2 VaKolinti 8:3 - ULufingwi uLupwa

³ Nkuvhavhuuzya kuuti, vhaafumwizye ivintu ivwinji, kuluusya vwe vhali navwo. Havhili vhaafumwizye ku lukasamo lwavho,

Tesitamenti Umupwa 1965

³ Nkuvahomeshezyʼine ukuti vatahalinga mwe ṿivaliyʼiṿwavo ndali, vahashizya mwe ṿivaliyʼiṿwavo, vayisesile veka ukusangulizanya,

2 VaKolinti 8:3 ပူးပေါင်းရင်းမြစ်များ

Maliko 14:8

Uweene avhomba liila lye angalivhomba, awupaha umuvhili waane kunsengaanya kwi isiku ilya kusyilwa.

iMbombo izya Vhatumwa 11:29

Kufumiilana niizyo, avhalandati avha Yeesu vhahitinkana kuuti, vhonti vhafumwe ivintu, kufumiilana na viila vwe vhali navwo, inga vhavhaavwe avhamwavho avha ku Yudeeya.

VaLoma 10:2

Nkuhomeshezya kuuti, avhenevho vhali nu mute kumulondola uMulungu, ileelo vhatalimanyile idala lye uMulungu akwanza kuuti vhamulondolaje.

1 VaKolinti 16:2

Isiku ilya kwanda ilya mulungu, mwenti musavhulaje ivintu nu kuvivhiiha kulandatana na vwe mulonsile, inga lwe nkwinza kuli imwe, muvhanje muvhunganisile.

1 VaKolinti 9:17

Inga nkuvhomba imbombo ino ku lusukasamo lwane, pe nkandi nsuvhiiye kuposheela amalipilo. Ileelo nkuvhomba imbombo ino, mwe pe uMulungu ampiiye yeneyo ku lukasamo lwakwe.

VaGalati 4:15

Mwámile nu luseshelo, ishi shintu vhuli she shivhaazile? Nkuyanga zya nalyoli, ahavhaliilizyo haala, nkandi mwítisile poosye nu kufwonkola aminso giinyu nu kumpa ine.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 4:13

Nkumulola akuyikungula ku mute kuvhaavwa imwe na vhantu avha mu nkaaya iya Lawodikiya ni ya Helapooli.

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.

Filemoni 1:14

Ileelo litaliipo naalimo lye ingalivhomba ishisita iwe kunitishila, inga inyinza zye ukumbombela zivhe kwe ku lusungwo lwaho weneewe, zitahaavhe kwi idala ilya kukuvijiilizya.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

1 Peteli 5:2

muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.