iMbombo izya Vhatumwa 10:1 - ULufingwi uLupwa

¹ Mu nkaaya iya Kayisaaliya mwámile umuntu wumo we atáamile Muyuuda, izina lyakwe vhahatinji uKolineeliyo. Áamile mupiti wa vhasikaali avha Shiluumi, ahalongozyaga avhasikaali 100, kufuma mu mpuga impiti iya vhasikaali ye vhahatinji iMpuga iya Vhaitaaliya.

Tesitamenti Umupwa 1965

¹ Mu-Kesaleya mwʼalʼumuntu wʼizina lyakwe ali uKolineli, umupiti wa vasikali va mpuga ye vatili ya vItali.

iMbombo izya Vhatumwa 10:1 ပူးပေါင်းရင်းမြစ်များ

Matayi 27:27

Pe avhasikaali avha mupiti uMuluumi ula vhahamutwala uYeesu mu nyumba yaakwe iya kukonzezya. Vhahavhavhungaaniha avhasikaali avhamwavho vhonti nu kumuzyunguula uYeesu.

Matayi 27:54

Lwe umupiti uwa vhasikaali pooka na vhe vhahamuguulaga uYeesu vhaalola ishisumbi, ni zinji inyinji zye zyálolesile vhahoogopa nkaani, vhahayanga vhahati, “Nalyoli umuntu uno aamile Mwana wa Mulungu!”

Maliko 15:16

Avhasikaali vhahamutwala uYeesu mu nyumba iya kukonzezya iya Pilaato, pe vhahiitana impuga yonti iya vhasikaali.

uLuuka 7:2

Mu nkaaya iyo, mwámile umupiti uwa mpuga iya vhasikaali 100 avha Shiluumi. Umupiti uyo áamile nu muvhomvi we ámukunzite nkaani. Umuvhomvi uyo áali muvhinu, ápalamiiye kufwa.

Yohani 18:12

Pe umupiti uwa vhasikaali, pooka ni mpuga yaakwe na vhavhomvi avha vhalongozi avha Vhayuuda vhahamulema uYeesu, vhahamukunga.

Yohani 18:3

Pe ahayiposheela impuga iya vhasikaali na vhavhomvi vhamo kufuma ku vhapiti avha vhapuuti na Vhafalisaayi, ahasogola navho pa shilimbika isho. Lwe vhakusogola, vhányatuuye inyaale na mazondolo ni vilwilo.

iMbombo izya Vhatumwa 10:24

Lwe kwasha havhili, vhahafiha mu Kayisaaliya. Ukwo uKolineeliyo ahavhagulililaga, ávhavhunganisile avhajenzi vhaakwe, pooka na vhamanyani vhaakwe.

iMbombo izya Vhatumwa 21:31

Lwe vhakwanza kumugoga uPaavhuli, intumi zihamufishila umupiti uwa vhasikaali avha Shiluumi kuuti, mu nkaaya yonti iya Yelusaleemu muli ivho.

iMbombo izya Vhatumwa 21:8

Indaavhi yaakwe tuhasogola mu nkaaya iya Kayisaaliya, tuhatendama mu nyumba iya Fiilipo. UFiilipo áamile mulumbiilizi. Havhili áamile wooka mu vhatuuli 7 vhe vhávhasevile ku Yelusaleemu.

iMbombo izya Vhatumwa 22:25

Lwe avhasikaali vhamukunga uPaavhuli kuuti vhamuhome ni ndiisa, ahamuvhuziilizya umwimiilizi waavho we áyimiliiye pepaala, ahati, “Vhuli, mukwitishilwa ni ndajizyo kumuhoma ni ndiisa uMuluumi, we ashiili kulongwa kuuti munanzi?”

iMbombo izya Vhatumwa 23:23

Pe umupiti uwa vhasikaali ahavhiita avhimiilizi vhavhili avha vhasikaali. Ahavhavhuuzya ahati, “Muyisengaanye kwepa ileelo mu saala taatu uvhusiku kusogola mu nkaaya iya Kayisaaliya. Muvhe pooka na vhasikaali 200 avha kujenda ulwa pansi, avhamwavho 70 avha kulimbila imfwalaasi, avhamwavho 200 avha kulema impalala.

iMbombo izya Vhatumwa 23:33

Lwe vhaafiha ku Kayisaaliya, vhahaamupa ukalaata umupiti uwa shigavho isha nsi, nu kumuvhiiha uPaavhuli mu nyoovhe zyakwe.

iMbombo izya Vhatumwa 25:1

Lwe uFeesito ayinjila kukonzya mu shigavho isha nsi isha Yudeeya, isiku ilya vhutatu, ahasogola ku Yelusaleemu kufuma ku Kayisaaliya.

iMbombo izya Vhatumwa 25:13

Lwe zyatuuha insiku nyinsi, umwene uAgiliipa pooka nu muzuuna waakwe umwantanda uBeleniike vhahafiha ku Kayisaaliya, kumulamuha uFeesito.

iMbombo izya Vhatumwa 27:1

Indajizyo zihafuma kuuti tushuule ni meeli kusogola mu nsi iya Itaaliya. Pe vhahamuvhiiha uPaavhuli na vhakungwa avhanji kwa mwimiilizi wumo uwa vhasikaali. Umwimiilizi uyo izina lyakwe vhahatinji uYuuliyo. Uweene áali mupiti uwa mpuga iya vhasikaali iya mupiti uKayisaali.

iMbombo izya Vhatumwa 27:31

Ileelo uPaavhuli ahamuvhuuzya umupiti uwa vhasikaali, pooka na vhasikaali vhaakwe ahati, “Avhavhomba mbombo ivha, inga vhatakusyala pooka niiswe mu meeli ino, imwe te mupone.”

iMbombo izya Vhatumwa 27:43

Ileelo, mwe pe umwimiilizi uwa vhasikaali ahanzaga kumupoha uPaavhuli, ahavhahaana. Ahalajizya kuuti vhonti vhe vhamanyile kusavha vhadomoshele mu minzi, inga vhalambiile ku nsi inyuumu.

iMbombo izya Vhatumwa 8:40

UFiilipo woope ahaaga kwe ali mu nkaaya iya Azooto, aheepa ipo. Lwe ali mu vhulendo, ahatuuhaga mu nkaaya zyonti izya mwi idala kulumbiilila avhantu Izwi iLyinza, pe ahafiha mu nkaaya iya Kayisaaliya.