iMbombo izya Vhatumwa 6:9 - ULufingwi uLupwa

⁹ Ileelo aVhayuuda vhamo vhahalinga kudalinkana nu Siteefani. Ivho vháfumile mwi isinagoogi lye vhahatinji ilya Vhantu aVhasatushe. Vhamo muli ivho vháfumile mu nkaaya iya Kileene ni ya Alekizandiliya, vhamo vháfumile mu shigavho isha nsi isha Kiliikiya ni sha Aasiya.

Tesitamenti Umupwa 1965

⁹ Ilelo vahafuma vamo avamusinagogi lye vahatinji lya vaLibelitini nilya vaKileni nilya vaAlekizandeliya nilya vuvo ve vafumile mu-Kilikiya namw-Asiya vahadalinkana nuSitefani.

iMbombo izya Vhatumwa 6:9 ပူးပေါင်းရင်းမြစ်များ

Matayi 10:17

Muvhe minso na vhantu, mwe pe vhalivhatwalaga kulongwa pa lukuvhato nu kuhomwa mu masinagoogi gaavho.

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Matayi 27:32

Lwe vhakufuma mu nkaaya iya Yelusaleemu, mwi idala vhahahomaana nu muntu wumo we izina lyakwe vhahatinji uSiimoni, umuhaaya uwa mu nkaaya iya Kileene. Avhasikaali vhahamuvijiilizya umuntu uyo kuuti avhegale ishihovhenkanyo isha Yeesu.

Maliko 13:9

“Muvhe minso, mwe pe vhalivhatwalaga kulongwa pa lukuvhato nu kuhomwa mu masinagoogi. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho.

uLuuka 21:12

“Izyo zyonti lwe zishiili kufumila, avhantu vhalivhalema imwe nu kuvhayimvwa. Vhalivhatwalaga kulongwa mu masinagoogi, nu kuvhakunga mu jeela. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane.

iMbombo izya Vhatumwa 11:20

Ileelo mu Antiyookiya, mwáli avhalandati vhamo avha Yeesu vhe vháshimbiiye kufuma ku Yelusaleemu. Ivha vhínzile kufuma mu nsi iya Kiipulo na mu nkaaya iya Kileene. Avheene vhahanda kulumbiilila Izwi iLyinza ilya Mwene uYeesu na ku vhe te Vhayuuda.

iMbombo izya Vhatumwa 13:1

Mu shivhanza isha mu Antiyookiya mwámile avhakuvhwi na vhasambiilizi. Ivho vháali vhe vha Balinaaba nu Simiyooni (we vhahatinji uNiigeli) nu Luukiyo uwa ku Kileene nu Manayeeni (we ásunjiliilwe pooka nu mwene uHeelodi) nu Saavhuli.

iMbombo izya Vhatumwa 13:45

Ileelo aVhayuuda lwe vhaalola avhantu vhavhungiine ivhungaana ipiti, vhahavha nu mwone. Vhahanda kuhaana amazwi ge uPaavhuli ahayangaga nu kumusaamula.

iMbombo izya Vhatumwa 15:23

“Iswe swe vhatumwa pooka na vhasongo, iswe swe vhamwinyu, tukuvhalamuha imwe vhamwitu mwe te mwe Vhayuuda mwe muli mu nkaaya iya Antiyookiya na mu shigavho isha nsi isha Siiliya ni sha Kiliikiya.

iMbombo izya Vhatumwa 15:41

Ahatuuha mu shigavho isha nsi isha Siiliya ni sha Kiliikiya, kuvigomwa ivivhanza.

iMbombo izya Vhatumwa 16:6

UMupepo uMufinjile ávhahaanile avha Paavhuli na vhamwavho kuuti, vhatahalumbiilile izwi ilya Mwene uYeesu mu shigavho isha nsi isha Aasiya. Pe vhahatuuha mu nsi iya Fuligiya, ni ya Galaatiya.

iMbombo izya Vhatumwa 18:24

Ahavhaliilizyo iho, uMuyuuda wumo, we izina lyakwe vhahatinji uApoolo ahafiha mu Hefeeso. Uyo ápafwilwe mu nkaaya iya Alekizandiliya, áamile mumanyi nkaani kuyanga, havhili ámanyile nkaani uVhusimbe uVhufinjile.

