Filipi 2:11 - ULufingwi uLupwa

¹¹ Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

Tesitamenti Umupwa 1965

¹¹ nimili zyonti ukuti zimuyanje UYesu Chilisiti ukuva we wʼUmwene, zimushindishe mumwo uMulungu uYise.

Filipi 2:11 ပူးပေါင်းရင်းမြစ်များ

Matayi 10:32

Umuntu wonti we akuvhavhuuzya avhantu, kuuti akundandata ine, niine ndimuvhuuzya uTaata waane uwa ku mwanya, kuuti uyo mulandati waane.

uLuuka 2:11

Ileelo mu nkaaya iya Betelehemu mwe uDaavhudi ápafwilwe, apafwilwe uMuposhi ku zyinyu. Uyo we wu Chilisiti, uMwene.

Yohani 12:42

Poosye vhwevhulo, avhinji mu vhapiti avha Vhayuuda vhámwitisile uYeesu, ileelo vhatahayangaga apazelu kuuti vhamwitisile, mwe pe vhahogopaga kuuti aVhafalisaayi vhatahavhashimbizye mwi isinagoogi.

Yohani 13:13

Imwe mukuniita mukuti, ‘Musambiilizi,’ havhili mukuti, ‘Mwene,’ mukuyanga zya nalyoli, mwe pe ne Musambiilizi wiinyu, havhili ne Mwene wiinyu.

Yohani 13:14

Ishi ine, ne ne Musambiilizi wiinyu havhili ne Mwene wiinyu navhoozya imwe ivinama vwinyu. Yikwanzilwa niimwe vhweleele mwozyanyaaje ivinama vwinyu.

Yohani 14:13

Inga mukulaavha ishintu shonti kwi izina lyane, niine kwe mbombaje inza vwe mukulaavha. Kwi idala ilyo, nkulolesya uvhushindamu uvhwa Taata vwe vhuli.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 17:1

Lwe uYeesu aamala kuyanga na vhasundikwa vhaakwe zyonti izyo, aheenya ku mwanya, ahalaavha ahati, “We Taata, ahavhaliilizyo haafiha. Uvhalolesye avhantu uvhushindamu vhwane ine ne Mwana waaho, inga niine ne Mwana waaho imbalolesye uvhushindamu vhwaho vwe vhuli.

Yohani 20:28

UToomasi ahamwamula uYeesu ahati, “Iwe we Mwene waane, havhili iwe we Mulungu waane!”

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 9:22

Avhapaafi vhaakwe vháyanzile vhwevhulo, mwe pe vhávhogofile avhalongozi avha Vhayuuda, mwe pe avheene vhítinkiine kuuti, umuntu wonti we akwitiha kuuti uYeesu wu Chilisiti, vhakumushimbizya mwi isinagoogi.

iMbombo izya Vhatumwa 10:36

Imwe mumanyile kuuti uMulungu ásonteleziizye avhantu vhaakwe kuvhalumbiilila aVhaisilayeeli Izwi iLyinza kuuti vhaliivha nu vhutehamu nu weene kwi idala ilya Yeesu Chilisiti, we wu Mwene uwa vhantu vhonti.

iMbombo izya Vhatumwa 2:36

UPeeteli ahati, “Ishi, aVhaisilayeeli vhonti vhamanye kuuti uYeesu we imwe mwámugozile pa shihovhenkanyo, uMulungu amuvhiisile kuvha wu Mwene havhili wu Chilisiti.”

VaLoma 14:11

Kuli izyo, yisimviilwe mu Vhusimbe uVhufinjile kuuti, “UMWENE uMulungu akuyanga akuti, ‘Nalyoli avhantu vhonti vhalisugamila pilongolela lyane, nu kupemula ni mili zyavho kuuti ine ne Mulungu.’”

VaLoma 14:9

Kuli izyo, uChilisiti áfuuye nu kuzyuha, inga avhe wu Mwene uwa vhantu vhonti, avhafwe na vhalanzi.

VaLoma 15:9

Havhili, áyinzile, inga avhantu vhe te Vhayuuda vhamushindihaje uMulungu ku vhwila vhwakwe inza vwe uVhusimbe uVhufinjile vhukuyanga vhukuti, “Kuli izyo, ndikutiima ku vhantu vhe te Vhayuuda. Havhili ndiyimba inyimbo izya kulitiima izina lyaho.”

1 VaKolinti 12:3

Ishi nkuvhavhuuzya kuuti, umuntu wonti we akulongolwa nu Mupepo uwa Mulungu atangayanga kuuti, “UYeesu atifiilwe.” Havhili umuntu wonti we atakulongolwa nu Mupepo uMufinjile atangayanga kuuti, “UYeesu wu Mwene.”

1 VaKolinti 15:47

Umuntu uwa kwanda, uAadamu áfumile mu nsi, ápeziilwe kufuma mu ntope. Umuntu uwa vhuvhili, uChilisiti áfumile ku mwanya.

1 VaKolinti 8:6

ileelo kuli iswe, aliipo uMulungu wooka vhweleele, we wu Taata, we ahapela ivintu vwonti. Iswe tukulandila ku lukasamo lwakwe. Havhili aliipo uMwene wooka vhweleele, we wu Yeesu Chilisiti, kufumiilana nu weene ivintu vwonti vihapelwa, havhili niiswe tuli nu vhulanzi.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 4:2

Idala ilya kumanya kuuti umuntu akulongolwa nu Mupepo uwa Mulungu lye lino: Wonti we akupemula kuuti uYeesu Chilisiti áyinzile mu nsi, ahavha nu muvhili inza avhantu avhanji, uyo we akulongolwa nu Mupepo uwa Mulungu.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

Ishitushizya 3:5

Ula we alipoota indingo, alizwala ivizwalo ivizelu inza avheene. Havhili te nkalyefwe izina lyakwe mwi ikalaata ilya vhulanzi, nkandi ndilyitiha pilongolela ilya Taata waane na pilongolela ilya vhahavhizya vhaakwe.