Ishitushizya 1:2 - ULufingwi uLupwa

² Pe woope uYoohani ahahomeshezya zyonti zye ázivhwenyi, zye lizwi lya Mulungu nu vhwahoome uvhwa Yeesu Chilisiti.

Tesitamenti Umupwa 1965

² wʼahomeshezizye inongwa zya Mulungu nuluhomeshezyo lwa Yesu Chilisiti, zyonti zyʼaziwenyi.

Ishitushizya 1:2 ပူးပေါင်းရင်းမြစ်များ

Yohani 1:32

Pe uYoohani ahavhahomeshezya avhantu ahati, “Namulola uMupepo uMufinjile kufuma ku mwanya akwiha pamwanya yaakwe ku shiholanyo isha nkunda nu kusyala pooka nawo.

Yohani 12:17

Ivhungaana ilya vhantu lye lyámile pooka nu Yeesu lwe akumwita uLaazalo kufuma mu mbiipa, lyákumusiizye inongwa izyo.

Yohani 19:35

Inongwa izi zisimviilwe nu muntu we ázivhwenyi, lwe zikuvhombeha. Zye akuyanga zya nalyoli, havhili woope amanyile kuuti zye akuyanga zya nalyoli. Pe akuhomeshezya, inga niimwe mwitishe.

Yohani 21:24

Umusundikwa uyo we akuhomeshezya izi nu kuzisimba. Niiswe tumanyile kuuti zye akuhomeshezya zya nalyoli.

Yohani 3:11

Nalyoli nkukuvhuuzya kuuti, iswe tuzimanyile zye tukuyanga, havhili tukuhomeshezya ziila zye tuzivhwenyi, ileelo imwe mutakwitiha zye tukuvhavhuuzya.

iMbombo izya Vhatumwa 22:15

Kwe uvhe we hoome waakwe ku vhantu vhonti, kuvhavhuuzya ziila zye uzivhwenyi nu kuzyivwa.

iMbombo izya Vhatumwa 26:16

Ishi vhuuha, yimiliila! Zye zimbiisile kuuti nkuloleshele zye zino: Nkwanza kuuti nkuvhiishe uvhe we muvhomvi havhili we hoome waane. Uvhahomeshezyaje avhantu avhanji zye wazilola ileelo ili na ziila zye inshiili kukulolesya.

iMbombo izya Vhatumwa 4:20

Mwe pe iswe tutangaaleha kuziyanga ziila zye tuzivhwenyi nu kuzyivwa.”

1 VaKolinti 1:6

Uvhudumbwe vhwinyu uvhwo, vhukuhomeshezya kuuti, Izwi iLyinza ilya Chilisiti lye twálumbiliiye kuli imwe lya nalyoli.

1 VaKolinti 2:1

Vhamwitu, lwe nínzile kuli imwe ntahakumusyaga intumi iya Mulungu ye yáali ya vhuzigizigi, inga ndoleshe kuuti ine indi na hayanjile ahinza, poosye kuyilolesya kuuti indi nu vhushindamu uvhwa njeele.

1 Yohani 1:1

Tukuvhakumusizya inongwa izya ula we wu Izwi ilya Vhulanzi, we áliipo kufuma ku vhwandilo. Iswe twámwivuuye nu kumulola na minso giitu sweneeswe, tuhamwenyaaga nu kumupalamansya ni nyoovhe zyitu.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.

3 Yohani 1:12

Avhantu vhonti vhakuhomeshezya kuuti uDemetiiyo muntu mwinza, ni mbombo zyakwe ingolosu, zikuhomeshezya kuuti muntu wa nalyoli. Poosye niiswe, tukuhomeshezya kuuti muntu mugolosu, niiwe umanyile kuuti uvhwahoome vhwitu vhwa nalyoli.

Ishitushizya 1:11

Izwi ilyo lihambuuzya lihati, “Izi zyonti zye ukuzilola, uzisimbe mwi ikalaata. Lwe wazisimba, ulitwale ikalaata mu vivhanza 7 ivwa mu nkaaya izya Hefeeso ni Siimina ni Pegaamo ni Tiyatiila ni Saadi ni Filadelufiya ni Lawodikiya.”

Ishitushizya 1:19

“Pe ishi, uzisimbe zyonti zye wazilola, kwe kuuti zye ziliipo na zye ziliyinza.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.

Ishitushizya 12:17

Pe iyoha lihamuviitilwa nkaani umwantanda ula, liheepa nu kusogola kulwa uvhulugu na vhaana vhe vhásyaye avha mwantanda ula. Avhaana ivho vhe vhala vhe vhakuzilema indajizyo izya Mulungu nu kufumwa uvhwahoome uvhwa Yeesu Chilisiti.

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Ishitushizya 22:21

UMwene uYeesu, avhafwilaje uvhwila imwe mwenti.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.