Filipi 1:25 - ULufingwi uLupwa

²⁵ Mwe pe nkomesheziizye izyo, imanyile kuuti kwe njendeelele kuvha pooka niimwe mwenti, inga mujendeelele kukula nu kuvha nu luseshelo mu lwitiho lwinyu.

Tesitamenti Umupwa 1965

²⁵ Ilelo zye nzitungamiye, zye manyilʼine ukuti isuti nkuva, havili nkudila namwe mwenti ukuti mujendelele nukuva nuluseshelo lwa lwitiho,

Filipi 1:25 ပူးပေါင်းရင်းမြစ်များ

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 20:25

“Natuuhaga uku nuukwo kuvhakumusizya imwe mwenti izya vhumwene uvhwa Mulungu. Ileelo ishi tejeelezyi, ine imanyile kuuti, te muhandole havhili naalumo.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:18

Niine te njanje naashimo ishinji, nkandi sheshiila she uChilisiti ávhomvile kutuushila kuli ine, isha kuvhavhiiha vhe te Vhayuuda kuuti vhamushindishe. Ávhomvile vhwevhulo kutuushila ku mazwi ge nkayangaga na ku mbombo zye nkavhombaga,

VaLoma 15:29

Imanyile kuuti, lwe ninza kuli imwe uChilisiti aliloota nkaani ahavhaliilizyo aha kutendama pooka, ine niimwe.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

Filipi 1:24

Ileelo ku zyinyu, hinza kuuti njendeelele kuvha nu vhulanzi.

Filipi 2:24

Poosye ine neneene, indi nu lusuuvhilo nkaani, kuuti kwe ninze shiniishi, inga uMwene asungwa.

Filemoni 1:22

Pooka niizyo, nkukulaavha unsenganizanye apa vhukaato, mwe pe nkusuuvhila kuuti ku mpuuto zyinyu, uMulungu kwe atusatule mu jeela, pe ininze kuli imwe kuvhavuula.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,