iMbombo izya Vhatumwa 5:3 - ULufingwi uLupwa

³ Ileelo uPeeteli ahamuvhuuzya ahati, “Ananiya! Shooni she waaleha uSeetano ayinjila mu mwoyo waaho? Wafishila kumulumila ilenga uMupepo uMufinjile, wazyiha impiiya zimo zye uposheleeye mu mugunda waaho.

Tesitamenti Umupwa 1965

³ PʼuwenʼuPeteli ahayanga nawo ahati: Ananiya, apatiye shonʼuSetano mumwoyo waho, atili umusheṿwaje uMupepʼuMufinjile, ukuti uzyishe zimʼimpiya zya nsʼila yʼukazizye?

iMbombo izya Vhatumwa 5:3 ပူးပေါင်းရင်းမြစ်များ

Matayi 13:19

Umuntu wonti we akulitejeelezya izwi ilya vhumwene uvhwa Mulungu ileelo atakulimanyinsanya, pe uMuvhiivhi ula akwinza nu kulisompola lye uMulungu alivhwaye mu mwoyo waakwe. Umuntu uyo akuholana ni mbeyu ye yágwiliiye pa luvhazu pi idala.

uLuuka 22:3

USeetano ahamwinjila uYuuda, we vhahatinji uwa ku Kaalyoti. Umuntu uno áamile wooka mu vhasundikwa avha Yeesu 12.

Yohani 13:2

UYeesu na vhasundikwa vhaakwe vhahatendama kulya ishaakulya isha hamazuuvha. Ahavhaliilizyo iho uMukwalanzi ápezile ayinjila mu mwoyo uwa Yuuda umwana wa Siimoni uwa ku Kaalyoti, inga amwaniile uYeesu.

Yohani 13:27

Lwe uYuuda aposheela ikaati, naluvhiilo uSeetano ahamwinjila. Pe uYeesu ahamuvhuuzya uYuuda ahati, “Zye ukwanza kuvhomba zivhombe naluvhiilo!”

iMbombo izya Vhatumwa 5:2

Impiiya zye vháposheleeye ku mugunda uwo, uAnaniya ahazyiha zimo kukwilu, umushi waakwe woope ámanyile. Impiiya zye zyásyaye, uAnaniya ahazitwala ku vhatumwa avha Yeesu uku akuti zye ziniizyo vhweleele.

iMbombo izya Vhatumwa 5:4

Lwe ushiili kukazya, waamile mugunda waaho! Poosye lwe waakazya, waamile nu vhwamuzi kuvhombela impiiya izyo zye uposheleeye vwe ukwanza weneewe! Shooni she uhasiivha nu kuvhomba ilyo mu mwoyo waaho? Utamulumiiye ilenga muntu, umulumiiye wu Mulungu!”

iMbombo izya Vhatumwa 5:9

UPeeteli ahamuvhuuzya ahati, “Shooni she mwitinkiine nu mulume waaho kulinga kumulumila ilenga uMupepo uMufinjile uwa MWENE uMulungu? Tejeelezya! Vhe vhamusyila umulume waaho, ivho vhali panzi pa mulyango, niiwe vhakuwutwala umuvhili waaho panzi nu kusogola kuwusyila.”

Yakobu 4:7

Kuli izyo, mumushindihaje uMulungu. Mumuhaanaje nu kumudinda uMukwalanzi, woope kwe avhashimbilaje.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.