Ishitushizya 1:7 - ULufingwi uLupwa

⁷ Yeenyi, akwinza na mavhingo! Avhantu vhonti vhalimulola, poosye vhe vhámulasile ni mpalala, na vhantu avha nsi zyonti vhalikuuta nu kuloosya ku zyakwe. Nalyoli! Amina.

Tesitamenti Umupwa 1965

⁷ Yenyi, akwinza mumavingo. Aminso ga vonti woka woka galimwenya. Valimwenya vope nava ve vamulasile. Ninkolo zyonti izya munsʼumu zilidwegana pazyakwe. Ena nalyoli. Amen.

Ishitushizya 1:7 ပူးပေါင်းရင်းမြစ်များ

Matayi 16:27

Ine ne Mwana wa Aadamu ndiyinza pooka na vhahavhizya vhaane mu vhushindamu uvhwa Taata waane. Pe ndivhalipa avhantu vhonti kulandatana ni mbombo zyavho.

Matayi 16:28

Nalyoli nkuvhavhuuzya kuuti, vhaliipo vhamo vhe vhimiliiye ipa, te vhahaafwe, she vhatambwenyi ne Mwana wa Aadamu lwe nkwinza mu vhumwene vhwane.”

Matayi 24:30

“Ahavhaliilizyo iho ishilolesyo isha ine ne Mwana wa Aadamu shililoleha kumwanya. Pe avhantu vhonti avha mu nkolo izya mu nsi zyonti vhalitaliha kuloosya kwi lyoga. Lwe nkwinza, avhantu vhonti vhalindola mu mavhingo na maha nu vhushindamu uvhupiti.

Matayi 25:31

UYeesu ahajendeelela kuvhavhuuzya avhasundikwa vhaakwe kuuti, “Lwe ine ne Mwana wa Aadamu ninza mu vhushindamu vhwane pooka na vhahavhizya vhonti, nditendama pa shitengo shaane isha vhushindamu.

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Maliko 13:26

Ahavhaliilizyo iho, pe avhantu vhalindola ine ne Mwana wa Aadamu nkwinza mu mavhingo ku maha nu vhushindamu.

Maliko 14:62

UYeesu ahati, “Ine ne neene. Niimwe kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani, havhili kwe mundole nkwinza mu mavhingo.”

uLuuka 21:27

“Pe ne Mwana wa Aadamu ndililoleha nkwinza mu mavhingo na maha nu vhushindamu uvhupiti.

Yohani 19:34

Ileelo umusikaali wumo ahamulasa uYeesu ni mpalala pa luvhazu. Pe amavhanda na minzi vihafuma.

Yohani 19:37

Havhili uVhusimbe uVhufinjile vhukuti, “Vhalimulola we vhámulasile.”

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

1 VaTesaloniki 4:17

Pe iswe swe vhapuuma, twe tusyaye, tulisompolwa pooka navho mu mavhingo, inga tumuposheele uMwene uYeesu kumwanya. Pe tulitendama pooka nawo shiima shiima.

VaHebuli 10:29

Ishi sivhiliili umuntu we akumusuufwa uMwana wa Mulungu. Isunde lyakwe liliivha vhuli? Havhili, yiliivha vhuli kwa ula we amavhanda aga lufingwi ulwa Mulungu gamuzelufwizye, ileelo uweene akugalola te shintu? Havhili, yiliivha vhuli kwa ula we akumusaamula uMupepo uwa Mulungu we akuvhafwila uvhwila avhantu vhaakwe? Nalyoli isunde lyavho ivho liliivha lipiti, havhili lihali nkaani.

VaHebuli 6:6

Ileelo vhalulesile ulwitiho lwavho! Litaliipo idala lyonti ilya kuvhagalusya, inga vhatonte havhili, mwe pe vhakumuhomeela pa shihovhenkanyo ulwa vhuvhili uMwana wa Mulungu nu kumusuupizya apazelu.

1 Yohani 3:2

Mwe vhankundwa, ishi iswe swe vhaana vha Mulungu, ileelo yitamanyisile apazelu vwe tuliivha. Tumanyile kuuti ahavhaliilizyo he uChilisiti aligaluha havhili, tuliholana nawo, mwe pe tulimulola vwe ali.

uYuuda 1:14

UEenoki, utaata uwa 7 kufuma pa Aadamu, áfumwizye uvhukuvhwi ku zyavho. Átili, “Yeenyi, uMWENE uMulungu akwinza na vhahavhizya vhaakwe avhafinjile amashumi na mashumi,

Ishitushizya 22:20

We akuhomeshezya kuli izi, akuti, “Nalyoli nkwinza naluvhiilo.” Amina. Uyinze Mwene Yeesu!

Ishitushizya 22:4

Vhalipalola pa minso gaakwe ni izina lyakwe lilisimbwa pa vweni vwavho.