iMbombo izya Vhatumwa 2:4 - ULufingwi uLupwa

⁴ Avhantu vhonti vhahiizula uMupepo uMufinjile, vhahataliha kuyanga ku njango izinji, inza vwe uMupepo uMufinjile ávhaloosite.

Tesitamenti Umupwa 1965

⁴ Vonti vahizulʼuMupepʼuMufinjile, vahandʼukuyanga mumilʼizinji, inza shʼuMupepo ahavapʼukuziyanga.

iMbombo izya Vhatumwa 2:4 ပူးပေါင်းရင်းမြစ်များ

Matayi 10:19

Lwe vhakuvhatwala ku vhapiti, mutahogopaje kuuti muliyanga ishooni, poosye kuuti muliyangaga vhuli, mwe pe uTaata uMulungu alivhapanga izya kuyanga ahavhaliilizyo hehaala.

Maliko 16:17

Ivilolesyo ivi, kwe vivhombwaje na vhantu vhe vhakuniitiha. Kwe vhefwaje impepo inkandamanu kwi izina lyane, havhili kwe vhayangaje injango injeni.

uLuuka 1:15

mwe pe uMWENE uMulungu alimuvhiiha kuvha mupiti. Umwana uyo atahamwele idivaayi, poosye ishintu shonti she shikuhola. Amaha aga Mupepo uMufinjile galiivha nawo kufuma ahavhaliilizyo he ali mu lwanda mwa maayi waakwe.

uLuuka 1:41

UEelizabeeti lwe ayiivwa vwe uMaliiya akumulamuha, umwana ahanyangʼanya muhati yaakwe. Pe uMupepo uMufinjile ahamwishila uEelizabeeti.

uLuuka 1:67

Pe amaha aga Mupepo uMufinjile gahamwishila uZakaliya, utaata uwa mwana, pe ahanda kukuvhwa kuuti,

uLuuka 12:12

Ahavhaliilizyo iho uMupepo uMufinjile alivhamanyisya zye mukwanzilwa kuyanga.”

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

uLuuka 4:1

Lwe uYeesu ayoozelwa, aheepa pi ijenje uYoolodaani she ayizuuye uMupepo uMufinjile. UMupepo uMufinjile ahamulongola kusogola mu luugwa.

Yohani 14:26

Ileelo uMutuuli uyo, kwe kuuti uMupepo uMufinjile, we uTaata kwe amutume kuli imwe kwi izina lyane, we alivhasambiilizya nu kuvhakumbusya zyonti zye nkavhavhuzyaga.

Yohani 20:22

Pe ahavhapuutila umwuyu, ahavhavhuuzya ahati, “Posheeli uMupepo uMufinjile.

iMbombo izya Vhatumwa 1:5

Nalyoli uYoohani ahavhozyaga avhantu na minzi, ileelo ku havhaliilizyo aha nsiku nyinsi vhweleele zye zikwinza, imwe muliyoozelwa nu Mupepo uMufinjile.”

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 10:46

Havhili vhásukumiiye, mwe pe vhívuuye vhakuyanga ku njango injeni kumutiima uMulungu. Pe uPeeteli ahati,

iMbombo izya Vhatumwa 10:47

“Avhantu ivha vhoope vhamuposheela uMupepo uMufinjile inza vwe niiswe twámuposheleeye. Wu naanu we angahaana kuuti vhatahoozelwe na minzi?”

iMbombo izya Vhatumwa 11:15

“Lwe naakwanda kuyanga na vhantu ivho, naluvhiilo uMupepo uMufinjile ahavhiishila, inza vwe átwishiiye niiswe pa vhwandilo.

iMbombo izya Vhatumwa 11:24

UBalinaaba áamile muntu umwinza, áyizuuye uMupepo uMufinjile, havhili áamile nu lwitiho nkaani. Pe avhantu avha Mwene vhahonjela kuvha vhinji nkaani.

iMbombo izya Vhatumwa 13:52

Ileelo avhalandati avha Yeesu avha pa Antiyookiya vhahaseshelaga nkaani, nu kwizula uMupepo uMufinjile.

iMbombo izya Vhatumwa 13:9

Pe uSaavhuli, we izina lyakwe ilyamwavho vhahatinji uPaavhuli, she ayizuuye uMupepo uMufinjile, ahamuzyamila uEelima,

iMbombo izya Vhatumwa 15:8

UMulungu we amanyile amooyo aga vhantu, ahalolesya kuuti avhitisile, mwe pe vhoope ahaavhapa uMupepo uMufinjile inza iswe.

iMbombo izya Vhatumwa 19:6

Pe uPaavhuli ahavhavhiishila inyoovhe kuvhaloota, uMupepo uMufinjile ahavhiishila, vhahanda kuyanga ku njango injeni nu kukuvhwa uvhukuvhwi.

