Filipi 2:22 - ULufingwi uLupwa

²² Ileelo imwe muhomesheziizye kuuti uTiimoti akuvhomba ahinza, ávhomvile imbombo iya kulumbiilila Izwi iLyinza pooka niine inza umwana vwe akumwavwa uyise.

Tesitamenti Umupwa 1965

²² Ilelo mumumanyile namwe mwʼalolesilʼuvwinza, shʼahalivombelʼIvangeli poka nane inza ṿwʼumwana akuhonzya nuyise.

Filipi 2:22 ပူးပေါင်းရင်းမြစ်များ

iMbombo izya Vhatumwa 16:2

Avhiitisi avha ku Lisitila na ku Ikooniya vhahamuyanjilaga uTiimoti kuuti, áamile nu lujendo ulwinza.

VaLoma 5:4

Uvhujimbiilizu vhukuleeta ulujendo ulwinza, lwope ulujendo ulwinza lukuleeta ulusuuvhilo.

1 VaKolinti 16:10

Inga uTiimoti ayinza kuli imwe, mumuposheele nu kumusunga, inga atendame niimwe ahinza ishisita ilyoga, mwe pe woope akuvhomba imbombo iya Mwene uYeesu inza ine.

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

2 VaKolinti 2:9

Insiivho zyane izyamwavho izya kuvhasimbila ukalaata ula, zyaamile zya kumanya inga mukunshindiha mu zyonti.

2 VaKolinti 8:22

Tukumusonteelezya uwamwitu uwamwavho avhe pooka na vha Tiiti. Uwamwitu uyo ulwinji tukumulola kuuti ali nu mute uwa kuvhomba imbombo. Ali nu mute nkaani kuluusya ku vhwandilo, mwe pe akuvhasuuvhila nkaani imwe.

2 VaKolinti 8:24

Ishi muvhalolesyaje avhantu ivho ishikunzi shiinyu, inga ivivhanza vimanye kuuti, zye tukuyitumvwa ku zyinyu, zya nalyoli.

2 VaKolinti 8:8

Lwe nkuyanga izi te kuuti nkuvhavijiilizya, ileelo nkwanza kulola ishikunzi shiinyu inga sha nalyoli kwi idala ilya kulingaanisya nu mute uwa vhanji.

Filipi 1:12

Mwe vhamwitu, nkwanza mumanye kuuti, amayimba gonti ge ganaazile gavwizye nkaani kukumusya Izwi iLyinza.

Filipi 1:16

Ivha, vhakulumbiilila ku mwoyo uwa shikunzi, mwe pe vhamanyile kuuti uMulungu ansavhuuye, inga ndumbililaje Izwi iLyinza.

Filipi 1:5

mwe pe imwe mukunaavwa kulumbiilila Izwi iLyinza kufuma isiku lye mwítisile, kufishila ileelo.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 2:20

Nkusuuvhila kumusonteelezya uweene, mwe pe ntali nu muntu uwamwavho inza uweene we angavhasaajila.

1 Timoti 1:18

Mwana waane Tiimoti, nkuukupa indajizyo izi zye zikufuma mu mazwi aga vhakuvhwi ge gáyanziilwe ku kwaho. Ugalandate amazwi igo gavhe shilwilo shaaho kulwa uvhulugu uvhwinza.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 1:2

Ine nkukusimbila iwe Tiimoti, mwana waane we nkukunzite. UTaata uMulungu nu Mwene wiitu uChilisiti uYeesu vhakufwilaje uvhwila nu kuukupa ulupepeelezyo nu vhutehamu.

2 Timoti 3:10

Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.