iMbombo izya Vhatumwa 26:9 - ULufingwi uLupwa

⁹ “Poosye ine neneene nkalolaga kuuti nkwanzilwa kuvhomba lyonti kumudinda uYeesu uwa ku Naazaleeti.

Tesitamenti Umupwa 1965

⁹ Nine vwelele nkasivaga pakuti imbombe inyinji izya kulwa nizina lya Yesu wa mu-Nazaleti.

iMbombo izya Vhatumwa 26:9 ပူးပေါင်းရင်းမြစ်များ

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

iMbombo izya Vhatumwa 21:13

Ileelo uweene ahatwamula ahati, “Mukuhonzya vhuli kukuuta nu kumvunza umwoyo? Ine nitisile zyonti, te kwe kukungwa kweka vhweleele, nitisile nu kufwa ku Yelusaleemu kuzya izina ilya Mwene uYeesu.”

iMbombo izya Vhatumwa 22:3

“Ine ne Muyuuda, nápafwilwe mu Taaso, mu shigavho isha nsi isha Kiliikiya. Ileelo nkuliiye pa Yelusaleemu panaapa. UGamaliyeeli we ansambiliziizye indajizyo zyonti zye avhataata vhiitu vhátulesheeye. Nkayikungulaga kwa Mulungu ku mute wonti, inza imwe vwe mukuyikungula ileelo ili.

iMbombo izya Vhatumwa 22:4

“Nkavhayimvwaga nu kuvhagoga avhalandati avha Idala ilya Mwene uYeesu, nkavhalemaga avhanaavuli na vhantanda nu kuvhakunga mu jeela.

iMbombo izya Vhatumwa 22:8

Nkavhuziilizya nkati, ‘We naanu iwe Mwene?’ Lyope lihanaamula lihati, ‘Ine ne Yeesu uwa ku Naazaleeti, ne iwe ukunjimvwa.’

iMbombo izya Vhatumwa 24:5

“Umuntu uno tuvhwenyi kuuti mutamwe nkaani. Akuleeta uvhusambusu mu Vhayuuda avha nsi zyonti. Uweene mupiti uwa shipuuto isha Vhanaazaleeti she te sha muumwo.

iMbombo izya Vhatumwa 3:17

“Ishi vhamwitu, imanyile kuuti imwe na vhapiti vhiinyu mwávhomvile izyo, mwe pe mutámanyile.

iMbombo izya Vhatumwa 3:6

Ileelo uPeeteli ahamuvhuuzya ahati, “Ine ntali ni mpiiya, ileelo lye ingavhomba, kwe nkuvhombele. Ku maha aga izina ilya Yeesu Chilisiti uwa ku Naazaleeti, yimiliila ujendaje!”

iMbombo izya Vhatumwa 9:1

Ahavhaliilizyo iho, uSaavhuli ahajendelelaga kuvhoogofwa avhalandati avha Mwene uYeesu, kuuti kwe avhagoje. Isiku limo, ahasogola kwa mupuuti umupiti,

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

VaLoma 10:2

Nkuhomeshezya kuuti, avhenevho vhali nu mute kumulondola uMulungu, ileelo vhatalimanyile idala lye uMulungu akwanza kuuti vhamulondolaje.

Filipi 3:6

Lwe náshiili kupinduha, náali nu mute nkaani kushiyimvwa ishivhanza. Inga vhugolosu vhwe vhukufumiilana nu kuzilandata indajizyo izya Moose, ntáamile nu vhunanzi.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.