2 VaTesaloniki 3:3 - ULufingwi uLupwa

³ Ileelo uMwene uYeesu mutungamu, uweene alivhagomwa imwe nu kuvhaguulila kwa Muvhiivhi ula.

Tesitamenti Umupwa 1965

³ UwenʼuMwene nyene mutungamu, wʼalivagomwʼimwe amaha, alivuvatila nakuwalombwa ula.

2 VaTesaloniki 3:3 ပူးပေါင်းရင်းမြစ်များ

Matayi 5:37

Inga mukwitiha ishintu, mutinji, ‘Eena’ vhweleele, poosye inga mukuhaana, mutinji, ‘Ndaali’ vhweleele. Zyonti zye zikwonjela muli izyo, zikufuma kwa Muvhiivhi ula.”

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

uLuuka 11:4

Utuswile uvhutalamalandu vhwitu, mwe pe niiswe tukuvhaswila vhonti vhe vhakutuvhombela uvhutalamalandu. Utulongole inga tutahinjile mu ndingo, havhili utuposhe nu Muvhiivhi ula.”

Yohani 17:15

We Taata, ntakulaavha kuuti uvheefwe mu nsi umu, nkandi kuuti uvhaguulile nu Muvhiivhi ula uSeetano.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

1 VaKolinti 10:13

Indingo zye zikuvhaaga imwe, zili inza zye zikuvhaaga avhantu avhanji. Ileelo uMulungu mutungamu, uweene te avhaleshe mulingwe kuluusya amaha giinyu. Lwe imwe mukulingwa, uweene akuuvhapa amaha aga kujimbiilila ni idala ilya kufumila.

1 VaTesaloniki 5:24

UMulungu uweene we akuvhiita, alivhavhombela izyo, mwe pe wa nalyoli.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

2 Timoti 4:18

Kwe ajendeelele kumpoha mu mbiivhi zyonti zye kwe mbombelwe, inga amfisye ku mwanya ku vhumwene vhwakwe ku vhutehamu. Ashindikwaje shiima shiima! Amina.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

2 Peteli 2:9

Kuli izyo, uMWENE uMulungu amanyile kuvhapoha avhantu vhe vhakumushindiha kufuma mu ndingo zyavho. Havhili amanyile vwe aliivhapa isunde avhavhiivhi isiku liila ilya kuvhalonga.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.