2 VaKolinti 7:3 - ULufingwi uLupwa

³ Ntakuyanga amazwi iga, inga mbalonje. Inza vwe naayanzile ku vhwandilo, iswe tuvhakunzite nkaani mu mooyo giitu, havhili tuli pooka niimwe, yivhe mwe mu vhulanzi uvhu, poosye mu vhufwe.

Tesitamenti Umupwa 1965

³ Inga nkuyanga zinizi pe ntakwanzʼukuvaloṿwʼimwe muvulonzi, she njanzile nzila ukuti muli mumoyo gitu imwe. Mwe mumwo lwenga tukufwa pe tuli swenti, nashenga tukulandila pope tuli swenti.

2 VaKolinti 7:3 ပူးပေါင်းရင်းမြစ်များ

2 VaKolinti 11:11

Lwe nkuyanga vhwevhulo, te kuuti ntavhakunzite, uMulungu amanyile kuuti mbakunzite.

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

2 VaKolinti 13:10

Nkuvhasimbila amazwi iga lwe nshiili kwinza, inga lwe naafiha kuli imwe, intahazilole zye zingambiiha kuvha ne muhali. Nkuvhasimbila vhwevhulo, mwe pe nkwanza kuuti amaha ge ampiiye uMwene uYeesu gavhe ga kuvhazenga imwe, gatahaavhe maha aga kuvhagwisya mu lwitiho.

2 VaKolinti 3:2

Imwe mwe mwe kalaata we akutuhomeshezya iswe, we asimviilwe mu mooyo giitu. Avhantu vhonti vhakuvhaazya nu kumanya imbombo iya Mulungu ye tuyivhomvile kuli imwe.

2 VaKolinti 7:12

Kuli izyo, poosye inga naavhasimbiiye ukalaata ula, ntaasimvile kuzya muntu we amunanjiiye uwamwavho, poosye we avhombeliilwe havhiivhi. Ileelo nanzaga mumanye mweneemwe pilongolela ilya Mulungu vwe mwaamile nu mute kuyifumwa, ku zyitu iswe.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.