Filipi 1:10 - ULufingwi uLupwa

¹⁰ inga mwamulaje zye nyinza. Pe muliivha mwe vhagolosu ishisita uvhunanzi kufishila isiku lye uChilisiti aligaluha.

Tesitamenti Umupwa 1965

¹⁰ ukuti muzilingajʼinongwa mwe zilehine, ukuti muvanje mwe vasitamafuji, havili mutavanje nazyo nazimo izya kuvalonga pisiku lya Chilisiti,

Filipi 1:10 ပူးပေါင်းရင်းမြစ်များ

Matayi 16:23

Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Matayi 26:33

Ileelo uPeeteli ahati, “Poosye inga vhakukuleha vhonti, ine te nkuleshe inga hansi.”

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

Yohani 3:20

Avhantu vhonti vhe vhakuvhomba imbiivhi, vhakuvhuviitilwa uvhuzelu uvhwo. Havhili vhatakwanza kusogola kwe uvhuzelu vhuli, vhakuvhomba isho inga imbiivhi zyavho zitahaloleshe apazelu.

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

VaLoma 12:9

Muvhakundaje avhamwinyu ishisita ishifumbo. Muzivitilwaje imbiivhi, muyikungulaje kuvhomba inyinza.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

VaLoma 2:18

Havhili ukuti uzimanyile zyonti zye uTaata akasiime nu kumanya kusaavhula zye nyinza, mwe pe usambiliiye mu ndajizyo zyakwe.

VaLoma 7:16

Inga nkuvhomba zye ntakwanza, pe yikulolesya kuuti nkwitiha kuuti indajizyo nyinza.

VaLoma 7:22

Indajizyo izya Mulungu nkuzisungwa ku mwoyo waane wonti.

VaLoma 8:7

Yeenya, avhantu vhe vhakulongolwa nu vhuntu uvhwa vhutalamalandu vhakuyipela kuvha vhalugu vha Mulungu, mwe pe vhatakuzilandata indajizyo izya Mulungu inga hansi, havhili vhatangazilandata.

1 VaKolinti 1:8

UMulungu kwe avhagomwe kufishila kumpeleela, inga mutahinze mulongwe kuuti te mwe vhagolosu isiku liila lye uMwene wiitu uYeesu Chilisiti aliyinza kuvhalonga avhantu.

1 VaKolinti 10:32

Mutavhavwalazyaje amooyo aVhayuuda, poosye vhe te Vhayuuda, poosye avhantu avha mu shivhanza isha Mulungu.

1 VaKolinti 8:13

Ishi, inga ishaakulya she nkulya, shikumupelela uwamwitu kuvhomba uvhutalamalandu, ipo pe te nkaalye inyama naalumo, inga uwamwitu atahinze ayinjile mu vhutalamalandu.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 6:3

Ishi tutakuvhomba lyonti lye likuvhapunuzya avhanji, inga uvhuvhomvi vhwitu vhutahinze vhuyangwe havhiivhi.

2 VaKolinti 8:8

Lwe nkuyanga izi te kuuti nkuvhavijiilizya, ileelo nkwanza kulola ishikunzi shiinyu inga sha nalyoli kwi idala ilya kulingaanisya nu mute uwa vhanji.

VaGalati 5:11

Vhamwitu, vhamo vhakuyanga vhakuti ine indi she nkukumusya kuuti, vhonti vhakwanzilwa kutahiililwa. Inga vwe nkuyanga vhwevhulo, shooni she indi she nkuyimvilwa? Inga vwe nkuyanga vhwevhulo, kukumusya kwane inongwa izya shihovhenkanyo isha Yeesu, nkandi kutakuvhaviisya.

VaEfeso 4:15

Ileelo tulilandata uvhwanalyoli ku shikunzi, inga tukule nu kufishila kuvha inza uChilisiti ku zyonti. Uweene kuli iswe ali inza itwe mu muvhili.

VaEfeso 5:10

Mulondolaje zye zikumuhondezya uMwene uYeesu.

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

VaEfeso 6:24

UMulungu avhafwile uvhwila vhonti vhe vhakumukunda uMwene wiitu uYeesu Chilisiti ku shikunzi she shitali nu vhusililishilo.

Filipi 1:16

Ivha, vhakulumbiilila ku mwoyo uwa shikunzi, mwe pe vhamanyile kuuti uMulungu ansavhuuye, inga ndumbililaje Izwi iLyinza.

Filipi 1:6

Ishi nkuhomeshezya kuuti, nalyoli uMulungu we ahataliha imbombo inyinza iya vhuposhi mu mooyo giinyu, kwe ajendeelele kuyimala kufishila isiku lye uYeesu Chilisiti aligaluha.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

1 VaTesaloniki 5:21

ileelo muvhulingaje vhwonti nu kuvhulandata vhwe vhwinza.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

1 Yohani 4:1

Mwe vhankundwa, mutavhitihaje avhantu vhonti vhe vhakuti vhali nu Mupepo uwa Mulungu, mwe pe avhakuvhwi avha ilenga avhinji vhafumiiye mu nsi. Mwenyelezyaje ahinza, kumanya inga umuntu akulongolwa nu Mupepo uwa Mulungu pamo haa.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.