3 Yohani 1:9 - ULufingwi uLupwa

⁹ Naashisimbiiye ishivhanza ukalaata, ileelo umuntu wumo we izina lyakwe vhakuti wu Diyoteleefe we akuyivhiiha kwilongolela ngati we mupiti waavho, atakwitiha zye nsimvile.

Tesitamenti Umupwa 1965

⁹ Nashisimbiyʼishivanza zimo, nkandʼuDiyotilefi wʼakasimʼukuva mupiti atakutusajila.

3 Yohani 1:9 ပူးပေါင်းရင်းမြစ်များ

Matayi 7:8

Nkuvhavhuuzya vhwevhulo, mwe pe umuntu wonti we akulaavha, akuposheela, woope we akulondola, akuvwaga, woope we akuhonyonsya, akwigulilwa.

Maliko 9:34

Mwi idala vhahadalinkanaga vhuuvho vheeka kuuti wu naanu mu vheene we mupiti. Lwe avhavhuziilizya, vhahiima mwaa.

Maliko 9:37

“We akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye.”

uLuuka 9:48

Ahavhavhuuzya ahati, “Umuntu wonti we akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye. Vhwevhulo, we munsi kuli imwe mwenti, akuvha mupiti kuvhaluusya mwenti.”

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

3 Yohani 1:8

Pe ishi, iswe tukwanzilwa kuuti tuvhaavwe avhantu inza ivho, inga tuvhombe pooka navho imbombo iya kusambiilizya uvhwanalyoli.