iMbombo izya Vhatumwa 3:6 - ULufingwi uLupwa

⁶ Ileelo uPeeteli ahamuvhuuzya ahati, “Ine ntali ni mpiiya, ileelo lye ingavhomba, kwe nkuvhombele. Ku maha aga izina ilya Yeesu Chilisiti uwa ku Naazaleeti, yimiliila ujendaje!”

Tesitamenti Umupwa 1965

⁶ UwenʼuPeteli nyene ahati: Nizya feza nizya sahabu zye nte nazyʼine, iṿwene nyene ṿwe ndi naṿwo ṿwe nkukupa; Mwizina lya Yesu Chilisiti wa mu-Nazaleti vuhaga, ujendaje.

iMbombo izya Vhatumwa 3:6 ပူးပေါင်းရင်းမြစ်များ

Matayi 10:9

Mutahanyatule insavhaazya izya sahaabu, poosye izya mpiiya, poosye izya shaaba mu mfuuku zyinyu.

Matayi 7:22

Isiku ilya vhulonzi inga lyafiha, avhantu avhinji vhaliyanga vhaliiti, ‘We Mwene! Vhuli, tutahakuvhwaga nu kufumwa impepo inkandamanu nu kuvhomba amafindango aminji kwi izina lyaho?’

Maliko 14:8

Uweene avhomba liila lye angalivhomba, awupaha umuvhili waane kunsengaanya kwi isiku ilya kusyilwa.

Maliko 16:17

Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

Yohani 19:19

UPilaato ahalajizya kuuti uvhusimbe vhusimbwe nu kuvhuvhiiha pamwanya pa shihovhenkanyo isha Yeesu, vhwe vhukuti, “UYEESU UMUNAAZALEETI, UMWENE UWA VHAYUUDA.”

iMbombo izya Vhatumwa 10:38

Kwe kuuti mumanyile vwe uMulungu ámusavhuuye uYeesu uwa ku Naazaleeti kwi idala ilya kuumupa uMupepo uMufinjile na maha. Ahavha pooka nawo, ahamuvhiiha kuuti avhombaje inyinza mu vhantu ponti, ahaponia vhonti vhe vhahayimvilwaga na maha aga Mukwalanzi.

iMbombo izya Vhatumwa 16:18

Ahavhombaga vhwevhulo insiku inyinji. Ileelo isiku limo, uPaavhuli ahaviitwa nkaani, ahamushevhela nu kuyivhuuzya impepo iyo kuuti, “Nkukulajizya kwi izina ilya Yeesu Chilisiti kuuti, fuma mwa mulindu uno!” Naluvhiilo impepo yiheepa.

iMbombo izya Vhatumwa 2:22

UPeeteli ahajendeelela kuyanga kuuti, “Mwe vhanaavuli vha mu Isilayeeli, tejeelezyi amazwi iga! UMulungu avhalolesiizye imwe kuuti akuvhomba imbombo kutuushila kwa Yeesu uwa ku Naazaleeti. Mweneemwe mumanyile ahinza kuuti kwa Yeesu wunuuyo kwe avhomvile amafindango ni zya kusukumizya ni vilolesyo kuli imwe.

iMbombo izya Vhatumwa 2:36

UPeeteli ahati, “Ishi, aVhaisilayeeli vhonti vhamanye kuuti uYeesu we imwe mwámugozile pa shihovhenkanyo, uMulungu amuvhiisile kuvha wu Mwene havhili wu Chilisiti.”

iMbombo izya Vhatumwa 3:16

Ishi umuntu uno we mukumulola, mumumanyile. Izina ilya Yeesu nu kulyitiha izina ilyo, vwe vwamupa amaha. Inza vwe mukumulola mwenti, aapona, mwe pe amwitiha uYeesu.

iMbombo izya Vhatumwa 3:5

Woope umuntu uyo ahavheenya nu kusuuvhila kuuti kwe vhaamupe shimo.

iMbombo izya Vhatumwa 3:7

UPeeteli ahamulema umuntu uyo inyoovhe iya kundiilo nu kumwimiilisya. Panaapo vhweleele inyaayo ni vihankala ivwa mu vinama ivwa muntu ula vihagoma.

iMbombo izya Vhatumwa 4:10

Pe imwe pooka na vhantu vhonti avha mu Isilayeeli, mumanye ahinza kuuti, umuntu uno we ayimiliiye pilongolela lyinyu aapona nu kuvha mwinza, ku maha aga izina ilya Yeesu Chilisiti uwa ku Naazaleeti. UYeesu uyo, imwe mwámuhomeleeye pa shihovhenkanyo, ileelo uMulungu ahamuzyusya.

iMbombo izya Vhatumwa 4:7

Lwe vhavhimiiliha avha Peeteli nu Yoohani pilongolela lyavho, vhahavhavhuziilizya vhahati, “Umulemazu we mwamuponia uyo, mwamuponia ku maha gooni, poosye kwi izina lya naanu?”

iMbombo izya Vhatumwa 9:34

Pe uPeeteli ahamuvhuuzya ahati, “Iwe Yeneeya, uYeesu Chilisiti akukuponia. Ishi yimiliila! Zinga ishilili shaaho.” Naluvhiilo uYeneeya ahimiilila.

1 VaKolinti 4:11

Poosye ahavhaliilizyo iha, tuli ni nzala ni shinyooto, havhili tuli ni nzwalo. Tukutamilwa havhili tutali nu vhuyo.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

1 Peteli 4:10

UMulungu avhapiiye avhiitisi ivikunjilwa ivwa mavhiila mu mavhiila. Kuli izyo, vhonti vhakwanzilwa kuvhombela ivikunjilwa vwavho kuvhavhombela avhanji inza umwimiilizi umwinza uwa vipeelwa ivwa mavhiila mu mavhiila ivwa Mulungu.