iMbombo izya Vhatumwa 9:2 - ULufingwi uLupwa

² ahamulaavha kuuti aamupe avhakalaata avha kumumanyisya ku vhasongo avha masinagoogi mu nkaaya iya Damaasiki. Avhakalaata ivho vhahamwitishilaga kuuti, inga avhaaga avhalandati avha Idala ilya Mwene uYeesu, avhanaavuli poosye avhantanda, avhakunje nu kuvhaleeta ku Yelusaleemu.

Tesitamenti Umupwa 1965

² ahamulavʼavakalata ava kuvalila kumasinagogi ga mu-Damasika, ukuti ingʼakuvaga vamo avʼIdala ili avanaṿuli navantanda, avakungaje nukuvatwala ku-Yelusalemu.

iMbombo izya Vhatumwa 9:2 ပူးပေါင်းရင်းမြစ်များ

Matayi 10:17

Muvhe minso na vhantu, mwe pe vhalivhatwalaga kulongwa pa lukuvhato nu kuhomwa mu masinagoogi gaavho.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

iMbombo izya Vhatumwa 18:25

Umuntu uyo ásambiliiye idala ilya Mwene uYeesu. Ahataliha kuvhasambiilizya avhantu izya Yeesu mu vhwanalyoli, mwe pe umwoyo waakwe wuhaahaga nkaani. Ileelo ámanyile ulwozyo lwe lwa Yoohani.

iMbombo izya Vhatumwa 19:23

Ahavhaliilizyo hanaaho, kuhafumila ivho ipiti mu Hefeeso kuzya nsambiilizyo izya Idala ilya Mwene Yeesu.

iMbombo izya Vhatumwa 19:9

Ileelo vhamo vhahadindila amakutwi gaavho, vhahahaana kuwiitiha, vhahanda kuzisaamula insambiilizyo izya Idala ilya Mwene uYeesu pilongolela ilya vhantu. Pe uPaavhuli ahavhaleha, ahavhanyatula avhalandati avha Yeesu, ahavhasambilizyaga insiku zyonti mu nyumba iya kusambilizizya iya muntu we vhahatinji uTiilaani.

iMbombo izya Vhatumwa 24:14

“Ileelo lye nkwitiha pilongolela lyaho, lye lino ilya kumupuuta uMulungu uwa vhataata vhiitu nu kulilandata Idala ilya Mwene uYeesu, pooka nu kuuti avheene vhakuti shipuuto she te sha muumwo. Havhili nkuzyitiha zyonti zye zisimviilwe mu makalaata aga ndajizyo izya Moose na mu makalaata aga vhakuvhwi.

iMbombo izya Vhatumwa 24:22

Pe uFeeliki, we ámanyile ahinza Idala ilya Mwene uYeesu, ahavhavhuuzya ahati, “Kuuti naamule amalandu giinyu lwe uLuusiya umupiti uwa vhasikaali ayinza.”

iMbombo izya Vhatumwa 26:10

Izyo zye nkavhombaga ku Yelusaleemu. Ukwo avhapiti avha vhapuuti vhámpiiye amaha aga kuvhakunga avhalandati avha Yeesu mu jeela. Nkavhakunga avhafinjile avhinji mu jeela. Havhili vhamo lwe vhakulongwa, niine nkahomaga ulutambu ulwa kwitiha kuuvhapa isunde ilya kuvhagoga.

iMbombo izya Vhatumwa 26:12

UPaavhuli ahajendeelela kuyanga kuuti, “Isiku limo náamile mwi idala, nkasogolaga kuvhayimvwa avhalandati avha Yeesu mu nkaaya iya Damaasiki. Avhapiti avha vhapuuti vhámpiiye indajizyo na maha aga kuvhomba vhwevhulo.

iMbombo izya Vhatumwa 6:9

Ileelo aVhayuuda vhamo vhahalinga kudalinkana nu Siteefani. Ivho vháfumile mwi isinagoogi lye vhahatinji ilya Vhantu aVhasatushe. Vhamo muli ivho vháfumile mu nkaaya iya Kileene ni ya Alekizandiliya, vhamo vháfumile mu shigavho isha nsi isha Kiliikiya ni sha Aasiya.

iMbombo izya Vhatumwa 7:19

Umwene uyo ahavhayimvwa avhataata vhiitu, ahavhalajizya avhantu avha luho lwitu kuuti vhavhasumbaje avhaana vhaavho avhacheeche, inga vhafwanje.

iMbombo izya Vhatumwa 9:14

Ishi ali ipa, avhapiti avha vhapuuti vhamupiiye amaha aga kuvhakunga vhonti vhe vhakulyitiha izina lyaho.”

iMbombo izya Vhatumwa 9:21

Avhantu vhonti vhe vhahatejelezyaga insambiilizyo zyakwe izyo, vhahasukumilaga nkaani. Vhahavhuzilizanyaaga vhahatinji, “Vhuli, umuntu uno, te we wula we avhayimvwaga avhantu vhe vhamwitisile uYeesu ku Yelusaleemu? Vhuli, wunuuno atinzile kuuti avhakunje avhantu inza ivho mu Damaasiki umu nu kuvhatwala ku vhapiti avha vhapuuti?”

2 VaKolinti 11:32

Lwe indi mu nkaaya iya Damaasiki, umulongozi we ahalongozyaga ishigavho isha nsi she sháamile mu vhumwene uvhwa mwene uAleeta, ávhiisile avhaguulizi mu malyango aga nkaaya iyo inga vhandeme.

VaGalati 1:17

Havhili ntásogooye suuti ku Yelusaleemu ku vhaala vhe vhándongoleeye ine kuvha vhatumwa, nkandi násogooye mu nsi iya Alaabiya, pisinda nkagaluha havhili mu Damaasiki.