2 Yohani 1:1 - ULufingwi uLupwa

¹ Ukalaata uno nsimvile neene ne songo uwa shivhanza. Nkukusimbila iwe maayi we uMulungu akusavhuuye, pooka na vhaana vhaaho vhe mbakunzite ku mwoyo wonti. Te neene neeka ne mbakunzite, nkandi na vhanji vhonti vhe vhavhumanyile uvhwanalyoli uvhwa Izwi iLyinza, vhoope vhavhakunzite ku mwoyo wonti.

Tesitamenti Umupwa 1965

¹ Ne songo, nkukusimbila we mwantanda wa munyimṿwila umusavulwa navana vaho, vʼine mbakunzite muvwanalyoli, te nene neka ndali, nkandi vonti ve vavumanyile uvwanalyoli.

2 Yohani 1:1 ပူးပေါင်းရင်းမြစ်များ

uLuuka 1:3

Ishi niine naalola kuuti hinza kukusimbila izi zyonti inza vwe zyálandatiine, mwe pe nkomesheziizye ahinza uvhwanalyoli uvhwa nongwa izya Yeesu kufuma ku vhwandilo.

Yohani 8:32

Havhili kwe muvhumanye uvhwanalyoli. Kwi idala ilya vhwanalyoli uvhwo, uMulungu kwe avhavhiishe kuvha mwe vhasatushe.”

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

VaLoma 16:13

Mundamushile uLuufo, umusaavhulwa uwa Mwene uYeesu, havhili mundamushile nu maayi waakwe, we ánavwizye ine ngati ne mwana waakwe.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 2:5

Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

VaHebuli 10:26

Inga tukujendeelela kuvhomba uvhutalamalandu umwenzo she tuvhumanyile uvhwanalyoli uvhwa Mulungu, kutali impuutile iyamwavho ye yingatuzelufwa uvhutalamalandu.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Peteli 5:13

Ishivhanza isha ku Babeeli she shisavhuliilwe nu Mulungu, shikuvhalamuha. Havhili umwana waane mu lwitiho uMaaliko, akuvhalamuha.

1 Yohani 2:21

Nkuvhasimbila ukalaata uno, te kuuti, mwe pe mutavhumanyile uvhwanalyoli, nkandi, mwe pe muvhumanyile, havhili, mwe pe mumanyile kuuti ilenga lyonti litakufuma mu vhwanalyoli.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.

2 Yohani 1:13

Avhaana vha mwantanda uwamwinyu we asavhuliilwe, vhakukulamuha.

2 Yohani 1:5

Ishi iwe maayi nkundwa, nkukulaavha mu vhusimbe uvhu, kuuti ushindishe ululajizyo luula lwe lukuti tukundanaje. Ululajizyo ulwo te lupwa, lwe lweluula lwe twámile nalwo kufuma pe twánzite kumwitiha uChilisiti.

3 Yohani 1:1

Ukalaata uno nsimvile neene ne songo uwa shivhanza. Nkukusimbila iwe Gaayo, nkundwa waane, we nkukunzite ku mwoyo wonti.