iMbombo izya Vhatumwa 6:3 - ULufingwi uLupwa

³ Ishi vhamwitu, kuli imwe musevhe avhantu 7 vhe muhomesheziizye kuuti vhali nu lujendo ulwinza, havhili vhizuuye uMupepo uMufinjile nu kuvha nu vhushindamu uvhwa njeele nkaani. Ivho vhe tuvhavhiishe mu mbombo ino iya kugavhanya ivwakulya,

Tesitamenti Umupwa 1965

³ Ukwo lelo mwe vamwitu, simusevʼavamwinyu avanaṿuli vasano navavili ve vakumusilʼuvwinza, ve vizuyʼuMupepʼuMufinjile ninjele, ve tuvavishe pambombo yinino.

iMbombo izya Vhatumwa 6:3 ပူးပေါင်းရင်းမြစ်များ

Matayi 23:8

“Ileelo imwe mutitihaje lwe vhakuvhiita kuuti, ‘We musambiilizi!’ Nkuyanga vhwevhulo, mwe pe muli nu Musambiilizi wooka vhweleele, niimwe mwenti mwe vhasundikwa vhaakwe.

Yohani 21:23

Amazwi igo ge uYeesu áyanzile gahivwiha ku vhasundikwa avhinji, pe vhahasiivha kuuti umusundikwa uyo te ahaafwe. Ileelo uYeesu atámuvhuziizye umusundikwa uyo kuuti te ahaafwe, átili, “Inga nkwanza kuuti uno avhe mulanzi kufishila lwe nkugaluha, shooni she iwe izyo zikukutamwa?”

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

iMbombo izya Vhatumwa 1:21

Kuli izyo, yikwanzilwa tumusevhe umuntu uwunji wooka we ajendaje pooka niiswe mu mbombo, avhanje akufumwa uvhwahoome kuuti uMwene uYeesu azyusile. Umuntu uyo, yikwanzilwa tumusevhe kufuma mu vhaala vhe vháamile niiswe ahavhaliilizyo honti lwe uMwene ahatandaalaga kuli iswe.

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 15:23

“Iswe swe vhatumwa pooka na vhasongo, iswe swe vhamwinyu, tukuvhalamuha imwe vhamwitu mwe te mwe Vhayuuda mwe muli mu nkaaya iya Antiyookiya na mu shigavho isha nsi isha Siiliya ni sha Kiliikiya.

iMbombo izya Vhatumwa 16:2

Avhiitisi avha ku Lisitila na ku Ikooniya vhahamuyanjilaga uTiimoti kuuti, áamile nu lujendo ulwinza.

iMbombo izya Vhatumwa 2:4

Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

iMbombo izya Vhatumwa 22:12

“Mu nkaaya iyo mwámile umuntu wumo we izina lyakwe vhahatinji uAnaniya. Uweene ahamushindihaga uMulungu, havhili ázilemile nkaani indajizyo zyitu. AVhayuuda vhonti vhe vhahatendamaga umwo, vhahamuyanjilaga inyinza.

iMbombo izya Vhatumwa 28:14

Umwo tuhahomaana na vhamwitu, vhahatulambiilizya kuuti tutendame navho insiku 7. Isho, vwe twáfisile mu nkaaya iya Luumi.

iMbombo izya Vhatumwa 6:2

Pe avhatumwa vhaala 12 vhahavhavhungaaniha avhalandati vhonti, vhahavhavhuuzya vhahati, “Te hinza kuuti iswe tuleshe kusambiilizya izwi ilya Mulungu, inga tuvhagavhilaje avhantu ivwakulya.

iMbombo izya Vhatumwa 6:5

Izwi ilyo lihahondela nkaani pilongolela lyavho. Pe vhahamusevha uSiteefani, umuntu we áyizuuye ulwitiho nu Mupepo uMufinjile. Havhili vhahamusevha uFiilipo nu Pulokolo nu Nikanooli nu Tiimoni nu Palimeena nu Nikolaawo uwa ku Antiyookiya, we atáamile Muyuuda, ileelo áyinjiiye mu shipuuto isha Vhuyuuda.

iMbombo izya Vhatumwa 6:6

Vhahavhavhiiha pilongolela ilya vhatumwa. Pe avhatumwa ivho vhahavhapuutila, nu kuvhavhiishila inyoovhe pamwanya yaavho kuvhaloota.

iMbombo izya Vhatumwa 9:30

Avhantu vhe vhámwitisile uYeesu lwe vhaamanya izyo, vhahamunyatula vhahamutwala mu nkaaya iya Kayisaaliya nu kumuleha asogole ku mwavho ku nkaaya iya Taaso.

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

1 VaKolinti 16:3

Lwe naafiha, ndivhasonteelezya nu kalaata avhantu vhe mulivhasaavhula, inga vhatwale umusangwi uwo ku Yelusaleemu.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

Yakobu 1:17

Ivintu vwonti ivwinza ni vipeelwa vwonti ivwinza vikufuma ku mwanya kwa Taata uMulungu, uMupezi uwa vintu vwonti ivwa kumwanya vwe vili nu vhuzelu. Vwe vili nu vhuzelu ivwo vitakuhozya ahavhaliilizyo honti, ahavhaliilizyo hamo vikuzima. Ileelo uweene uMulungu atakwanduha, havhili atakugalunkana inza ishinzyunguuli vwe shikugalunkana.

3 Yohani 1:12

Avhantu vhonti vhakuhomeshezya kuuti uDemetiiyo muntu mwinza, ni mbombo zyakwe ingolosu, zikuhomeshezya kuuti muntu wa nalyoli. Poosye niiswe, tukuhomeshezya kuuti muntu mugolosu, niiwe umanyile kuuti uvhwahoome vhwitu vhwa nalyoli.