iMbombo izya Vhatumwa 13:2 - ULufingwi uLupwa

² Isiku limo lwe vhonti ivho vhakumupuuta uMwene uYeesu nu kuyiima kulya, uMupepo uMufinjile ahavhavhuuzya ahati, “Munsavhulile avha Balinaaba nu Saavhuli ku mbombo ye mbitiiye.”

Tesitamenti Umupwa 1965

² Ilelo lwe vakumwimbilʼuMwene nukufunga, pʼuMupepʼuMufinjile ahayanga ahati: Muvasavule uBalinaba nuSavuli, vambombelʼimbombo ye mbaseveye nzilʼine.

iMbombo izya Vhatumwa 13:2 ပူးပေါင်းရင်းမြစ်များ

Matayi 17:21

Pooka niizyo, impepo inza iyo mutangayifumwa, nkandi kwi idala ilya kumulaavha uMulungu nu kuyiima kulya.”

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 9:38

Ishi mumulaavhe uMwene umuhaata viyavho, avhatume avhahavuna avha viyavho vwakwe.”

uLuuka 10:1

Pisinda, uMwene uYeesu ahasevha avhasundikwa avhamwavho 72. Ahavhasonteelezya vhavhili vhavhili, inga vhalongolele mu nkaaya na mu mbazu zyonti mwe ahasiivhaga kusogola.

uLuuka 2:37

Kufuma ipo umulume waakwe áfuuye, ahasyala muziishe, ahafisya amaaha 84 kufuma kupaapwa kwakwe. Ahavhaliilizyo honti ahavhanga pa Nyumba iMfinjile, ahamupuutaga uMulungu uvhusiku nu musanya kwi idala ilya kulaavha nu kuyiima kulya.

iMbombo izya Vhatumwa 10:19

Lwe uPeeteli akusiivha izya njozi iyo, uMupepo uMufinjile ahamuvhuuzya ahati, “Siimoni, pansi ipo pali avhantu vhatatu vhe vhakukwanza.

iMbombo izya Vhatumwa 10:30

UKolineeliyo ahamwamula ahati, “Zyatuuha insiku zitatu kufuma ahavhaliilizyo he namulaavhaga uMulungu mu nyumba yaane ino, ahavhaliilizyo inza hanaaha aha mu saala 9 iya musanya. Naluvhiilo nkalola umuntu ayimiliiye pilongolela lyane azwaye amenda ge gakunyengʼenyela.

iMbombo izya Vhatumwa 13:3

Lwe vhamupuuta uMulungu nu kuyiima kulya havhili, vhahavhavhiishila inyoovhe avha Balinaaba nu Saavhuli kuvhaloota, pe vhahavhaleha kuuti vhasogole.

iMbombo izya Vhatumwa 13:4

Pe lwe uMupepo uMufinjile avhasonteelezya avha Balinaaba nu Saavhuli, vhahasogola mu nkaaya iya Selewukiya. Kufuma ipo vhahashuula ni meeli kusogola mu nkaaya iya Salaami, insi iya Kiipulo ye yáamile pahati pa sumbi.

iMbombo izya Vhatumwa 14:26

Kufuma ipo, vhahasogola ni meeli ku Antiyookiya iya Siiliya. Ipo pe ishivhanza shávhalavhiiye uvhwila uvhwa Mulungu ku mbombo ye vhápezile vhayimala.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

iMbombo izya Vhatumwa 4:36

Kwámile uMulaawi wumo, we áamile muhaaya wa mu nsi iya Kiipulo. Umuntu uyo izina lyakwe vhahatinji uYoosefu. Avhatumwa vhámupiiye izina ilya Balinaaba (kwe kuuti, “We Akusuvhaalizya”).

iMbombo izya Vhatumwa 6:4

niiswe tujendeelele kumulaavha uMulungu, nu kusambiilizya avhantu izwi lyakwe.”

iMbombo izya Vhatumwa 8:29

Pe uMupepo uMufinjile ahamuvhuuzya uFiilipo ahati, “Sogoola naluvhiilo halandate igeleeti liila, ulifishile.”

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaLoma 10:15

Havhili vhangakumusya vhuli, inga vhatatumiilwe? Izya kutumwa vhe vhakulumbiilila, uVhusimbe uVhufinjile vhukuti, “Kwinza nkaani kwinza ukwa vhantu vhe vhakulumbiilila Izwi iLyinza!”

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

1 VaKolinti 12:11

Imbombo zyonti izyo akuzivhomba uMupepo wunuuyo, akuumupa umuntu ishikunjilwa shaakwe inza vwe akasiime wuuyo.

1 VaKolinti 7:5

Mutimanaje, nkandi inga mwitinkiine kuleha ku havhaliilizyo hansi, inga muyifumwe kumulaavha uMulungu. Ileelo pisinda mugalushilanaje havhili, inga uSeetano atahinze avhalinje kuzya kupootwa kuyikonzya kwinyu.

2 VaKolinti 11:27

Mbomvile imbombo ingomu nu kuyimvilwa, ulwinji nkaasite she ndamuuye, njimvile ni nzala ni shinyooto, ulwinji ntendiime ishisita kulya, nu kutendama ni mpepo ishisita amenda.

2 VaKolinti 6:5

Ahavhaliilizyo hamo tukuhomwa nu kukungwa mu jeela nu kuvhuushilwa ni mpuga iya vhantu. Havhili tukuvhomba imbombo ingomu, tutakusupiila utulo, tukulinda ni nzala nu kukaatila.

VaGalati 1:15

Ileelo uMulungu ku vhwila vhwakwe, ánsavhuuye lwe nshiili nu kupaapwa, ahaniita kumuvhombela.

VaEfeso 3:7

UMulungu ku vhwila vhwakwe, ánsavhuuye kuvha ne muvhomvi uwa kulumbiilila Izwi iLyinza. Ámfwiliiye uvhwila uvhwo, kulandatana na maha gaakwe amasisya,

Kolosi 4:17

Mumuvhuuzye uAlikiipo kuuti amale ahinza imbombo ye uMwene ámupiiye.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

2 Timoti 1:11

Kuzya Izwi iLyinza ilyo uMulungu aniisite ine kuuti mbe ne hakumusya, havhili ne mutumwa nu kuvha ne musambiilizi.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

2 Timoti 4:11

ULuuka weeka we asyaye pooka niine ipa. Ahavhaliilizyo he ukwinza, uyinze pooka nu Maaliko, mwe pe akwanzilwa ku mbombo yaane.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

VaHebuli 5:4

Ataliipo umuntu we angayivhiiha wuuyo kuvha mupuuti umupiti, nkandi uMulungu we akumusaavhula inza vwe ámusavhuuye uAaloni.