2 VaTesaloniki 1:3 - ULufingwi uLupwa

³ Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

Tesitamenti Umupwa 1965

³ Pe pakuti shima tuvagwilajʼulupi imwe kwa Mulungu, mwe vamwitu, she zye zihondeye, shʼulwitiho lwinyu lukuzile lulusizye, shope nishikunzi shinyu she mukukundana mwe muvaliye shiṿuzile,

2 VaTesaloniki 1:3 ပူးပေါင်းရင်းမြစ်များ

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

uLuuka 17:5

Pe avhatumwa vhaala vhahamuvhuuzya uMwene uYeesu vhahati, “Tukulaavha utwonjezye ulwitiho!”

Yohani 15:2

Ulusamba lwonti lwe luli muli ine lwe lutakuhoma amantonongwa, uTaata akuludiba. Ileelo ulusamba lwe lukuhoma amantonongwa, uTaata akulupalulila, inga luhomaje ahinza.

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

1 VaKolinti 1:4

Nkumusalifwa uMulungu waane insiku zyonti ku zyinyu, mwe pe avhafwiliiye uvhwila mwa Chilisiti uYeesu.

2 VaKolinti 10:15

Havhili tutakuyitumvwa kuzya mbombo iya vhantu avhanji. Ileelo tukusuuvhila kuuti vwe ulwitiho lwinyu lukwonjela kukula, pe imbombo yiitu pahati yiinyu yikujendeelela kwonjela.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Filipi 1:9

Ine nkuvhalaavhila kwa Mulungu kuuti, ishikunzi shiinyu shonjelaje nkaani pooka nu vhushindamu uvhwa njeele nu vhumanyi vhwonti,

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

1 VaTesaloniki 3:6

Ishi uTiimoti ayinzile kufuma kuli imwe, atuvhuziizye inongwa inyinza izya lwitiho ni shikunzi shiinyu. Atuvhuziizye kuuti mukutusamba shiima ku luseshelo, havhili musamvile kulolana niiswe, inza vwe niiswe tusamvile kulolana niimwe.

1 VaTesaloniki 3:9

Ishi tungamulipa uMulungu shintu vhuli, inga tumusalifwe kuzya lwitiho lwinyu? Poosye kuzya luseshelo ulupiti, lwe tuli nalwo ku nongwa zyinyu?

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

2 VaTesaloniki 2:1

Ishi vhamwitu, tukuvhasimbila kuzya kwinza uMwene wiitu uYeesu Chilisiti, na vwe tulihomaana pooka nu kutendama nawo. Tukuvhalaavha kuuti

2 VaTesaloniki 2:13

Ileelo iswe tukwanzilwa kumusalifwa uMulungu amanda gonti ku zyinyu imwe vhamwitu, mwe uMwene uYeesu avhakunzite. Tukwanzilwa kuvhomba isho, mwe pe ávhasavhuuye imwe kufuma ku vhwandilo uvhwa kupela kwakwe inga muposheele uvhuposhi. Uvhuposhi uvhwo muvhuposheleeye kwi idala ilya Mupepo uMufinjile we akuzelufwa ni lya kwitiha uvhwanalyoli.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

2 Peteli 1:13

Nkulola kuuti zya vhugolosu kuvhakumbusya zyonti izyo, lwe nshiili nkulandila mu nsi umu.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.