iMbombo izya Vhatumwa 8:1 - ULufingwi uLupwa

¹ Isiku liila lye vhámugozile uSiteefani, amayimba amapiti gahataliha mu shivhanza isha ku Yelusaleemu. Avhantu vhonti avha mu shivhanza vhahasataana mu nsi iya Yudeeya ni ya mu Samaliya. Ileelo avhatumwa vheeka vhe vhahasyala.

Tesitamenti Umupwa 1965

¹ Ilelo pumusanya wuyo pe vuhandʼuvuṿwimilwa uvupiti uvwa kuṿwimʼishivanza sha Yelusalemu. Pʼavashivanza vahasavalila, vahavala mwonti munsi ya mu-Yudayi niya mu-Samaliya. Ve vapositili veka ve vatahashimbila.

iMbombo izya Vhatumwa 8:1 ပူးပေါင်းရင်းမြစ်များ

Matayi 22:6

Vhamo vhahavhalema avhavhomvi ivho, vhahavhahoma nkaani nu kuvhagoga.

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Matayi 5:13

UYeesu ahajendeelela kuyanga, ahati, “Imwe mwe livheeya ilya mu nsi. Ileelo ivheeya inga lyasuupa, shiliipo she shingalinonia? Litangaahola havhili ishintu shonti, nkandi likuvha lya kwita panzi, nu kulihanyanjila.

Yohani 15:20

Mukumbuhaje zye návhavhuziizye kuuti, ‘Umuzya te mupiti kuluusya umwene waakwe.’ Inga vhánjimvwizye ine, pe niimwe vhalivhayimvwa. Havhili inga vhakuzyitiha insambiilizyo zyane, pe ni zyinyu vhalizyitiha.

Yohani 16:2

Yeenya, vhalivhashimbizyaga imwe mu masinagoogi. Havhili, ahavhaliilizyo hakwinza he inga umuntu amugoga wumo muli imwe, alisiivhaga kuuti akuvhomba mbombo ya Mulungu.

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 13:1

Mu shivhanza isha mu Antiyookiya mwámile avhakuvhwi na vhasambiilizi. Ivho vháali vhe vha Balinaaba nu Simiyooni (we vhahatinji uNiigeli) nu Luukiyo uwa ku Kileene nu Manayeeni (we ásunjiliilwe pooka nu mwene uHeelodi) nu Saavhuli.

iMbombo izya Vhatumwa 13:36

UPaavhuli ahajendeelela kuyanga kuuti, “UDaavhudi lwe avhomba zyonti zye uMulungu ahasiivhaga ku vhantu avha havhaliilizyo haakwe, ahafwa. Vhahamusyila mu mbiipa zya vhayise, ahavhola.

iMbombo izya Vhatumwa 2:47

Vhahamutiimaga uMulungu, nu kuvhahondezya avhantu vhonti. Insiku zyonti, uMwene uYeesu ahonjezyaga avhantu avhanji vhe vhahapokwaga.

iMbombo izya Vhatumwa 22:20

Poosye lwe vhakumugoga uhoome waaho uSiteefani, náliipo pepaala. Nítinkiine navho kuuti vhamugoje, havhili amakooti gaavho vhe vhahamugogaga neene násenguuye.’

iMbombo izya Vhatumwa 26:10

Izyo zye nkavhombaga ku Yelusaleemu. Ukwo avhapiti avha vhapuuti vhámpiiye amaha aga kuvhakunga avhalandati avha Yeesu mu jeela. Nkavhakunga avhafinjile avhinji mu jeela. Havhili vhamo lwe vhakulongwa, niine nkahomaga ulutambu ulwa kwitiha kuuvhapa isunde ilya kuvhagoga.

iMbombo izya Vhatumwa 5:18

Pe vhahavhalema, vhahavhakunga mu jeela.

iMbombo izya Vhatumwa 5:20

“Sogooli mwimiilile ku Nyumba iMfinjile, muvhavhuuzye avhantu amazwi gonti aga vhulanzi uvhwa shiima.”

iMbombo izya Vhatumwa 5:33

Avhapiti vhaala lwe vhiivwa izyo, zihaavhasya amooyo gaavho, vhahanzaga kuvhagoga.

iMbombo izya Vhatumwa 5:40

Pe vhahiitiha amazwi aga Gamaliyeeli, vhahavhiita avhatumwa vhaala, vhahalajizya kuuti vhahomwe. Vhahavhahaana kuuti vhatasambilizyaje havhili ku maha aga izina ilya Yeesu, vhahavhitishila kuuti vhasogolaje ku mwavho.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

iMbombo izya Vhatumwa 7:54

Avhapiti avha Vhayuuda vhaala lwe vhiivwa amazwi aga Siteefani, vhahaviitwa nkaani, nu kuyiluma-luma ku mulaha.

iMbombo izya Vhatumwa 7:58

vhahamufumwa panzi pa nkaaya, vhahataliha kumuhoma na mavhwe. Avhahoome vhaala vhoope vhahazuula amakooti gaavho kuyisengaanya kumuhoma, vhahagavhiiha pa vinama ivwa mujaaha wumo we vhahatinji uSaavhuli.

iMbombo izya Vhatumwa 8:14

Ku Yelusaleemu, avhatumwa avha Yeesu vhahiivwa kuuti avhantu avha mu Samaliya vhoope vhalyitisile izwi ilya Mulungu. Pe vhahavhasonteelezya avha Peeteli nu Yoohani kuukwo.

iMbombo izya Vhatumwa 8:2

Avhantu vhe vhahamushindihaga uMulungu vhahamusyila uSiteefani, nu kuloosya amaloosyo amapiti nkaani.

iMbombo izya Vhatumwa 8:4

Avhantu ivho vhe vhásatiine vhahanda kulumbiilila Izwi iLyinza ponti pe vhahasogolaga.

iMbombo izya Vhatumwa 8:5

UFiilipo woope ahasogola mu nkaaya iya Samaliya, ahanda kukumusya izya Chilisiti.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 1:32

Avhantu ivho vhamanyile ahinza kuuti, inga umuntu avhomba imbombo imbiivhi inza izyo, zilimuleetela uvhufwe uvhwa shiima. Ileelo poosye vhwevhulo, vhatakusaajila izyo! Vhakujendeelela kuvhomba imbiivhi ishisita kwogopa ishintu shonti, havhili vhakwitinkana na vhantu vhe vhakuvhomba imbiivhi izyo.

Filipi 1:12

Mwe vhamwitu, nkwanza mumanye kuuti, amayimba gonti ge ganaazile gavwizye nkaani kukumusya Izwi iLyinza.

VaHebuli 11:27

Mwe pe uMoose ámwitisile uMulungu, áyeefile mu nsi iya Miisili ishisita kwogopa uvhuhalazu uvhwa mwene uwa mu nsi iyo. Uweene ájimbiliiye, mwe pe áamile ngati amuvhwenyi uMulungu we atakuloleha na minso.