iMbombo izya Vhatumwa 11:3 - ULufingwi uLupwa

³ vhahati, “Shooni she winjilaga mu nyumba iya vhantu vhe vhatatahiliilwe nu kulya ishaakulya pooka navho?”

Tesitamenti Umupwa 1965

³ vahati: Iwʼuyinjiye munyumba ya vasitakuvolwa nukulya navo.

iMbombo izya Vhatumwa 11:3 ပူးပေါင်းရင်းမြစ်များ

Matayi 9:11

Lwe aVhafalisaayi vhazilola izyo, vhahavhakwinkwina avhasundikwa vhaakwe vhahati, “Shooni she umusambiilizi wiinyu akulya pooka na vhasonchezya musonko na vhatalamalandu?”

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

Yohani 18:28

Inzanshi lwe kwasha, avhalongozi avha Vhayuuda vhahamunyatula uYeesu kufuma kwa Kayaafa, nu kumutwala ku nyumba iya kukonzezya iya mulongozi uwa Vhaluumi. Ileelo avheene vhatínjiiye mu nyumba umwo, inga vhatahayihandamanie, vhapootwe kulya ishaakulya isha shikulukuulu isha Pasaaka.

iMbombo izya Vhatumwa 10:23

Pe uPeeteli ahinjila navho mu nyumba, vhahavha vhajeni vhaakwe. Lwe kwasha, uPeeteli na vhantu avha Kolineeliyo vhahasogola, avhamwavho vhamo avha ku Yaafa, vhahalandatana nawo.

iMbombo izya Vhatumwa 10:28

UPeeteli ahavhavhuuzya ahati, “Imwe mumanyile ahinza kuuti iswe swe Vhayuuda, indajizyo zyitu zikuhaana kusangaana na vhantu vhe te Vhayuuda. Poosye kutandalilana navho, tutakwitishilwa. Ileelo uMulungu andanzile kuuti ntamuvhuzyaje umuntu wonti kuuti muhandamanu.

iMbombo izya Vhatumwa 10:32

Pe ishi, uvhasonteelezye avhantu vhasogole vhamwite uSiimoni we vhakuti uPeeteli. Akutendama ku Yaafa, kwa muntu we izina lyakwe vhakuti uSiimoni we akugomba amakwembe. Inyumba yaakwe yili pa luvhazu pa sumbi.’

iMbombo izya Vhatumwa 10:48

Pe ahalajizya kuuti uKolineeliyo na vhamwavho vhoozelwe kwi izina ilya Yeesu Chilisiti. Pisinda, vhahamulaavha kuuti adiile navho ku nsiku nyinsi.

1 VaKolinti 5:11

Ileelo naavhasimbiiye kuuti muleshe kuvha nu vhuliilani nu muntu we akwitwa wamwitu inza imwe, she mulugusu, poosye wa lupapamilo, poosye wa kupuuta iviholanyo, poosye wa musaamu, poosye wu shimwela, poosye mupumula vintu. Umuntu inza uyo, muleshe poosye nu kulya nawo.

VaGalati 2:12

Yeenya, avhantu vhamo lwe vhashiili kwinza kufuma kwa Yaakobu, uKeefa ahalyanga na vhe te Vhayuuda. Ileelo lwe avhantu ivho vhaafiha, uKeefa ahayipaagula, ahaleha kulya navho, mwe pe áyogofile avhantu vhe vhahahomelezyaga kuuti avhiitisi vhonti vhatahiililwe.

2 Yohani 1:10

Inga umuntu akwinza kuli imwe we atakusambiilizya insambiilizyo izyo izya Chilisiti, mutamuposheelaje mu nyumba zyinyu, havhili mutamulamuhaje inza avhiitisi avhamwinyu.