Ishitushizya 1:16 - ULufingwi uLupwa

¹⁶ Woope mu nyoovhe yaakwe iya kundiilo, áamile ni nzota 7. Havhili ipanga ihozu kwonti lihafumaga mwi ilomu lyakwe. Ku minso kuhalamaga ngati lizuvha ihali nkaani.

Tesitamenti Umupwa 1965

¹⁶ Mumuhono wakwʼumulilo alemilʼinzota zisano nazivili. Mwilomu lyakwe mwe shalʼishipanga ishihozu isha vwembe kuvili. Kuminso ahalamaga fwe ngati lizuva mumaha gakwe.

Ishitushizya 1:16 ပူးပေါင်းရင်းမြစ်များ

Matayi 17:2

Lwe vhali paala, uYeesu ahagalunkana pilongolela lyavho. Pa sheeni shaakwe pahalama ngati lizuvha na menda gaakwe gahavha mazelu nkaani ngati lizuvha.

iMbombo izya Vhatumwa 26:13

We mwene, lwe indi mwi idala ilyo, mu havhaliilizyo aha vhushenzelo, nkalola uvhuzelu uvhupiti kufuma ku mwanya. Vhwálamile kuluusya uvhuzelu uvhwa izuvha, vhuhatulamila imbazu zyonti, ine na vhamwitu vhe tuhashuulaga pooka navho.

VaEfeso 6:17

Havhili muposheelaje kufuma kwa Mulungu uvhuposhi vhwakwe ni izwi lyakwe. Uvhuposhi vhukuvha ngati nkofwela iya shijela ye umusikaali akuzwala ku vhulugu, lyope izwi likuvha ngati lipanga lye mukupeelwa nu Mupepo uMufinjile kulwila.

VaHebuli 4:12

Yeenya, izwi ilya Mulungu lilanzi havhili lili na maha. Havhili likuliluusya ipanga lye lili nu vhuhozu imbazu zyonti zivhili. Likulasa nu kwinjila muhati nkaani, nu kulehaanya umwoyo nu mupepo na pe ivipelwa ivwa muvhili visopenkiine na mafuta ge gali muumwo nu kumanya zye avhantu vhakusiivha nu kwanza.

Ishitushizya 1:20

Inzota 7 zye wazilola nzilemile ku nyoovhe yaane iya kundiilo, vhe vhahavhizya avha vivhanza viila 7. Havhili ivisajishilo ivwa sahaabu ivwa nyaale 7 vivhanza ivwo 7.”

Ishitushizya 10:1

Pe nkalola uhavhizya uwamwavho uwa maha, akwiha kufuma ku mwanya. Ázwaye ivhingo, havhili igombogombo lyáli pi itwe lyakwe pamwanya, ku minso gaakwe áamile inza izuvha, ivinama vwakwe vwáli ngati mpanda izya mwoto.

Ishitushizya 12:1

Pisinda, nkalola ishilolesyo ishipiti ku mwanya: Umwantanda we ázwaye izuvha, nu mwezi wáamile pa vinama vwakwe, havhili pi itwe lyakwe ázwaye ishipambwi isha kukonzezya isha nzota 12.

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.

Ishitushizya 19:21

Umuntu uyo we átendiime pamwanya pa mfwalaasi, ahavhagoga avhasikaali vhaavho kwi ipanga lye lihafumaga mwi ilomu lyakwe. Inyunyi zyonti zihalya inyama zyavho nu kwikuta.

Ishitushizya 2:1

Umuntu uyo ahajendeelela kumbuuzya kuuti, “Uhavhizya uwa shivhanza isha ku Hefeeso, musimbile uti: Iga mazwi kufuma kuli ine ne Yeesu. Ine ndemile inzota 7 ku nyoovhe yaane iya kundiilo, havhili nkujenda pahati pa visajishilo ivwa sahaabu ivwa nyaale 7:

Ishitushizya 2:12

“Uhavhizya uwa shivhanza isha ku Pegaamo, musimbile uti: Iga mazwi kufuma kwa Yeesu, ula we ali ni ipanga lye lihozile kwonti:

Ishitushizya 2:16

Ishi leelo, pinduha! Inga utapinduha, nkwinza kuli iwe naluvhiilo, nu kulwa navho ni ipanga lye likufuma mwi ilomu lyane.

Ishitushizya 3:1

“Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.