2 VaKolinti 4:4 - ULufingwi uLupwa

⁴ Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

Tesitamenti Umupwa 1965

⁴ Ve vuvo vʼumulungu wa munsi yinino avadovoyʼinsivo zya vasitakwitiha, ukuti vatenyajʼukwaha kwa luhozyo lwʼIvangeli lya vumwamu vwa Chilisiti, we shati sha Mulungu.

2 VaKolinti 4:4 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 12:31

Ishi ahavhaliilizyo haafiha aha Mulungu kuvhalonga avhantu avha mu nsi umu, havhili aha kumusumba kunzi uSeetano we mupiti uwa nsi ino.

Yohani 12:35

UYeesu ahavhavhuuzya ahati, “Uvhuzelu vhukuvha pooka niimwe ahavhaliilizyo hansi vhweleele. Mujendeelele kujenda mu vhuzelu uvhwo lwe vhuliipo, inga ishiisi shitahinze shivhapoote, mwe pe umuntu we akujenda mu shiisi, atakumanya kwe akusogola.

Yohani 12:40

“Avhavhiisile uvhwantonko, na mooyo gaavho agavhiisile kuvha magomu, inga aminso gaavho gatalolaje na mooyo gaavho gatamanyaje, inga vhatahinze vhagalushe ku kwane imbaposhe.”

Yohani 12:45

Umuntu wonti we akundola ine, akumulola na we ansonteleziizye.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 15:24

Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Yohani 16:11

Alivhalolesyaga kuuti uMulungu alivhalonga, mwe pe amulonzile uSeetano we mupiti wa vhatalamalandu mu nsi.

Yohani 8:12

Pe uYeesu ahajendeelela kuyanga havhili ni mpuga yiila ahati, “Ine ne vhuzelu ku vhantu vhonti. Umuntu wonti we akundandata ine, te ahajende mu shiisi naalumo, ileelo aliivha nu vhuzelu vhwe vhulimulongolaga mu vhulanzi uvhwa shiima.”

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

iMbombo izya Vhatumwa 26:23

Vhonti ivho vháyanzile kuuti uChilisiti aliyimba, havhili aliivha mutanzi kuzyuha, inga amanyisye inongwa izya vhuzelu uvhwa vhuposhi ku Vhayuuda, na ku vhantu vhe te Vhayuuda.”

1 VaKolinti 10:20

Ndaali! Impuutile zye vhakufumwa avhantu vhe vhakupuuta iviholanyo, vhatakumufumwizya wu Mulungu, vhakufumwa kwe ku mpepo inkandamanu. Ine ntakwanza kuuti imwe muvhe nu vhuliilani ni mpepo inkandamanu.

2 VaKolinti 2:11

Mbomvile vhwevhulo, inga uSeetano atahinze atupoote, mwe pe tumumanyile uvhushevu vhwakwe.

2 VaKolinti 2:12

Ishi, lwe naafiha mu nkaaya iya Tolowa kulumbiilila Izwi iLyinza ilya Chilisiti, ukwo uMwene aaniguliiye idala ilya kuvhomba imbombo yaakwe.

2 VaKolinti 3:11

Inga she sháali sha havhaliilizyo hansi vhweleele, sháali nu vhushindamu, pe isha havhaliilizyo honti shikuvha nu vhushindamu nkaani.

2 VaKolinti 3:14

Ileelo aVhaisilayeeli injeele zyavho zyávhisiilwe kuvha ngomu. Kufishila ishi lwe vhakuvhaazya amakalaata aga ndajizyo izya Moose, vhakupootwa kumanya uvhwanalyoli, mwe pe vhakuvha vhadindiliilwe nu mwenda uwo. Uvhwanalyoli uvhwo vhukumanyiha kwi idala ilya kumwitiha uChilisiti, mwe pe uweene we akwefwa umwenda uwo.

2 VaKolinti 3:18

Ishi iswe swenti twe tutadindiliilwe ku minso nu mwenda, tukulolesya uvhushindamu uvhwa Mwene inza ilooli vwe likulolesya ishiholanyo. UMwene we wu Mupepo, we akutwandula tuholane nu weene. Akutwandula kufuma pa vhushindamu vhumo kufishila pa vhushindamu uvhupiti nkaani.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Filipi 2:6

Pooka nu kuuti, kufuma hali uweene álingiine nu Mulungu, atávhwenyi kuuti kuula kulingaana nu Mulungu, shintu sha kushilemeelela.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

uTiiti 2:13

Tukuvha vhwevhulo, lwe tukuguliilila kwinza ukwa Yeesu Chilisiti mu vhushindamu uvhupiti, we Muposhi wiitu nu Mulungu wiitu uMupiti. Ulu lwe lusuuvhilo lwitu lwe lukuutupa uluseshelo.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 6:4

Ishi avhantu vhe vhalesile kumwitiha uMulungu, tungavhagalusya inza vhuli? Avhantu ivho ku vhwandilo vhásambiliiye uvhwanalyoli uvhwa Mulungu, nu kupeelwa ivipeelwa kufuma ku mwanya, nu kuposheela uMupepo uMufinjile.

2 Peteli 1:19

Havhili amazwi aga vhakuvhwi gakuhomeshezya inongwa izyo, niimwe mukuvhomba ahinza inga mukugalema. Amazwi igo gali inza inyaale ye yikuhozya mu shiisi, kufishila lwe kwasha. Kwe kuuti uChilisiti akuvhahozya mu mooyo giinyu inza uluzota ulwa nzanshi.

1 Yohani 2:11

Ileelo umuntu we akumuviitilwa uwamwavho, ali mu shiisi. Akujenda mu shiisi, ishisita kumanya kwe akusogola, mwe pe ishiisi shimugubishiiye ku minso.

1 Yohani 2:8

Ku luvhazu ulwamwavho, ululajizyo ulu lwe nkuvhasimbila, lujeni. Uvhwanalyoli vhwakwe vhukuloleha mu vhulanzi uvhwa Yeesu, na mu vhulanzi vhwinyu vhweleele, mwe pe ukulola ishiisi shikuteezya amaha, nu vhuzelu uvhwa nalyoli vhukutaliha kulama.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.