2 VaKolinti 2:3 - ULufingwi uLupwa

³ Ye nongwa naavhasimbiiye ukalaata uwamwavho ula, inga lwe ninza kuli imwe, intahaapelwe kuvha nu vhuswimiilizu na vhantu vhe vhakwanzilwa kumbiiha kuvha nu luseshelo. Imanyile kuuti ine inga navha nu luseshelo, niimwe mukuvha nu luseshelo.

Tesitamenti Umupwa 1965

³ Pe nkuvasimbila zye zila, she nkati vatampelelajʼine ukuswimililwa vuvo ve vahondeye ukunsansamusyʼine. She mbamanyilʼimwe mwenti ukuti izi zye nkuseshelʼine zye namwe mukuseshela zizyo mwenti namwe.

2 VaKolinti 2:3 ပူးပေါင်းရင်းမြစ်များ

1 VaKolinti 4:21

Ishi mukwanza imbombe ishooni? Vhuli, imbinzile ni ndiisa? Pamo imbinzile ni shikunzi nu mwoyo uwa vhutonsu?

2 VaKolinti 1:15

Mwe pe imanyile kuuti muliyitumvwa ku zyitu, nanzaga kulongolela kwinza kuli imwe suuti. Kuli izyo, mwaamile muposheelaje uvhuloote luvhili kuzya ine kwinza ukwo luvhili.

2 VaKolinti 1:23

Ntiinzile havhili ku Kolinto ukwo, mwe pe ntanzaga kuvhavwalazya amooyo giinyu. Zye nkuyanga zya nalyoli, uMulungu wu hoome.

2 VaKolinti 12:11

Nkuyanga ngati ne mupukupuuku, ileelo imwe mwamvijiilizya kuyanga vhwevhulo. Imwe mwanzilwaga kunkomeshezya inyinza, mwe pe poosye inga ntakushindikwa, ine te ne mutumwa umunsi kuvhaluusya vhaala vhe mukuti, “vhatumwa avhapiti.”

2 VaKolinti 12:21

Havhili nkwogopa kuuti lwe nkwinza kuli imwe, uMulungu waane kwe ambiishe kuuti ndole insoni pilongolela lyinyu. Kwe nswimiililwe kulola avhantu avhinji muli imwe vhashiili kutonta uvhutalamalandu vhwe vhávhomvile. Vhashiili vhakuvhomba uvhuvhembu nu vhulugusu ni mpapilo izyamwavho izya vhumalaaya zye vháali nazyo hali.

2 VaKolinti 13:10

Nkuvhasimbila amazwi iga lwe nshiili kwinza, inga lwe naafiha kuli imwe, intahazilole zye zingambiiha kuvha ne muhali. Nkuvhasimbila vhwevhulo, mwe pe nkwanza kuuti amaha ge ampiiye uMwene uYeesu gavhe ga kuvhazenga imwe, gatahaavhe maha aga kuvhagwisya mu lwitiho.

2 VaKolinti 2:9

Insiivho zyane izyamwavho izya kuvhasimbila ukalaata ula, zyaamile zya kumanya inga mukunshindiha mu zyonti.

2 VaKolinti 7:12

Kuli izyo, poosye inga naavhasimbiiye ukalaata ula, ntaasimvile kuzya muntu we amunanjiiye uwamwavho, poosye we avhombeliilwe havhiivhi. Ileelo nanzaga mumanye mweneemwe pilongolela ilya Mulungu vwe mwaamile nu mute kuyifumwa, ku zyitu iswe.

2 VaKolinti 7:16

Naseshela nkaani ku zyinyu, mwe pe ishi nkwanzilwa kuvhasuuvhila nziila.

2 VaKolinti 7:6

Ileelo uMulungu we akuvhasuvhaalizya avhantu vhe vhavunzisile amooyo, aatusuvhaliziizye kwi idala ilya kwinza uTiiti.

2 VaKolinti 7:8

Pooka nu kuuti ukalaata we naavhasimbiiye aavhapiiye uvhuswimiilizu, ntakuyikwinkwina. Poosye inga naayikwinkwinile hansi ulwa kwanda, ukalaata uyo aavhapiiye uvhuswimiilizu ahavhaliilizyo hansi vhweleele.

2 VaKolinti 8:22

Tukumusonteelezya uwamwitu uwamwavho avhe pooka na vha Tiiti. Uwamwitu uyo ulwinji tukumulola kuuti ali nu mute uwa kuvhomba imbombo. Ali nu mute nkaani kuluusya ku vhwandilo, mwe pe akuvhasuuvhila nkaani imwe.

VaGalati 5:10

Imwe mwe vhantu avha Mwene uYeesu. Nkuyanga ishisita amaganigani kuuti, te mulandate amazwi aga vhantu avhanji, nkandi kwe mulandate amazwi gaane. Havhili wonti we akuvhateezya imwe, nalyoli alilongwa, poosye avhe wu naanu.

2 VaTesaloniki 3:4

Woope akuutupa ulusuuvhilo ulupiti kuuti, ishi mukuvhomba ziila zye tukuvhalajizya, havhili kwe mujendeelele kuzivhomba.

Filemoni 1:21

Nkukusimbila ukalaata uno, mwe pe imanyile kuuti kwe uzishindishe ziila zye nakulaavha. Havhili imanyile kuuti kwe uvhombe kuluusya niizyo.