2 VaKolinti 7:1 - ULufingwi uLupwa

¹ Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

Tesitamenti Umupwa 1965

¹ Ilelo mwe vankundwa, she tuli nazyo izya lumfingwi zinizi, pe tuyizelufwaje uvuhandamanu vwonti uvwa mumuvili nuvwa mumupepo, twanzajʼuvufinjile uvwila lwe tukumunyilʼuMulungu.

2 VaKolinti 7:1 ပူးပေါင်းရင်းမြစ်များ

Matayi 12:33

“Muvhwalaje ikwi ilyinza, goope amantonongwa gaakwe gakuvha minza. Muvhwalaje ikwi ivhiivhi, goope amantonongwa gaakwe gakuvha mavhiivhi. Ikwi likumanyiha vwe lili kufumiilana na mantonongwa gaakwe.

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Matayi 5:8

Vhalosiitwe vhe vhali nu mwoyo umwinza, mwe pe vhalimulola uMulungu.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

1 VaKolinti 6:20

mwe pe mwátavhuliilwe ku nsavho impiti. Ishi mumutiimaje uMulungu mu mavhili giinyu.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

1 VaTesaloniki 5:23

UMulungu wuuyo we akuutupa uvhutehamu, avhazelufwe imwe ku zyonti. Kwe kuuti ayenyelezyaje amooyo giinyu nu vhulanzi vhwinyu na mavhili giinyu, inga muvhe ishisita kukwinkwinwa kufishila lwe akwinza uMwene wiitu uYeesu Chilisiti.

VaHebuli 12:23

Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

VaHebuli 4:1

Pe ishi, mwe pe ulufingwi ulwa Mulungu ulwa vhantu kwinjila pa lutuuzyo lwakwe luli she luliipo, pe twogopaje, inga atahinze avhe umuntu inga wooka muli imwe uwa kupootwa kwinjila penepo.

VaHebuli 6:9

Vhankundwa, pooka nu kuuti tukuvhasimbila ku mazwi amahali, nalyoli tumanyile kuuti mukuvhomba inyinza zye zikusuuvhilwa ku vhe vhapokwilwe.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

1 Peteli 1:15

nkandi muvhanje mwe vhafinjile mu lujendo lwinyu lwonti, inza uMulungu we ávhiisite vwe mufinjile.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

1 Yohani 1:7

Ileelo inga tukulandila mu vhuzelu, inza vwe uMulungu ali mu vhuzelu, pe tukuvha nu vhuliilani sweneeswe. Havhili amavhanda aga Mwana waakwe uYeesu gakutuzelufwa uvhutalamalandu vhwitu vhwonti.

1 Yohani 1:9

Ileelo inga tukupemula kuuti tuvhomvile uvhutalamalandu, uMulungu akutuswila nu kutuzelufwa uvhuvhiivhi vhwonti, mwe pe uweene mutungamu havhili mugolosu.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.