Filipi 4:14 - ULufingwi uLupwa

¹⁴ Ileelo mwávhomvile ahinza kunaavwa mu malavha gaane.

Tesitamenti Umupwa 1965

¹⁴ Ilelo muvomṿilʼahinza ukuva mwe valilani vane muvupotwe.

Filipi 4:14 ပူးပေါင်းရင်းမြစ်များ

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

VaLoma 15:27

Avhiitisi ivho vhaavhomvile izyo ku luseshelo, havhili nalyoli vhakudaayilwa kuvhaavwa avhapiina ivho. Yeenya, inga avhantu vhe te Vhayuuda vhali nu vhuliilani mu vhuloote uvhwa Mupepo uMufinjile, kutuushila ku Vhayuuda, pe vhoope vhakwanzilwa kuvhaavwa aVhayuuda ivintu vwavho vwe vhali navwo.

VaGalati 6:6

Umuntu we akusambiilila izwi ilya Mulungu, amugavhilaje umusambiilizi waakwe ivintu ivwinza vimo vwe akulonka.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

VaHebuli 10:33

Ahavhaliilizyo hamo muhayimvilwaga nu kuligwa pilongolela ilya vhantu avhinji. Havhili muhavhasajilaga nu kuvhaavwa vhaala vhoope vhe vhahayimvilwaga inza vhwevhulo.

VaHebuli 10:34

Havhili muhavhafwilaga uvhwila avhamwinyu vhe vhákunziilwe mu jeela. Havhili lwe vhavhafwula ivwuma vwinyu, muhaseshelaga mu mooyo giinyu, mwe pe mwámanyile kuuti muli ni vintu ivwinza nkaani vwe vitakusila naalumo.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.