iMbombo izya Vhatumwa 2:11

Vhamo vhafumile mu nsi inyuumu iya pahati pa sumbi ye vhakuti iKileete, na mu shigavho isha nsi isha Alaabiya. Swenti tukwivwa vwe vhakuyanga mu njango zyitu, vhakumutiima uMulungu ku mbombo zyakwe impiti!”

iMbombo izya Vhatumwa 2:3

Vhahalola ivintu vwe vili ngati mwoto we wukulilimuha, vihatapunkana nu kumugwila wooka wooka.

iMbombo izya Vhatumwa 4:31

Avhantu ivho lwe vhaamala kumulaavha uMulungu, pe vhávhungiine paala pahayingaana. Vhonti vhahiizula uMupepo uMufinjile, vhahataliha kulumbiilila izwi ilya Mulungu ku vhudandamazu.

iMbombo izya Vhatumwa 4:8

Pe uPeeteli she ayizuuye uMupepo uMufinjile, ahavhaamula ahati, “Mwe vhapiti na vhasongo vha mu Isilayeeli imwe!

iMbombo izya Vhatumwa 6:3

Ishi vhamwitu, kuli imwe musevhe avhantu 7 vhe muhomesheziizye kuuti vhali nu lujendo ulwinza, havhili vhizuuye uMupepo uMufinjile nu kuvha nu vhushindamu uvhwa njeele nkaani. Ivho vhe tuvhavhiishe mu mbombo ino iya kugavhanya ivwakulya,

iMbombo izya Vhatumwa 6:5

Izwi ilyo lihahondela nkaani pilongolela lyavho. Pe vhahamusevha uSiteefani, umuntu we áyizuuye ulwitiho nu Mupepo uMufinjile. Havhili vhahamusevha uFiilipo nu Pulokolo nu Nikanooli nu Tiimoni nu Palimeena nu Nikolaawo uwa ku Antiyookiya, we atáamile Muyuuda, ileelo áyinjiiye mu shipuuto isha Vhuyuuda.

iMbombo izya Vhatumwa 6:8

UMulungu ámupiiye uSiteefani uvhwila na maha aminji, ahavhombaga izya kusukumizya ni vilolesyo ivipiti ku vhantu.

iMbombo izya Vhatumwa 7:55

Ileelo uweene uSiteefani she ayizuuye uMupepo uMufinjile, ahatontomela ku mwanya, ahalola uvhushindamu uvhwa Mulungu, nu Yeesu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani.

iMbombo izya Vhatumwa 8:17

Pe avha Peeteli nu Yoohani vhahavhavhiishila inyoovhe izya shipuuto, vhoope vhahamuposheela uMupepo uMufinjile.

iMbombo izya Vhatumwa 9:17

Pe uAnaniya ahasogola, ahinjila mu nyumba ye uSaavhuli áamile. Ahamuvhiishila inyoovhe, ahamuvhuuzya ahati, “Wamwitu Saavhuli, uMwene uYeesu ansonteleziizye kuli iwe, kuuti utalishe kulola havhili, umuposheele uMupepo uMufinjile. UYeesu uyo we akulolesheeye mwi idala ahavhaliilizyo he winzaga ipa.”

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

1 VaKolinti 12:10

Uwamwavho akuumupa ishikunjilwa isha kuvhomba amafindango nu wamwavho ishikunjilwa isha vhukuvhwi. UMupepo wunuuyo akuumupa umuntu ishikunjilwa isha kumanya zye zikufuma kwa Mupepo uMufinjile na zye zikufuma ku mpepo inkandamanu. Havhili akuumupa uwamwavho ishikunjilwa isha kuyanga injango injeni nu wamwavho kutantula injango izyo.

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

1 VaKolinti 13:8

Ishikunzi shitali nu vhusililishilo. Ileelo ivikunjilwa ivinji, poosye ivwa vhukuvhwi nu kuyanga injango injeni nu kuvha nu vhumanyi, vili nu vhusililishilo vhwakwe.

1 VaKolinti 14:18

Nkumusalifwa uMulungu, mwe pe nkuyanga injango injeni kuluusya imwe mwenti,

1 VaKolinti 14:5

Ine nkwanza kuuti imwe mwenti muyangaje injango injeni, ileelo inkaani nkwanza kuuti mukuvhwaje. Nkuyanga vhwevhulo, mwe pe kukuvhwa shikunjilwa ishipiti kuluusya kuyanga injango injeni. Inga aliipo umuntu we akuyanga injango injeni, atantulaje, inga ashizengaje ishivhanza mu lwitiho.

VaEfeso 3:19

Nkulaavha kuuti, mumanye vwe ishikunzi isha Chilisiti shili uvhupiti, isheene shikuluusya uvhumanyinsanyi vhwinyu. Pe kwe muvhe mwe vhalunjisu inza uMulungu.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

2 Peteli 1:21

Nkuyanga vhwevhulo, mwe pe uvhukuvhwi vhutínzile kufumiilana nu lukasamo ulwa muntu. Lwe avhantu vhahakuvhwaga, vhahalongolwaga nu Mupepo uMufinjile.