iMbombo izya Vhatumwa 2:6 - ULufingwi uLupwa

⁶ Lwe vhiivwa izwi ilyo, avhantu impuga impiti vhahavhungaana pooka, vhahasukumila, mwe pe ivho vhonti vhahivwaga vhakuyanga ku njango zyavho.

Tesitamenti Umupwa 1965

⁶ Lwʼahalanga hanaha havwasite pʼavantʼimpugʼimpiti vahavungana nukupulumba, she vazile vakuyanga munjango zyavo unʼiyakwe unʼiyakwe.

iMbombo izya Vhatumwa 2:6 ပူးပေါင်းရင်းမြစ်များ

Matayi 2:3

Lwe umwene uHeelodi ayiivwa inongwa izyo, zihamutamwa mu mwoyo waakwe pooka na vhantu vhonti avha mu Yelusaleemu.

uLuuka 21:25

“Vililoleha ivilolesyo kwi izuvha na ku mwezi na ku nzota. Poope pa nsi ipa, avhasumbi vhaliivha na mavhilingwa amapiti ge gakupoma. Ilyo lilivhavhiiha avhantu avha nsi zyonti kuvha na malavha ni lyoga.

iMbombo izya Vhatumwa 2:2

Naluvhiilo izwi lihivwiha kufuma ku mwanya. Izwi ilyo lyáli ngati nkungu impiti ye yikuvugula, lihiizula mu nyumba yonti mwe vhátendiime.

iMbombo izya Vhatumwa 3:11

Umuntu ula we vhámuponiizye, lwe akuvhalandata avha Peeteli nu Yoohani, avhantu vhonti vhahasukumilaga nkaani. Pe vhahanda kuvhashimbiilila kufishila pe vhahatinji Idala iLyilishe ilya Solomooni.

1 VaKolinti 16:9

Nkuvhomba vhwevhulo, mwe pe uMulungu aniguliiye idala ilya kuvhomba imbombo impiti mu nkaaya ino, ileelo vhaliipo avhantu avhinji vhe vhakundinda.

2 VaKolinti 2:12

Ishi, lwe naafiha mu nkaaya iya Tolowa kulumbiilila Izwi iLyinza ilya Chilisiti, ukwo uMwene aaniguliiye idala ilya kuvhomba imbombo yaakwe.