iMbombo izya Vhatumwa 15:3 - ULufingwi uLupwa

³ Pe avhantu ivho avha shivhanza isha ku Antiyookiya vhahamusonteelezya uPaavhuli na vhamwavho. Vhoope vhahatuuha mu nsi iya Foyiniikesi ni ya Samaliya. Umwo vhahavhavhuzyaga avhiitisi vwe vhoope vhe te Vhayuuda vhámwitisile uYeesu. Avhiitisi vhonti lwe vhiivwa inongwa izyo, vhahaseshela nkaani.

Tesitamenti Umupwa 1965

³ Pʼishivanza shihavasindishila. Vahajenda lye litusile mu-Foyinike namu-Samaliya, vahapempula izya lupinduho lwa vakunzi, vahavapelelʼavamwavo uluseshelʼulupiti.

iMbombo izya Vhatumwa 15:3 ပူးပေါင်းရင်းမြစ်များ

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

iMbombo izya Vhatumwa 13:48

Avhantu vhe te Vhayuuda, lwe vhiivwa amazwi igo, vhahaseshela, vhahalitiima izwi ilya Mwene uYeesu. Vhonti vhe vhasavhuliilwe kuvha nu vhulanzi uvhwa shiima shiima, vhahamwitiha uMwene.

iMbombo izya Vhatumwa 13:52

Ileelo avhalandati avha Yeesu avha pa Antiyookiya vhahaseshelaga nkaani, nu kwizula uMupepo uMufinjile.

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

iMbombo izya Vhatumwa 15:1

Lwe avha Paavhuli nu Balinaaba vhali ku Antiyookiya, avhantu vhamo vhahafuma ku Yudeeya, vhahasogola kuukwo. Vhahanda kuvhasambiilizya avhiitisi kuuti, “Inga mutakuyitahiili kulandata amiiho ge uMoose átulesheeye, mutangaapokwa.”

iMbombo izya Vhatumwa 15:12

Pe impuga yonti yihavha mwaa, yihavhatejeelezya avha Paavhuli nu Balinaaba lwe vhakuvhavhuuzya vwe uMulungu ávhomvile ivilolesyo ni zya kusukumizya kutuushila ku kwavho ku vhantu vhe te Vhayuuda.

iMbombo izya Vhatumwa 15:22

Pe avhatumwa na vhasongo ni shivhanza shonti isha pa Yelusaleemu, vhahaamula kuvhasaavhula avhantu vhamo muli vhuuvho nu kuvhasonteelezya kuuti, vhasogole pooka nu Paavhuli nu Balinaaba ku Antiyookiya. Vhahamusaavhula uYuuda we vhahatinji uBalisaaba nu Siila, vhavhili ivho, vhahavhalongozyaga avhamwavho. Vhahavhasonteelezya nu kalaata we akuti,

iMbombo izya Vhatumwa 15:32

Avha Yuuda nu Siila vhoope vháamile vhakuvhwi, vhahayanga na vhamwavho ku havhaliilizyo ahatali, vhahavhasuvhaalizya nu kuvhagomwa.

iMbombo izya Vhatumwa 15:4

UPaavhuli na vhamwavho vhahafiha ku Yelusaleemu. Ukwo avhatumwa na vhasongo na vhantu avha shivhanza vhahavhaposheela ahinza. Avha Paavhuli nu Balinaaba vhahavhavhuuzya zyonti zye uMulungu ávhomvile kutuushila ku kwavho.

iMbombo izya Vhatumwa 17:15

Vhaala vhe vhámusindishiiye uPaavhuli, vhahamufisya mu nkaaya iya Aseene. Lwe vhakugaluha, uPaavhuli ahavhalajizya vhavhavhuuzye avha Siila nu Tiimoti kuuti, vhamulandate naluvhiilo.

iMbombo izya Vhatumwa 20:38

Zye zyávhavhiisile kuuti vhaswimiililwe nkaani lizwi liila lye ávhavhuziizye kuuti, te vhahamulole havhili naalumo. Pe vhahamusindishila kufishila kwe imeeli yáali.

iMbombo izya Vhatumwa 21:5

Ileelo lwe ahavhaliilizyo iho haasila, tuheepa. Avhalandati ivho, pooka na vhashi vhaavho na vhaana vhaavho, vhahatusindishila kunzi ku nkaaya, vhahatufisya pa luvhazu pa sumbi. Ipo tuhasugamila tuhamulaavha uMulungu.

iMbombo izya Vhatumwa 28:15

Avhamwitu avha ku Luumi vhahiivwa kuuti tuli mwi idala kusogola ku kwavho. Pe vhahinza kutuposheela, vhamo vhahatuguliilila pa nsokooni ye vhahatinji iAapiyo, avhamwavho pe vhahatinji iNyumba Zitatu izya Vhajeni. Lwe uPaavhuli avhalola, ahamusalifwa uMulungu, ahagoma umwoyo.

iMbombo izya Vhatumwa 8:14

Ku Yelusaleemu, avhatumwa avha Yeesu vhahiivwa kuuti avhantu avha mu Samaliya vhoope vhalyitisile izwi ilya Mulungu. Pe vhahavhasonteelezya avha Peeteli nu Yoohani kuukwo.

VaLoma 15:24

Nkusuuvhila kwinza kuvhalola, lwe nkutuuha kusogola ku Hisipaaniya. Havhili nkusuuvhila kuposheela kuli imwe ivwa kunaavwa kujendeelela nu vhulendo uvhwa kusogola ku Hisipaaniya, lwe natendama nu kuseshela pooka niimwe ku havhaliilizyo hansi.

1 VaKolinti 16:11

Ishi, umuntu wonti atahamusuufwe, nkandi mumwavwe ayeepe ukwo ku vhutehamu, inga ayinze kuli ine, mwe pe ine nkumuguliilila pooka na vhamwitu.

1 VaKolinti 16:6

Ileelo inga ninza, lumo nditendama niimwe ahavhaliilizyo honti aha lupepo, inga munaavwe insogole kwonti kwe ndisogola.

2 VaKolinti 1:16

Naasivhiliiye kwinza kuli imwe lwe nkusogola mu shigavho isha nsi isha Makedooniya, nu kugaluha havhili kuli imwe lwe naafuma ukwo, inga mumpe ivwa kunaavwa kumfisya mu shigavho isha nsi isha Yudeeya.

uTiiti 3:13

Uvhombe ku mute wonti kuvhaavwa avha Apoolo nu Zeenaasi, ula we akuvhayanjila avhantu izya kuyipoha, inga vhatahasovhelwe ishintu naashimo lwe vhakushuula.