2 Yohani 1:9 - ULufingwi uLupwa

⁹ Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

Tesitamenti Umupwa 1965

⁹ Vonti venga vazishizilʼinsambilizyo zya Chilisiti, ve vatakusyelemetela mumwo shima, avene vate nuMulungu. Uwene nyene wʼakusyelemetela munsambilizyo zya Chilisiti, wʼali navo ve vavili uYise nuMwana.

2 Yohani 1:9 ပူးပေါင်းရင်းမြစ်များ

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

uLuuka 10:22

Havhili ahati, “UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.”

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 15:6

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 8:31

Pe uYeesu ahavhavhuuzya aVhayuuda vhe vhámwitisile ahati, “Inga mukugalandata amazwi gaane ge nkuvhasambiilizya, pe nalyoli kwe muvhe mwe vhasundikwa vhaane.

iMbombo izya Vhatumwa 2:42

Avhatumwa avha Yeesu vhahasambilizyaga izwi ilya Mulungu ku vhaala vhe vhámwitisile. Vhonti vháamile nu vhuliilani, vhahamensulanaga ikaati nu kulya pooka, nu kumulaavha uMulungu pooka.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

uTiiti 2:10

Vhatiivhaje ishintu naashimo ku vhapiti vhaavho. Vhalolesyaje ulujendo ulwa kusuuvhilwa ku zyonti, inga ku lujendo lwavho lwonti vhazivhiishe insambiilizyo izya Mulungu uMuposhi wiitu kuuti zivhe zya kuhondezya.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

3 Yohani 1:9

Naashisimbiiye ishivhanza ukalaata, ileelo umuntu wumo we izina lyakwe vhakuti wu Diyoteleefe we akuyivhiiha kwilongolela ngati we mupiti waavho, atakwitiha zye nsimvile.