Ishitushizya 1:18 - ULufingwi uLupwa

¹⁸ uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.

Tesitamenti Umupwa 1965

¹⁸ ne Mulanzi nenene, nafuye, havili yenya, nkulandila nakuvusitakusila nalumo lumo. Ndi niṿwigulilo ṿwa kuvufwe niṿwa kuvuzimu.

Ishitushizya 1:18 ပူးပေါင်းရင်းမြစ်များ

Matayi 11:23

Niimwe mwe vhantu avha mu nkaaya iya Kapelanawuumu, vhuli, mukusiivha kuuti muliizuvha kufishila ku mwanya? Ndaali! Te yihaavhe vhwevhulo, mulisumbwa pansi kufishila ku vhuzimu. Nkuyanga isho, mwe pe amafindango ge mbomvile kuli imwe, inga gapele gavhombehaje mwe mu nkaaya iya Sodooma, inkaaya iyo, nkandi yiliipo kufishila ileelo.

Matayi 16:19

Ine kwe nkupe ivwigulilo ivwa vhumwene uvhwa Mulungu, pe lyonti lye mwaligalila kwi izina lyane mu nsi umu, woope uMulungu akuligalila ku mwanya. Havhili, lyonti lye mwalyigula kwi izina lyane mu nsi umu, woope uMulungu akulyigula ku mwanya.”

uLuuka 24:5

Avhantanda ivho, ilyoga lihavhalema. Vhahakupama pansi. Pe avhanaavuli vhaala vhahavhavhuuzya vhahati, “Shooni she mukumulondola we mupuuma ku vhafwe?

Yohani 11:25

UYeesu ahamwamula uMaalita ahati, “Ine ne nkuzyusya, havhili ne nkupa uvhulanzi. Umuntu wonti we akuniitiha ine, poosye inga aafwa, aliivha mulanzi.

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

VaLoma 6:9

Tumanyile kuuti uChilisiti ázyusile, te ahaafwe havhili, nu vhufwe vhutali na maha ku kwakwe havhili.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 7:16

Uweene atávhisiilwe kuvha mupuuti kufuma mu nkolo iya Laawi inza vwe indajizyo izya Moose zihayangaga, ileelo ávhisiilwe kuvha mupuuti ku maha aga vhulanzi vhwakwe vhwe vhutali nu vhusililishilo.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

Ishitushizya 10:6

Ahalapa kwa Mulungu uweene we mulanzi shiima shiima, we ahapela ku mwanya na vwe vili kuukwo ni nsi na vwe vili muumwo nu sumbi na vwe vili muumwo. Ahati, “Te pahaavhe havhili, lwe izi zyatuuha.

Ishitushizya 15:7

Pe shooka mu viila ivipelwa vine shihaavhapa avhahavhizya ivho 7 imbiga impiti 7 izya sahaabu zye zyizuuye uvhuhalazu uvhwa Mulungu, uweene we mulanzi shiima shiima.

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha:

Ishitushizya 20:13

Usumbi ahavhafumwa panzi avhafwe vhe vháali muumwo, uVhufwe nu Vhuzimu vhahavhafumwa panzi avhafwe vhe vháamile kuukwo. UMulungu ahavhalonga vhonti kulandatana nu lujendo lwavho.

Ishitushizya 20:14

Pe uVhufwe nu Vhuzimu vhahasumbilwa mwa sumbi we akwaha mwoto. Usumbi uyo we akwaha umwoto we vhufwe uvhwa vhuvhili.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula:

Ishitushizya 4:9

Uweene we atendiime pa shitengo isha vhumwene, we wu Mulungu we mulanzi shiima shiima. Ivipelwa ivwo, ahavhaliilizyo honti lwe vikumushindiha nu kumumwamiha nu kumusalifwa,

Ishitushizya 5:14

Ivipelwa viila vine vihati, “Amina.” Vhoope avhasongo vhaala 24 vhahakupama nu kupuuta.

Ishitushizya 6:8

Nkalola imfwalaasi imvuutu nu weene we áyilimbiiye izina lyakwe wu Vhufwe, havhili woope uVhuzimu ahalandatana nawo. Vhoope vhahapeelwa amaha ku shigavho shooka pa vigavho vine ivwa vhantu, inga vhavhagoje kwi ipanga na ku nzala na ku vhuvhinu na ku vihanu ivihali ivwa mu nsi.

Ishitushizya 9:1

Woope uhavhizya uwa vhusaano ahahoma isaji lyakwe, nkalola uluzota lwe lwáfumile ku mwanya, luguuye pansi, lwope luhapeelwa ishigulilo isha ilivha ilya ku vhuzimu.