3 Yohani 1:12 - ULufingwi uLupwa

¹² Avhantu vhonti vhakuhomeshezya kuuti uDemetiiyo muntu mwinza, ni mbombo zyakwe ingolosu, zikuhomeshezya kuuti muntu wa nalyoli. Poosye niiswe, tukuhomeshezya kuuti muntu mugolosu, niiwe umanyile kuuti uvhwahoome vhwitu vhwa nalyoli.

Tesitamenti Umupwa 1965

¹² Vonti vakumuhomeshezyʼuDemeteli inyinza, vwope nuvwanalyoli vovulo. Niswe vwelele tukumuhomeshezya, nimwe mwe mumanyile ukuti uluhomeshezyo lwitu lwe lwa nalyoli.

3 Yohani 1:12 ပူးပေါင်းရင်းမြစ်များ

Yohani 19:35

Inongwa izi zisimviilwe nu muntu we ázivhwenyi, lwe zikuvhombeha. Zye akuyanga zya nalyoli, havhili woope amanyile kuuti zye akuyanga zya nalyoli. Pe akuhomeshezya, inga niimwe mwitishe.

Yohani 21:24

Umusundikwa uyo we akuhomeshezya izi nu kuzisimba. Niiswe tumanyile kuuti zye akuhomeshezya zya nalyoli.

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 22:12

“Mu nkaaya iyo mwámile umuntu wumo we izina lyakwe vhahatinji uAnaniya. Uweene ahamushindihaga uMulungu, havhili ázilemile nkaani indajizyo zyitu. AVhayuuda vhonti vhe vhahatendamaga umwo, vhahamuyanjilaga inyinza.

iMbombo izya Vhatumwa 6:3

Ishi vhamwitu, kuli imwe musevhe avhantu 7 vhe muhomesheziizye kuuti vhali nu lujendo ulwinza, havhili vhizuuye uMupepo uMufinjile nu kuvha nu vhushindamu uvhwa njeele nkaani. Ivho vhe tuvhavhiishe mu mbombo ino iya kugavhanya ivwakulya,

1 VaTesaloniki 4:12

Ipo mukuvha mwalolesya ulujendo ulwinza pilongolela ilya vhe vhatamwitisile uMulungu, havhili mutakuvha mwe vha kusuuvhila ivwa vhanji.

1 Timoti 3:7

Havhili, yikwanzilwa vhe te vhiitisi vhamuyanjilaje inyinza, inga atahakwinkwinwe nu kugwila mwi ilivha ilya Mukwalanzi.