizya uwa 7 apalamila kuhoma isaji lyakwe, uluvhaatiho ulwa vhuzigizigi ulwa Mulungu lulilunjiha. Lulilunjiha inza vwe ávhalumbiliiye avhavhomvi vhaakwe avhakuvhwi.”

Tesitamenti Umupwa 1965

⁷ nkandi mumanda gʼizwi lya havizya wa vusano navuvili, lwʼayinza ahomʼisaji lyakwe, pe zililunjiha izya vuzigizigi ṿwa Mulungu, inza shʼahavakumusizya avanyamata vakwe navakuvwi munongwʼinyinza.

Ishitushizya 10:7 ပူးပေါင်းရင်းမြစ်များ

iMbombo izya Vhatumwa 3:21

UYeesu akwanzilwa kusyala ku mwanya, kufishila ahavhaliilizyo he uMulungu alivigalulanya ivintu vwonti kuvha vipwa, inza vwe uweene áyanzile kufuma hali, kutuushila ku vhakuvhwi vhaakwe avhafinjile.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

Ishitushizya 14:6

Nkalola uhavhizya uwamwavho akubuluha pahati pamwanya, áamile ni Izwi iLyinza ilya shiima. Ahavhalumbiilila vhe vhakutendama pa nsi, insi zyonti ni nkolo zyonti ni njango zyonti ni mpuga zyonti.

Ishitushizya 17:17

Ziliivha vhwevhulo, mwe pe uMulungu avhapiiye avhamwene ivho insiivho zyoka mu mooyo gaavho, kuushipa ishihanu shiila amaha gaavho aga kukonzya. Vhalivhomba vhwevhulo kufishila lwe ziila zye áyanzile uMulungu zyalunjiha.