iMbombo izya Vhatumwa 19:10

Ahajendeelela kuvhomba vhwevhulo ku havhaliilizyo aha maaha gavhili, pe vhonti vhe vhahatendamaga mu shigavho isha nsi isha Aasiya, aVhayuuda na vhe te Vhayuuda, vhahiivwa izwi ilya Mwene uYeesu.

iMbombo izya Vhatumwa 19:26

Ileelo ishi mwalola nu kwivwa mweneemwe zyonti zye uPaavhuli uyo akuzivhomba. Akuvhasonzya nu kuvhagalulanya avhantu insiivho zyavho, inga vhiitishe kuuti iviholanyo vwe avhantu vhakugomba te vhalungu inga hansi. Havhili atakuzivhomba pe pa Hefeeso peeka vhweleele, akuzivhomba na mu Aasiya yonti.

iMbombo izya Vhatumwa 21:27

Insiku 7 izya kuyizelufwa lwe zyapalamila kusila, aVhayuuda vhamo vhe vháfumile ku Aasiya, vhahamulola uPaavhuli pa Nyumba iMfinjile. Vhahasonjeelezya ivhungaana lyonti ilya vhantu vhe vháamile paala, vhahamulema uPaavhuli.

iMbombo izya Vhatumwa 21:39

UPaavhuli ahamwamula ahati, “Ine ne Muyuuda, mpafwilwe mu nkaaya impiti iya Taaso, mu shigavho isha nsi isha Kiliikiya. Nkulaavha unitishile injanje na vhantu ivha.”

iMbombo izya Vhatumwa 22:19

Nkati, ‘We Mwene, avheene vhamanyile kuuti ine nkatuuhaga mu masinagoogi, nkavhahomaga nu kuvhakunga mu jeela vhaala vhe vhakukwitiha!

iMbombo izya Vhatumwa 22:3

“Ine ne Muyuuda, nápafwilwe mu Taaso, mu shigavho isha nsi isha Kiliikiya. Ileelo nkuliiye pa Yelusaleemu panaapa. UGamaliyeeli we ansambiliziizye indajizyo zyonti zye avhataata vhiitu vhátulesheeye. Nkayikungulaga kwa Mulungu ku mute wonti, inza imwe vwe mukuyikungula ileelo ili.

iMbombo izya Vhatumwa 23:34

UFeeliki lwe avhaazya ukalaata ula, ahavhavhuziilizya ahati, “Umuntu uno afumile shigavho vhuli isha nsi?” Vhahamuvhuuzya kuuti uPaavhuli wa mu Kiliikiya.

iMbombo izya Vhatumwa 24:18

Lwe avhantu ivha vhakunaaga nkufumwa impuutile izyo mu Nyumba iMfinjile, naapezile mbomvile ishipuuto isha kuyizelufwa. Ntaalesite ivho naalimo, poosye kuvhungaaniha ivhungaana ilya vhantu.

iMbombo izya Vhatumwa 26:11

Ulwinji vhuulo nkavhavhiihaga kuuti vhasundwe mu masinagoogi, inga vhamuhaane uYeesu. Umulaha waane wáamile mupiti, nkavhayimvwaga nkaani, poosye na vha mu nkaaya izya kutali.”

iMbombo izya Vhatumwa 6:10

Ileelo ahavhapootaga, mwe pe ahayangaga amazwi aga vhushindamu uvhwa njeele ku maha aga Mupepo uMufinjile.

1 VaKolinti 1:20

Ishi vhali kwoshi avhashindamu avha njeele? Vhali kwoshi avhasambiilizi avha ndajizyo izya Moose? Vhali kwoshi vhe vhali nu vhumanyi uvhwa kuyanga ahinza ahavhaliilizyo iha? UMulungu alolesiizye apazelu kuuti uvhushindamu uvhwa njeele uvhwa mu nsi umu, vhwalangani.

VaGalati 1:21

Pe pisinda nkasogola mu shigavho isha nsi isha Siiliya ni sha Kiliikiya.