iMbombo izya Vhatumwa 5:5 - ULufingwi uLupwa

⁵ UAnaniya lwe ayiivwa amazwi igo, ahagwa pansi, ahafwa. Avhantu vhonti vhe vhívuuye inongwa izyo, vhahoogopa nkaani.

Tesitamenti Umupwa 1965

⁵ UwenʼuAnaniya lwʼakwiṿwa amazwi ganaga, pʼahagwa pansi ahasililishila. Pe vonti ve viṿuye zinizi, ve shihavagwilʼishitetemwi ishipiti nkani.

iMbombo izya Vhatumwa 5:5 ပူးပေါင်းရင်းမြစ်များ

iMbombo izya Vhatumwa 13:11

Ishi, uMWENE kwe aakupe isunde, kuuti uvhe we ntonko, te uvhulole uvhuzelu uvhwa izuvha ku havhaliilizyo hamo.” Naluvhiilo, ishiisi shihamudinda uEelima ku minso, ahaleha kulola, ahanda kupulumba kulondola umuntu uwa kumulema inyoovhe, inga amulongole.

iMbombo izya Vhatumwa 2:43

Avhatumwa vhahavhombaga izya kusukumizya inyinji ni vilolesyo ivwinji, na vhantu vhonti vhahasukumilaga nkaani nu kumunyila uMulungu.

iMbombo izya Vhatumwa 5:13

Avhantu vhe vhatámwitisile uYeesu vhahavhatiimaga nkaani. Poosye shiniisho, naawumo we álinzile kuvhalandata ku nongwa iya kwogopa.

1 VaKolinti 4:21

Ishi mukwanza imbombe ishooni? Vhuli, imbinzile ni ndiisa? Pamo imbinzile ni shikunzi nu mwoyo uwa vhutonsu?

2 VaKolinti 13:10

Nkuvhasimbila amazwi iga lwe nshiili kwinza, inga lwe naafiha kuli imwe, intahazilole zye zingambiiha kuvha ne muhali. Nkuvhasimbila vhwevhulo, mwe pe nkwanza kuuti amaha ge ampiiye uMwene uYeesu gavhe ga kuvhazenga imwe, gatahaavhe maha aga kuvhagwisya mu lwitiho.

2 VaKolinti 13:2

Ahavhaliilizyo he nínzile kuli imwe ulwa vhuvhili návhavhuziizye nátili, lwe ninza te nkaavhe nu vhwila na vhantu vhe vhakuvhomba uvhutalamalandu. Ishi lwe indi ukutali niimwe, nkuvhavhuuzya havhili kuuti, te ninze imbe nu vhwila kuli ivho na vhanji vhonti vhe vhakuvhomba izyo.

2 VaKolinti 7:11

Yeenya, uvhuswimiilizu vhwe vhukwinza ku lukasamo ulwa Mulungu, vhuvhaleteeye imwe ilonka ipiti. Vhuvhavhiisile kuvha nu mute nkaani kuvhomba ingolosu, nu kuyiyanjila kuuti zye mukuvhomba zya nalyoli, nu kuziviitilwa imbiivhi, nu kumunyila uMulungu, nu kusamba kundola, nu kulola kuuti we ananzile aposheleeye amalipilo gaakwe. Muli izyo zyonti mukulolesya kuuti mutali nu vhunanzi kuli ili.

Ishitushizya 11:13

Ahavhaliilizyo hanaaho kuhavha ishisumbi ishipiti, ishigavho shooka pa vigavho 10 ivwa nkaaya shihabongonkana. Avhantu 7,000 vhahafwa ku shisumbi isho, vhe vhasyaye vhahoogopa nkaani, vhahamushindiha uMulungu uwa ku mwanya.

Ishitushizya 11:5

Inga umuntu wonti akwanza kuvhananga, umwoto wukufuma mu malomu gaavho nu kuvhalovwa avhalugu vhaavho. Vhwevhulo, vwe umuntu wonti we aliyanza kuvhananga, aliifwa.