iMbombo izya Vhatumwa 1:5 - ULufingwi uLupwa

⁵ Nalyoli uYoohani ahavhozyaga avhantu na minzi, ileelo ku havhaliilizyo aha nsiku nyinsi vhweleele zye zikwinza, imwe muliyoozelwa nu Mupepo uMufinjile.”

Tesitamenti Umupwa 1965

⁵ ukuti uYohani avozizyʼavantu nage minzi, nkandʼimwe nyene pasyaye pansi pe muliyozelwa mwe mwa MupepʼuMufinjile.

iMbombo izya Vhatumwa 1:5 ပူးပေါင်းရင်းမြစ်များ

Matayi 3:11

“Nalyoli ine nkuvhoozya na minzi kulolesya kuuti mwatonta uvhutalamalandu vhwinyu. Ileelo akwinza mwisinda lyane we ali na maha kunduusya ine, we ine ntahondeeye poosye kuvha ne muvhomvi uwa kuvhuusya ivilyatu vwake. Uyo we kwe avhoozye nu Mupepo uMufinjile nu mwoto.

Matayi 3:6

Vhahapemulaga uvhutalamalandu vhwavho, woope ahavhozyaga mwi ijenje uYoolodaani.

Maliko 1:8

Ine nkuvhoozya na minzi, ileelo uweene alivhoozya nu Mupepo uMufinjile.”

uLuuka 3:16

Pe uYoohani ahavhavhuuzya vhonti ahati, “Nalyoli ine nkuvhoozya na minzi, ileelo akwinza we ali na maha kunduusya ine, we ine ntahondeeye poosye kuvha ne muvhomvi uwa kusatula inkusa izya vilyatu vwakwe. Uyo we alivhoozya nu Mupepo uMufinjile nu mwoto.

Yohani 1:26

UYoohani ahavhaamula ahati, “Ine nkwozya na minzi, ileelo pahati yiinyu aliipo we imwe mutamumanyile.

Yohani 1:31

Ine neneene ntámumanyile, ileelo nínzile kuvhoozya avhantu na minzi, inga amanyishe ku Vhaisilayeeli.”

Yohani 1:33

Ine ntámumanyile, ileelo uMulungu we ánsonteleziizye kwozya avhantu na minzi we ámbuziizye átili, ‘Inga wamulola umuntu we uMupepo waane kufuma ku mwanya akwiha pamwanya yaakwe nu kusyala pooka nawo, we alivhozyaga avhantu nu Mupepo uMufinjile.’”

iMbombo izya Vhatumwa 10:45

AVhayuuda vhe vhámwitisile uYeesu vhe vháali nu Peeteli vhahasukumila lwe vhaalola kuuti, avhantu vhe te Vhayuuda vhoope ishikunjilwa isha Mupepo uMufinjile shavhiishila.

iMbombo izya Vhatumwa 19:4

UPaavhuli ahavhavhuuzya ahati, “UYoohani ahavhozyaga avhantu kulolesya kuuti vhatonsite uvhutalamalandu vhwavho. Uweene ahavhavhuzyaga kuuti vhamwitishe ula we kwe ayinze inga uweene atuuha, we wu Yeesu.”

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.