Filipi 4:6 - ULufingwi uLupwa

⁶ Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

Tesitamenti Umupwa 1965

⁶ Mutakutanaje naṿimo ndali, nkandi zyonti zyenga musovelilwe zye muziyangaje kwa Mulungu muluputo lwonti namululavo lwe lusangine nulusalifwo.

Filipi 4:6 ပူးပေါင်းရင်းမြစ်များ

Matayi 10:19

Lwe vhakuvhatwala ku vhapiti, mutahogopaje kuuti muliyanga ishooni, poosye kuuti muliyangaga vhuli, mwe pe uTaata uMulungu alivhapanga izya kuyanga ahavhaliilizyo hehaala.

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 6:34

“Ishi mutayitamwaje ni zya ndaavhi, mwe pe izya ndaavhi ziliyiyimbila zyeka. Insiku zyonti zili ni ntamwo zyakwe.”

Matayi 6:8

Mutalaavhaje inza vwe avheene vhakulaavha, mwe pe uTaata wiitu amanyile vwe musovheliilwe, poosye she mushiili kumulaavha.

uLuuka 10:41

UMwene uYeesu ahamwamula ahati, “Maalita, shooni she ukupwunga nu kuyimba ni nyinji?

uLuuka 12:22

Pe uYeesu ahavhavhuuzya avhasundikwa vhaakwe ahati, “Ishi, nkuvhavhuuzya kuuti, mutayitamwaje ni zya vhulanzi vhwinyu kuuti kwe mulye ishooni, poosye ni zya mavhili giinyu kuuti kwe muzwale ishooni.

uLuuka 12:29

“Pe ishi, mutayitamwaje kuuti kwe mulye ishooni, poosye kuuti kwe mumwele ishooni, havhili muleshe kuvha na maganigani.

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 18:7

Ishi, uMulungu atangavhavhombela zye zikwanzilwa avhasaavhulwa vhaakwe vhe vhakumulaavha uvhusiku nu musanya? Angahaavha kuvhaavwa?

1 VaKolinti 7:21

Inga wáamile we muzya lwe uMulungu akukwita, ilyo litahakutamwe. Ileelo inga ungalyaga idala ilya kukuvhiiha kuvha we musatushe, kwashi uvhombe vhwevhulo.

1 VaKolinti 7:32

Ishi nkwanza kuuti muleshe kuzisiivha intamwo izya mu nsi. Umuntu we atimaaye, akuyikungula kumuvhombela uMwene uYeesu, mwe pe akusiivha kumuhondezya we Mwene.

2 VaKolinti 1:11

kwi idala ilya imwe kutwavwa kumulaavha uMulungu. Uweene akwivwa impuuto zyinyu nu kutuloota iswe. Kuli izyo, avhantu avhinji kwe vhamusalifwaje uMulungu kuzya vhwila vhwakwe kuli iswe.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

Kolosi 4:2

Mumulaavhaje uMulungu insiku zyonti, muvhanje minso ishisita kulita nu kumusalifwa uweene.

1 Timoti 2:1

Ululajizyo lwane ulwa kwanda, nkuvhalajizya kuuti mumulaavhaje uMulungu, musalifwaje ku mpuuto na ku ndaavho zyonti ku vhantu vhonti.

1 Timoti 5:5

Umuziishe wonti we atali na vha kumwavwa, uweene avhiisile ulusuuvhilo lwakwe kwa Mulungu weeka, akulaavha kuuti amwavwaje uvhusiku nu musanya.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 5:7

Mumuleshele uMulungu intamwo zyinyu zyonti, mwe pe uweene akuvhasaajila.