iMbombo izya Vhatumwa 1:3 - ULufingwi uLupwa

³ Ku havhaliilizyo aha nsiku 40 kufuma pe ázyusile, ahavhaloleshelaga ulwinji avhatumwa vhaala. Ahavhahomelezyaga ulwinji kuuti uweene mupuuma, havhili ahavhasambilizyaga inongwa izya vhumwene uvhwa Mulungu.

Tesitamenti Umupwa 1965

³ Nkutaha vuvo vʼahayilolesyaga munyinji ukuti ululanzi, lwʼafumile ukuyimba, vʼavitushizizye mumandʼamashumi gane, ahavavuzya nizya vumwene vwa Mulungu.

iMbombo izya Vhatumwa 1:3 ပူးပေါင်းရင်းမြစ်များ

Matayi 21:43

UYeesu ahajendeelela kuyanga ahati, “Nkuvhavhuuzya kuuti, uMulungu aliyeefwa uvhumwene vhwakwe kuli imwe nu kuuvhapa avhantu avhanji vhe vhakuvhomba ahinza mu mugunda waakwe, inga wupaape amantonongwa.

Matayi 28:9

Lwe vhakusogola, naluvhiilo uYeesu ahahomaana na vhantanda ivho, ahavhalamuha ahati, “Mwakaata!” Pe vhahapalamila vhahamulema ivinama nu kumusugamilila.

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:2

UYeesu ahamala insiku 40 uvhusiku nu musanya she akuyiima kulya. Pisinda, inzala yihamuluma.

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

Yohani 20:26

Lwe zyatuuha insiku 8 kufuma pe uYeesu ávhalolesheeye, avhasundikwa vhávhungiine pooka havhili mu nyumba yimo. Isiku ilyo uToomasi áamile pooka navho. Amalyango gáamile magalile, uYeesu ahavhaloleshela havhili, ahimiilila pahati yaavho, ahavhalamuha ahati, “Uvhutehamu vhuvhe pooka niimwe!”

Yohani 21:1

Lwe ahavhaliilizyo hatuuha, uYeesu ahavhaloleshela havhili avhasundikwa vhaakwe pa luvhazu pa sumbi uwa Tibeeliya. Lwe ashiili kuvhaloleshela zyáli ishi,

Yohani 21:14

Ulwo lwáli lwa vhutatu uYeesu kuvhaloleshela avhasundikwa vhaakwe, lwe uMulungu amuzyusya.

iMbombo izya Vhatumwa 13:31

UYeesu woope ahayilolesya insiku inyinji ku vhantu vhe ásogooye pooka navho kufuma ku Galilaaya, kusogola ku Yelusaleemu. Ivho vhe vhahoome vhaakwe ku vhantu vhiitu aVhaisilayeeli.

iMbombo izya Vhatumwa 19:8

Ku havhaliilizyo aha meezi gatatu, uPaavhuli ahinjilaga mwi isinagoogi, ahapanzanyaaga na vhantu ku vhudandamazu nu kuvhasinjiilizya kuuti vhiitishe izya vhumwene uvhwa Mulungu.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

iMbombo izya Vhatumwa 28:31

nu kuvhakumusizya izya vhumwene uvhwa Mulungu ni zya Mwene uYeesu Chilisiti ku vhudandamazu, ishisita umuntu kumudinda.

iMbombo izya Vhatumwa 8:12

Ileelo uFiilipo lwe alumbiilila Izwi iLyinza ilya vhumwene uvhwa Mulungu ni zya izina ilya Yeesu Chilisiti, vhahazyitiha, vhahoozelwa avhanaavuli na vhantanda.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

Kolosi 1:13

Átuposile kufuma mu maha aga mu shiisi, ahatusaamwa nu kutwinjizya mu vhumwene uvhwa Mwana waakwe unkundwa.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

1 Yohani 1:1

Tukuvhakumusizya inongwa izya ula we wu Izwi ilya Vhulanzi, we áliipo kufuma ku vhwandilo. Iswe twámwivuuye nu kumulola na minso giitu sweneeswe, tuhamwenyaaga nu kumupalamansya ni nyoovhe zyitu.