2 VaKolinti 3:3 - ULufingwi uLupwa

³ Mukulolesya kuuti imwe mwe kalaata we afumile kwa Chilisiti, we akulolesya imbombo zye tuvhomvile kuli imwe. Ukalaata uyo atali inza ukalaata we asimviilwe nu wiino, nkandi nu Mupepo uwa Mulungu uMulanzi. Havhili mutali inza ukalaata we asimviilwe mwi ivhwe, nkandi we asimviilwe mu mooyo aga vhantu.

Tesitamenti Umupwa 1965

³ she mulolesilʼimwe ukuva mwe kalata wa Chilisiti wʼimbombo yitu yiwupezile. Mutasimṿilwe nufita nkandi nuMupepo wa Mulungu umulanzi, havili mutasimṿilwe pamatafili ga mavwe ndali, nkandi pamatafili ga moyo ga vantu.

2 VaKolinti 3:3 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

1 VaKolinti 3:5

Ishi uApoolo wu naanu? Niine ne Paavhuli ne naanu? Iswe twe vhavhomvi vhweleele vhe uMulungu átusonteleziizye kuvhaavwa imwe kumwitiha uYeesu Chilisiti. Iswe swenti tuvhomvile inza vwe uMwene uYeesu átupiiye.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

2 VaKolinti 3:7

Indajizyo zye zyásimviilwe mu mavhwe, zye zikuleeta uvhufwe, zyínzile mu vhushindamu vhwe vhukulama, kufishila aVhaisilayeeli kupootwa kumwenya uMoose ku minso, pooka nu kuuti kulama ukwo kwámile ahavhaliilizyo hansi vhweleele. Inga imbombo izya ndajizyo zye zikuleeta uvhufwe zyínzile nu vhushindamu inza uvhwo,

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

VaHebuli 10:16

“UMWENE uMulungu áyanzile átili, ‘Ulu lwe lufingwi ulupwa lwe ndiluvhiiha na vhantu vhaane insiku izyo zye zikwinza. Ndivhiiha indajizyo zyane mu mooyo gaavho nu kuzisimba mu njeele zyavho.’”

VaHebuli 8:10

Ulu lwe lufingwi ulupwa lwe ndiluvhiiha na vhantu avha Isilayeeli insiku izyo zye zikwinza. Ndivhiiha indajizyo zyane mu njeele zyavho, nu kuzisimba mu mooyo gaavho. Ndiivha ne Mulungu waavho, vhoope vhaliivha vhantu vhaane.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

Ishitushizya 2:1

Umuntu uyo ahajendeelela kumbuuzya kuuti, “Uhavhizya uwa shivhanza isha ku Hefeeso, musimbile uti: Iga mazwi kufuma kuli ine ne Yeesu. Ine ndemile inzota 7 ku nyoovhe yaane iya kundiilo, havhili nkujenda pahati pa visajishilo ivwa sahaabu ivwa nyaale 7:

Ishitushizya 2:12

“Uhavhizya uwa shivhanza isha ku Pegaamo, musimbile uti: Iga mazwi kufuma kwa Yeesu, ula we ali ni ipanga lye lihozile kwonti:

Ishitushizya 2:18

“Uhavhizya uwa shivhanza isha ku Tiyatiila, musimbile uti: Iga mazwi ge nkuyanga ne Mwana wa Mulungu. Ine aminso gaane gakumekuha ngati mwoto, havhili ivinama vwane vili ngati shaaba ye vhayizelufwizye nkaani.

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha:

Ishitushizya 3:1

“Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.

Ishitushizya 3:22

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: