2 VaKolinti 5:9 - ULufingwi uLupwa

⁹ Kuli izyo, insiivho zyitu kwe kumuhondezya uMwene, inga tuli mu muvhili uno, poosye inga tutali mu muvhili uno.

Tesitamenti Umupwa 1965

⁹ Mwe mumwo nashenga tuli kuhaya, nashenga tuli muvujeni, tukuyikungula ukuti tumuhondele wuyo.

2 VaKolinti 5:9 ပူးပေါင်းရင်းမြစ်များ

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

iMbombo izya Vhatumwa 10:35

Ileelo akuvhiitiha avhantu avha mu nsi zyonti, vhe vhakumunyila nu kuvhomba zye zihondeeye pilongolela lyakwe.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 14:8

Inga tukulandila, tukulandila ku vhushindamu uvhwa Mwene, poosye inga tukufwa, tukufwa ku vhushindamu vhwakwe. Pe ishi, inga tukulandila, poosye inga tukufwa, tuli she tukuvha twe vhantu vha Mwene uYeesu.

VaLoma 15:20

Muli zyonti izi, insiivho zyane kwe kulumbiilila Izwi iLyinza kwe uChilisiti atamanyisile, inga ntahinze inzenje pa lwalo ulwa muntu uwunji.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

2 VaKolinti 5:6

Kuli izyo, insiku zyonti tuli nu lusuuvhilo, poosye she tumanyile kuuti lwe tuli mu muvhili uno, tuli ukutali nu Mwene.

2 VaKolinti 5:8

Nalyoli tutali na maganigani, havhili tukulola kwashi tuwuleshe umuvhili uno, nu kusogola kutendama pooka nu Mwene uYeesu.

VaEfeso 1:6

inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

1 VaTesaloniki 4:1

Ishi vhamwitu, musambiliiye kufuma kuli iswe vwe yikwanzilwa kulandila, inga kumuhondezya uMulungu. Mwe muumwo vwe mukuvhomba vhwevhulo. Ishi, tukuvhalambiilizya ku maha aga Mwene uYeesu kuuti muvhombaje vhwevhulo nu kuluusya.

1 VaTesaloniki 4:11

Muvhanje nu mwoyo uwa vhutehamu. Umuntu wonti atayisanganyaaje mu zya vhanji, avhombaje imbombo zyakwe wuuyo, inza vwe twávhalajiziizye.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

2 Peteli 3:14

Ishi vhankundwa, lwe mukuguliilila izyo kuuti zilunjishe, muvhanje nu mute kuvhomba inyinza, inga uMulungu avhavhiishe kuvha mwe vhafinjile, mwe mutali nu vhunanzi pilongolela lyakwe, nu kuvha nu vhutehamu mu mooyo giinyu.