Filipi 1:23 - ULufingwi uLupwa

²³ Ivintu vivhili vikundunzaanya. Lumo nkusiivha kwepa ipa, insogole imbe pooka nu Chilisiti. Ili lye lihondeeye nkaani.

Tesitamenti Umupwa 1965

²³ Zye zimbufile zye zivili. She nkasime ukutuluha ukuvalʼukuva nuChilisiti, she kwe kulusizye nkani Uvwinza.

Filipi 1:23 ပူးပေါင်းရင်းမြစ်များ

uLuuka 12:50

Niine ndi na mayimba ge nkwanzilwa kutuushila, kwe njendeelele kuyimba nkaani mu mwoyo waane, kufishila kuuti galunjishe.

uLuuka 23:43

UYeesu ahamwamula ahati, “Nalyoli nkukuvhuuzya kuuti, ileelo ili, kuuti uvhe pooka niine ku Paladiiso.”

uLuuka 8:38

Lwe uYeesu akusogola, umuntu uyo we impepo inkandamanu zyámwefile, ahamulambiilizya kuuti vhasogole vhonti. Ileelo uYeesu atahamwitishila, ahati,

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

Yohani 13:1

Lwe isiku ilya shikulukuulu isha Pasaaka lishiili kufiha, uYeesu ahamanya kuuti ahavhaliilizyo haakwe haafiha aha kwepa mu nsi umu, nu kusogola kwa Taata. Ahavhaliilizyo honti lwe ali mu nsi umu, ávhakunzite avhantu vhaakwe vhe vhámwitisile mu nsi, havhili ájendeleeye kuvhakunda kufishila kumpeleela.

Yohani 14:3

Lwe nasogola nu kuvhasenganizanya uvhuzilo, ndigaluha havhili kuvhanyatula, inga pe navha, niimwe muvhe pooka niine.

Yohani 17:24

“We Taata, nkwanza kuuti vhe umpiiye, vhavhanje pooka niine pe nkuvha, inga vhavhulolaje uvhushindamu vhwe umpiiye, mwe pe wánkunzite kufuma lwe ni nsi yishiili kupelwa.

iMbombo izya Vhatumwa 7:59

Lwe vhakumuhoma uSiteefani na mavhwe, uweene ahalaavhaga ahatinji, “Mwene Yeesu, uvhuposheele uvhupuuma vhwane!”

2 VaKolinti 5:8

Nalyoli tutali na maganigani, havhili tukulola kwashi tuwuleshe umuvhili uno, nu kusogola kutendama pooka nu Mwene uYeesu.

2 VaKolinti 6:12

Iswe tutalesile kuvhakunda imwe, nkandi imwe mwe mulesile kutukunda iswe.

Filipi 1:24

Ileelo ku zyinyu, hinza kuuti njendeelele kuvha nu vhulanzi.

1 VaTesaloniki 2:1

Mwe vhamwitu, imwe mweneemwe mumanyile kuuti iswe kwinza kuli imwe, yitáali vhweleele.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

1 VaTesaloniki 4:17

Pe iswe swe vhapuuma, twe tusyaye, tulisompolwa pooka navho mu mavhingo, inga tumuposheele uMwene uYeesu kumwanya. Pe tulitendama pooka nawo shiima shiima.

2 Timoti 4:6

Nkukuvhuuzya izyo, mwe pe ine vhakwanza kungoga inza kufumwa impuutile iya divaayi kwa Mulungu, mwe pe ahavhaliilizyo haane aha kufwa hafisile.

Ishitushizya 14:13

Pe nkiivwa izwi kufuma ku mwanya, lihati, “Simba! Vhalosiitwe avhantu vhaala vhe kwandila isaala izi vhakufwa she vhamwitisile uMwene uYeesu.” Woope uMupepo uMufinjile akuti, “Mwe muumwo! Vhalituuzya amayimba gaavho, mwe pe imbombo zyavho inyinza zilimanyiha.”