iMbombo izya Vhatumwa 10:2 - ULufingwi uLupwa

² Havhili áamile muntu umugolosu, uweene pooka na vhantu vhonti avha mu nyumba yaakwe vhahamunyilaga uMulungu. Ahamulaavhaga uMulungu amanda gonti nu kuvhaavwa nkaani avhapiina.

Tesitamenti Umupwa 1965

² Wʼali mugolosu, ahanyilʼuMulungu poka navamunyumba yakwe vonti, ahavapangʼavantu iṿwa shikuku, ahaputa kwa Mulungu shima.

iMbombo izya Vhatumwa 10:2 ပူးပေါင်းရင်းမြစ်များ

Matayi 25:17

Woope we vhámupiiye italanta zivhili, ahasogola kuzitaanania, ahambulila izyamwavho zivhili.

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 2:25

Ahavhaliilizyo iho ku Yelusaleemu, kwáli umuntu wumo we vhahatinji uSimiyooni. Umuntu uyo áamile mugolosu, havhili ahamushindihaga uMulungu. Ahasuvhilaga kwinza ukwa we alivhapoha aVhaisilayeeli. USimiyooni ahalongolwaga nu Mupepo uMufinjile.

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 10:31

Ahambuuzya ahati, ‘We Kolineeliyo! UMulungu ayiivwa kulaavha kwaho nu kuzyitishila impuutile zyaho zye ukuvhaavwa avhapiina.

iMbombo izya Vhatumwa 10:35

Ileelo akuvhiitiha avhantu avha mu nsi zyonti, vhe vhakumunyila nu kuvhomba zye zihondeeye pilongolela lyakwe.

iMbombo izya Vhatumwa 10:4

UKolineeliyo ahamutontomela uhavhizya uyo kwi lyoga, ahamuvhuziilizya ahati, “We mwene, kuli shooni?” Uhavhizya ahamuvhuuzya ahati, “UMulungu ayiivwa kulaavha kwaho, havhili azyitiha impuutile zyaho zye ukuvhaavwa avhapiina. Zyonti izyo azimanyile, akuzikumbuha ku mwanya.

iMbombo izya Vhatumwa 10:7

Lwe uhavhizya aamala kumuvhuuzya uKolineeliyo, aheepa. Pe uKolineeliyo ahavhiita vhavhili mu vhavhomvi vhaakwe, pooka nu musikaali wooka mu vhatuuli vhaakwe. Woope umusikaali uyo ahamupuutaga uMulungu.

iMbombo izya Vhatumwa 11:14

Uweene we kuuti akuvhuuzye amazwi, kutuushila mu mazwi igo, iwe pooka na vhantu vhonti avha mu nyumba yaaho kuuti mupokwe.’

iMbombo izya Vhatumwa 13:16

Pe uPaavhuli ahimiilila, ahavhahandanizya ni nyoovhe kuuti vhamutejeelezye, ahavhavhuuzya ahati, “Mwe vhantu vha mu Isilayeeli, niimwe mwe vhanji mwe mukumunyila uMulungu, tejeelezyi!

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

iMbombo izya Vhatumwa 13:50

Ileelo aVhayuuda vhahavhasonjeelezya avhantanda avha mushinzi vhe te Vhayuuda vhe vhahamunyilaga uMulungu, na vhapiti avha nkaaya iyo. Ivho vhahavhasonjeelezya avhantu kuuti vhavhayimvwe avha Paavhuli nu Balinaaba, vhahavhashimbizya mu nsi yaavho.

iMbombo izya Vhatumwa 18:8

Umupiti uwa isinagoogi ilyo, we izina lyakwe vhahatinji uChiliisipo, pooka na vhantu vhonti avha mu nyumba yaakwe, vhahamwitiha uMwene uYeesu. AVhakolinto avhinji lwe vhiivwa amazwi aga Paavhuli, vhoope vhahamwitiha nu kwozelwa.

iMbombo izya Vhatumwa 2:5

Mu Yelusaleemu umwo, vháliipo aVhayuuda vhe vhahamushindihaga uMulungu. Ivho vháfumile mu nsi zyonti.

iMbombo izya Vhatumwa 22:12

“Mu nkaaya iyo mwámile umuntu wumo we izina lyakwe vhahatinji uAnaniya. Uweene ahamushindihaga uMulungu, havhili ázilemile nkaani indajizyo zyitu. AVhayuuda vhonti vhe vhahatendamaga umwo, vhahamuyanjilaga inyinza.

iMbombo izya Vhatumwa 8:2

Avhantu vhe vhahamushindihaga uMulungu vhahamusyila uSiteefani, nu kuloosya amaloosyo amapiti nkaani.

iMbombo izya Vhatumwa 9:11

UMwene ahamuvhuuzya ahati, “Sogoola mu nyumba iya Yuuda, inyumba iyo yili mwi idala lye vhakuti Igolosu, uvhuziilizye umwo umuntu uwa mu nkaaya iya Taaso, we izina lyakwe wu Saavhuli. Ishi akumulaavha uMulungu.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

Kolosi 4:2

Mumulaavhaje uMulungu insiku zyonti, muvhanje minso ishisita kulita nu kumusalifwa uweene.

1 VaTesaloniki 5:17

havhili mulaavhaje amanda gonti.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”