iMbombo izya Vhatumwa 17:4 - ULufingwi uLupwa

⁴ AVhayuuda vhamo vhahagiitiha amazwi igo. Vhoope vhe te Vhayuuda avhinji vhe vhahamunyilaga uMulungu, pooka na vhantanda avhinji avhashindamu, vhahiitiha. Vhonti vhahavha pooka nu Paavhuli nu Siila.

Tesitamenti Umupwa 1965

⁴ Pe zihavahola vamo, vahasangana navaPavuli nuSila, vope navaGiliki ve vahamunyilagʼuMulungu impugʼimpiti, vope navantanda avamuhamupiti ve vali vinji,

iMbombo izya Vhatumwa 17:4 ပူးပေါင်းရင်းမြစ်များ

Yohani 7:35

Pe avhalongozi avha Vhayuuda vhahapanzanya vhahati, “Vhuli, umuntu uno akwanza kusogola kwoshi kwe akuti iswe tutangamwaga? Vhuli, akwanza kusogola ku Vhayuuda vhe vhasaasite mu nkaaya izya vhe te Vhayuuda kuvhasambiilizya?

iMbombo izya Vhatumwa 13:43

Lwe avhantu vhasogola kuhaaya, aVhayuuda avhinji, pooka na vhantu vhe te Vhayuuda ileelo vhínjiiye mu shipuuto isha Vhuyuuda, vhahavhalandata avha Paavhuli nu Balinaaba. Avhatumwa vhavhili ivho vhahayangaga navho kuvhagomwa amooyo, kuuti vhajendelelaje kusuuvhila uvhwila uvhwa Mulungu.

iMbombo izya Vhatumwa 13:50

Ileelo aVhayuuda vhahavhasonjeelezya avhantanda avha mushinzi vhe te Vhayuuda vhe vhahamunyilaga uMulungu, na vhapiti avha nkaaya iyo. Ivho vhahavhasonjeelezya avhantu kuuti vhavhayimvwe avha Paavhuli nu Balinaaba, vhahavhashimbizya mu nsi yaavho.

iMbombo izya Vhatumwa 14:1

Lwe avha Paavhuli nu Balinaaba vhali mu Ikooniya, vhahinjila mwi isinagoogi inza vwe gáamile amaata gaavho. Vhahavhasambiilizya avhantu muumwo izya Yeesu ku vhudandamazu. AVhayuuda avhinji nkaani, pooka na vhantu avhinji vhe te Vhayuuda, vhahamwitiha uYeesu.

iMbombo izya Vhatumwa 14:4

Pisinda, avhantu avha mu nkaaya yiila vhahatapunkana, vhamo vhahavha ku Vhayuuda vhe vhámuhaanile uYeesu, vhamo vhahavha ku vhatumwa.

iMbombo izya Vhatumwa 15:22

Pe avhatumwa na vhasongo ni shivhanza shonti isha pa Yelusaleemu, vhahaamula kuvhasaavhula avhantu vhamo muli vhuuvho nu kuvhasonteelezya kuuti, vhasogole pooka nu Paavhuli nu Balinaaba ku Antiyookiya. Vhahamusaavhula uYuuda we vhahatinji uBalisaaba nu Siila, vhavhili ivho, vhahavhalongozyaga avhamwavho. Vhahavhasonteelezya nu kalaata we akuti,

iMbombo izya Vhatumwa 15:27

Pe twavhasonteelezya avha Yuuda nu Siila kuli imwe, kwe vhavhavhuuzye vhuuvho zyonti zye tuvhasimbiiye.

iMbombo izya Vhatumwa 15:32

Avha Yuuda nu Siila vhoope vháamile vhakuvhwi, vhahayanga na vhamwavho ku havhaliilizyo ahatali, vhahavhasuvhaalizya nu kuvhagomwa.

iMbombo izya Vhatumwa 15:40

UPaavhuli ahamunyatula uSiila. Lwe avhamwavho vhamulaavhila uvhwila uvhwa Mwene uYeesu, aheepa nawo.

