iMbombo izya Vhatumwa 15:2 - ULufingwi uLupwa

² Avha Paavhuli nu Balinaaba lwe vhiivwa izwi ilyo, vhahatumvanya nu kuvhuzilizanya navho nkaani. Pisinda, avhantu avha shivhanza isha ku Antiyookiya vhahalajizya kuuti, avha Paavhuli nu Balinaaba pooka na vhiitisi vhamo vhasogole ku Yelusaleemu, kuvhavhuziilizya avhatumwa na vhasongo avha shivhanza izwi ilyo.

Tesitamenti Umupwa 1965

² PʼuPavuli nuBalinaba vahadalinkana navo vamo amadali amapiti, pʼavene vahamusogozyʼuPavuli nuBalinaba navamwavo vamo ukuzuva ku-Yelusalemu kuvapositili navasongo kuzya madalʼiga.

iMbombo izya Vhatumwa 15:2 ပူးပေါင်းရင်းမြစ်များ

iMbombo izya Vhatumwa 10:23

Pe uPeeteli ahinjila navho mu nyumba, vhahavha vhajeni vhaakwe. Lwe kwasha, uPeeteli na vhantu avha Kolineeliyo vhahasogola, avhamwavho vhamo avha ku Yaafa, vhahalandatana nawo.

iMbombo izya Vhatumwa 11:12

UMupepo uMufinjile ahambuuzya kuuti, insogole pooka navho ishisita kusingaana. Pe nkasogola pooka na vhamwitu ivha 6. Lwe twinjila mu nyumba iya Kolineeliyo,

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

iMbombo izya Vhatumwa 15:25

Ishi twitinkiine pooka, kuuti tusaavhule avhantu vhamo vhe tuvhasonteelezye kuli imwe. Tukwanza vhinze pooka na vhankundwa vhiitu avha Balinaaba nu Paavhuli,

iMbombo izya Vhatumwa 15:27

Pe twavhasonteelezya avha Yuuda nu Siila kuli imwe, kwe vhavhavhuuzye vhuuvho zyonti zye tuvhasimbiiye.

iMbombo izya Vhatumwa 15:4

UPaavhuli na vhamwavho vhahafiha ku Yelusaleemu. Ukwo avhatumwa na vhasongo na vhantu avha shivhanza vhahavhaposheela ahinza. Avha Paavhuli nu Balinaaba vhahavhavhuuzya zyonti zye uMulungu ávhomvile kutuushila ku kwavho.

iMbombo izya Vhatumwa 16:4

Pe uPaavhuli na vhamwavho vhahatuuha mu nkaaya izya kuula, vhahavhapanga avhiitisi indajizyo zye zyávhisiilwe na vhatumwa na vhasongo avha shivhanza ku Yelusaleemu kuuti vhazishindihaje.

iMbombo izya Vhatumwa 21:18

Indaavhi yaakwe, iswe pooka nu Paavhuli tuhasogola kumulamuha umulongozi uwa shivhanza uYaakobu. Vhoope avhasongo vhonti avha shivhanza vháliipo lwe tukulamunkana.

1 VaKolinti 1:1

Ukalaata uno nsimvile neene ne Paavhuli, ne uMulungu aniisite kuuti mbe ne mutumwa uwa Chilisiti uYeesu ku lukasamo lwakwe. Ine nu wamwitu uSositeeni,

2 VaKolinti 11:5

Ine te kuuti ne munsi kuluusya ivho vhe vhakuyilola kuuti, “Vhatumwa avhapiti.”

VaGalati 2:5

Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

uYuuda 1:3

Vhankundwa, naamile nu mute nkaani kuuti mbasimbile izya vhuposhi vhwitu swenti. Ileelo naalola kuuti nkwanzilwa kuvhasimbila nu kuvhalambiilizya nkaani kuuti, mulwilaje ulwitiho lwe avhafinjile vhaposheleeye lwoka vhweleele.