iMbombo izya Vhatumwa 1:8 - ULufingwi uLupwa

⁸ Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

Tesitamenti Umupwa 1965

⁸ Nkandi muliposhelʼamaha lwʼavishiyʼuMupepʼuMufinjile, pe muliva mwe vahome vane mu-Yelusalemu namu-Yudayi mwonti namu-Samaliya, mulifiha nakwipeleleyʼinsi.

iMbombo izya Vhatumwa 1:8 ပူးပေါင်းရင်းမြစ်များ

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 10:19

Yeenya, mbapiiye amaha aga kumupoota umulugu mu zyonti. Ku maha igo kuuti muhanyaje injoha ni nkoonya, havhili shitaliipo ishintu isha kuvhavwalazya.

uLuuka 24:29

Pe avheene vhahamulambiilizya nkaani vhahati, “Tudiilaje! Ishi izuvha lyaswa, ishiisi shapalamila.” Pe uYeesu ahinjila mu nyumba, ahatendama navho.

Yohani 15:27

Havhili, niimwe mulivhahomeshezyaga avhantu avhanji, mwe pe muli pooka niine kufuma ku vhwandilo.”

iMbombo izya Vhatumwa 1:22

Avhe áliipo kufuma lwe uYoohani ahozyaga avhantu, kufishila amanda gaala ge uYeesu ányatuliilwe kuli iswe kusogola ku mwanya.”

iMbombo izya Vhatumwa 1:5

Nalyoli uYoohani ahavhozyaga avhantu na minzi, ileelo ku havhaliilizyo aha nsiku nyinsi vhweleele zye zikwinza, imwe muliyoozelwa nu Mupepo uMufinjile.”

iMbombo izya Vhatumwa 13:31

UYeesu woope ahayilolesya insiku inyinji ku vhantu vhe ásogooye pooka navho kufuma ku Galilaaya, kusogola ku Yelusaleemu. Ivho vhe vhahoome vhaakwe ku vhantu vhiitu aVhaisilayeeli.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 22:15

Kwe uvhe we hoome waakwe ku vhantu vhonti, kuvhavhuuzya ziila zye uzivhwenyi nu kuzyivwa.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

iMbombo izya Vhatumwa 4:33

Avhatumwa avha Yeesu vhahafumwaga uvhwahoome uvhwa kuzyuha kwa Mwene uYeesu, ku maha nkaani. UMulungu woope ahavhafwilaga uvhwila nkaani vhonti.

iMbombo izya Vhatumwa 5:32

Niiswe swe vhahoome avha zyonti izyo, pooka nu Mupepo uMufinjile, we uMulungu avhapiiye vhonti vhe vhakumushindiha.”

iMbombo izya Vhatumwa 6:8

UMulungu ámupiiye uSiteefani uvhwila na maha aminji, ahavhombaga izya kusukumizya ni vilolesyo ivipiti ku vhantu.

iMbombo izya Vhatumwa 8:1

Isiku liila lye vhámugozile uSiteefani, amayimba amapiti gahataliha mu shivhanza isha ku Yelusaleemu. Avhantu vhonti avha mu shivhanza vhahasataana mu nsi iya Yudeeya ni ya mu Samaliya. Ileelo avhatumwa vheeka vhe vhahasyala.

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.