iMbombo izya Vhatumwa 16:3

UPaavhuli ahanzaga kuuti uTiimoti amulandate, ahamunyatula nu kumutahiili kuzya Vhayuuda vhe vhahatendamaga ukwo. Ahavhomba vhwevhulo, mwe pe aVhayuuda vhonti vhe vhahatendamaga ukwo vhámanyile kuuti uyise atáamile Muyuuda.

iMbombo izya Vhatumwa 17:10

Uvhusiku, avhiitisi vhahavhavhuuzya avha Paavhuli nu Siila kuuti vhasogole ku nkaaya iya Belooya. Lwe vhaafiha kuula, vhahinjila mwi isinagoogi.

iMbombo izya Vhatumwa 17:12

AVhayuuda avhinji pooka na vhanaavuli na vhantanda avha Shiyunaani avhashindamu, vhahamwitiha uYeesu.

iMbombo izya Vhatumwa 17:14

Pe avhamwavho avha ku Belooya vhahamunyatula uPaavhuli naluvhiilo, vhahamuvhuuzya kuuti asogole na vhamo ku luvhazu kwa sumbi, ileelo uSiila nu Tiimoti vhahasyala ku Belooya.

iMbombo izya Vhatumwa 17:17

Kuli izyo, ahayangaga mwi isinagoogi na Vhayuuda na vhantu avhanji vhe vhahamunyilaga uMulungu. Havhili amanda gonti, ahayangaga na vhantu vhe ahahomaanaga navho ku nsokooni.

iMbombo izya Vhatumwa 17:34

Avhantu vhamo vhahamwitiha uYeesu, vhahanda kumulandata uPaavhuli. Muli ivho áliipo uDiyoniisiyo we áali mu lukuvhato ulwa Alewopaago nu mwantanda wumo, we izina lyakwe áali wu Damaali, pooka na vhanji.

iMbombo izya Vhatumwa 18:4

Insiku zyonti izya Sabaato, uPaavhuli ahinjilaga mwi isinagoogi, ahayangaga na Vhayuuda na vhe te Vhayuuda, kuuti pamo vhoope vhiitishe.

iMbombo izya Vhatumwa 19:10

Ahajendeelela kuvhomba vhwevhulo ku havhaliilizyo aha maaha gavhili, pe vhonti vhe vhahatendamaga mu shigavho isha nsi isha Aasiya, aVhayuuda na vhe te Vhayuuda, vhahiivwa izwi ilya Mwene uYeesu.

iMbombo izya Vhatumwa 2:44

Avhantu vhe vhámwitisile uYeesu, vhonti vháamile pooka, havhili ivintu vwavho vhahagavhanaga vhonti.

iMbombo izya Vhatumwa 21:28

Vhahanda kuzuma ahalanga kuuti, “Mwe vhantu vha mu Isilayeeli, mutwavwe! Umuntu uno we wula we akusambiilizya avhantu vhonti ponti kuuti vhatusufwaje swe Vhaisilayeeli ni ndajizyo izya Moose ni Nyumba iMfinjile ino. Havhili avhinjiziizye vhe te Vhayuuda pa Nyumba iMfinjile nu kuyihandamania.”

iMbombo izya Vhatumwa 28:24

Vhamo vhahiitiha kuuti amazwi ge uPaavhuli akuyanga ga nalyoli, ileelo vhamo vhatahiitiha.

iMbombo izya Vhatumwa 4:23

UPeeteli nu Yoohani, lwe vhasatulwa, vhahagaluha ku vhamwavho vhe vhámwitisile uMwene uYeesu. Vhahavhavhuuzya amazwi igo gonti ge avhapiti avha vhapuuti, pooka na vhasongo avha Vhayuuda vhávhavhuziizye.

2 VaKolinti 8:5

Vhaavhomvile kuluusya vwe twaasuvhiiye. Vhaayifumwizye suuti kwa Mwene uYeesu, pe vhayifumwa na kuli iswe. Vhaavhomvile vhwevhulo inza vwe uMulungu akasiime.